2018 წლის 10 თებერვალს 14:00საათზე საქართველოს ტექნიკური უნივერსიტეტის ცენტრალურ ბიბლიოთეკაში სამართლისა და საერთაშორისო ურთიერთობების ფაკულტეტის ორგანიზებით პროექტ „შეხვდი დამსაქმებელს“ ფარგლებში ფაკულტეტის სტუდენტებსა და პროფესორ-მასწავლებლებს შეხვდება საქართველოს უზენაესი სასამართლოს თავმჯდომარე ნინო გვენეტაძე
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის საბჭოს გადაწყვეტილებით კემბრიჯის უნივერსიტეტის გამომცემლობასთან დაიდო ხელშეკრულება, რომლის ფარგლებშიც სამართლისა და საერთაშორისო ურთიერთობების ფაკულტეტს მიეცა უფლება კემბრიჯის უნივერსიტეტის გამომცემლობის წიგნის (Beth A. Simmons, Richard H. Steinberg, International Law and International Relations) თარგმნასა და გამოცემაზე. ზემოაღნიშნული წიგნი შეირჩა ფაკულტეტის ორივე მიმართულების გათვალისწინებით, რადგან მასში განხილულია როგორც საერთაშორისო სამართლის აქტუალური პრობლემები, ასევე საერთაშორისო ურთიერთობების თანამედროვე ტენდენციები.
პროექტის ფარგლებში შეიქმნა სამუშაო ჯგუფი (მარიამ ჯიქია, მაია გამსახურდია, იგორ კვესელავა, ქეთევან ჯინჭარაძე და მაია ამირგულაშვილი), რომელიც უზრუნველყოფს წიგნის თარგმნასა და რედაქტირებას. პროექტის ხანგრძლივობა განისაზღვრა 9 თვით (2017 წლის 19 სექტემბრიდან 2018 წლის 19 ივნისამდე).
პროექტის მთლიანი ბიუჯეტი შეადგენს 39100 ლარს და მისი დაფინანსება ხდება სამათლისა და საერთაშორისო ურთიერთობების ფაკუტლეტის ბიუჯეტიდან.
2018წლის 5 თებერვალს სტუ-ს სამართლისა და საერთაშორისო ურთიერთობების ფაკულტეტის ორგანიზებით საჯარო სამართლის ლაბორატორიაში აფხაზეთის მეცნიერებათა ეროვნული აკადემიის აკადემიკოსმა, საერთაშორისო სამართლის დოქტორმა, შავი ზღვის საერთაშორისო უნივერსიტეტის პროფესორმა დავით გეფერიძემ წაიკითხა საჯარო ლექცია თემაზე – “თანამედროვე საერთაშორისო საჰაერო სამართლის აქტუალური პრობლემები“.
საჯარო ლექცია გახსნა სტუ-ს სამართლისა და საერთაშორისო ურთიერთობების ფაკულტეტის დეკანმა პროფესორ ირაკლი გაბისონიამ, რომელმაც წარუდგინა სტუდენტებს მოწვეული პროფესორი დავით გეფერიძე და ხაზი გაუსვა ფაკულტეტის მიზანს გაუწიოს პოპულარიზაცია საერთაშორისო საჰაერო სამართლის სწავლებას.
პროფესორი დავით გეფერიძე მოხსენებისას შეეხო ისეთ აქტუალურ საკითხებს როგორიცაა: თანამედროვე საერთაშორისო საჰაერო სამართლის ცნების და არსის განსაზღვრის პრობლემები, საერთაშორისო საჰაერო სამართლის წყაროები, პრინციპები და სამართლებრივი რეჟიმი. ხაზი გაუსვა საერთაშორისო საჰაერო გადაყვანა-გადაზიდვების საერთაშორისო სამართლებრივი რეგულირების საშუალებებსა და საერთაშორისო საავიაციო ორგანიზაციების საქმიანობას.
პრეზენტაციის შემდგომ კითხვა-პასუხის რეჟიმში სტუდენტებმა ყურადღება გაამახვილეს საერთაშორისო საჰაერო სამართალში პასუხისმგებლობის საკითხზე და სხვა აქტუალურ პრობლემებზე. აღნიშნული საჯარო ლექცია შედგა და იგი საინტერესო აღმოჩნდა როგორც საერთაშორისო ურთიერთობების, ასევე სამართლის მიმართულების სპეციალობის სტუდენტებისათვის.
საჯარო ლექციას ესწრებოდა აფხაზეთის მეცნიერებათა ეროვნული აკადემიის აკადემიკოსი, სამართლის დოქტორი, პროფესორი ავთანდილ ხაზალია, რომელიც მიესალმა სტუდენტებს და ყურადღება გაამახვილა თანამედროვე საერთაშორისო საჰაერო სამართლის აქტუალურ პრობლემებზე და მის მნიშვნელობაზე. მადლობა გადაუხადა ფაკულტეტის ხელმძღვანელობას ბატონ ირაკლი გაბისონიას და ბატონ ჯემალ გაბელიას სტუდენტებისთვის მნიშვნელოვანი ღონისძიების ჩატარებისთვის.
მოწვეულმა პროფესორმა დავით გეფერიძემ სტუ-ს სამართლისა და საერთაშორისო ურთიერთობების ფაკულტეტის ბიბლიოთეკას საჩუქრად გადასცა სახელმძღვანელო „საერთაშორისო საჰაერო სამართალი“
2018 წლის 3 თებერვალს საქართველოს ტექნიკური უნივერსიტეტის ცენტრალურ ბიბლიოთეკაში სამართლისა და საერთაშორისო ურთიერთობების ფაკულტეტის ორგანიზებით პროექტ „შეხვდი დამსაქმებელს“ ფარგლებში ფაკულტეტის სტუდენტებსა და პროფესორ–მასწავლებლებს შეხვდნენ საქართველოს ნოტარიუსთა პალატის თავმჯდომარის მოადგილე თინათინ დევდარიანი, საქართველოს ნოტარიუსთა პალატის გამგეობის წევრები, ნოტარიუსები: მეგი მაღალდაძე და მანანა გოგაშვილი, ქ. თბილისის ნოტარიუსები დავით ოყროშიძე, ოთარ გოლოძე, ლალი ჯანუყაშვილი და თამილა გოგატიშვილი.
შეხვედრა გახსნა და სტუმრებს მიესალმა სტუ-ს სამართლისა და საერთაშორისო ურთიერთობების ფაკულტეტის დეკანი პროფესორი ირაკლი გაბისონია, რომელმაც გააცნო სტუმრებს პროექტი „შეხვდი დამსაქმებელს“.
შეხვედრას უძღვებოდა საქართველოს ნოტარიუსთა პალატის თავმჯდომარის მოადგილე თინათინ დევდარიანი, რომელმაც ყურადღება გაამახვილა საქართველოს ნოტარიუსტთა პალატის საქმიანობაზე.
დამსწრე საზოგადოების წინაშე პრეზენტაციით წარსდგა საქართველოს ნოტარიუსთა პალატის გამგეობის წევრი, ახალგაზრდა ნოტარიუსი მანანა გოგაშვილი, რომელმაც ისაუბრა საქართველოს ნოტარიუსტთა პალატაში განხორციელებულ რეფორმებზე, სანოტარო მედიაციასა და სანოტარო მოქმედებათა ელექტრონული რეესტრის თაობაზე.
ნოტარიუსებმა: დავით ოყროშიძემ, ოთარ გოლოძემ, ლალი ჯანუყაშვილმა და თამილა გოგატიშვილმა სიტყვით გამოსვლისას ყურადღება გაამახვილეს სანოტარო მომსახურების ხელმისაწვდომობაზე, სამემკვიდრეო საქმეებზე და საქორწინო ხელშეკრულებებზე.
მოხსენებების შემდეგ გაიმართა დისკუსია სამართლის საბაკალავრო, სამაგისტრო სასწავლო–პროგრამების, სილაბუსების მოდიფიკაციასთან დაკავშირებით, ნოტარიუსებმა გამოთქვეს რეკომენდაციები კონკრეტულ საკითხებთან მიმართებაში.
საქართველოს ნოტარიუსტთა პალატის თავმჯდომარის მოადგილე თინათინ დევდარიანმა სამართლისა და საერთაშორისო ურთიერთობების ფაკულტეტს საჩუქრად გადასცა უახლესი იურიდიული ლიტერატურა.
ფაკულტეტის სტუდენტებმა აქტიურად დაუსვეს შეკითხვები ნოტარიუსებს, გამოთქვეს სურვილი ნოტარიუსობის და მოისმინეს უშუალო რჩევები მათგან.
შეხვედრა შეაჯამა სტუ-ს სამართლისა და საერთაშორისო ურთიერთობების ფაკულტეტის დეკანმა პროფესორ ირაკლი გაბისონიამ.
2018 წლის 2-4 თებერვალს დაბა ბაკურიანში ზამთრის სკოლა თემაზე: პერსონალური მონაცემები და მათი დაცვის ინსტრუმენტები“ ჩატარდა.
ზამთრის სკოლა განხორციელდა სტუ-ს სამართლისა და საერთაშორისო ურთიერთობების ფაკულტეტისა და პერსონალურ მონაცემთა დაცვის ინსპექტორის აპარატის ორგანიზებით, რომელიც დაფინანსდა ფაკულტეტის ბიუჯეტიდან.
ზამთრის სკოლას უძღვებოდა პერსონალურ მონაცემთა დაცვის ინსპექტორის აპარატის წარმომადგენელი ნინო ქურასბედიანი, რომელმაც ლექციები ჩაატარა პერსონალური მონაცემების დაცვის კანონმდებლობის, ინსპექტორის მანდატის, მონაცემების დამუშავების პრინციპებისა და საფუძვლების შესახებ, ყურადღება გაამახვილა ვიდეოკონტროლის განხორციელებაზე, პირდაპირი, აგრესიული მარკეტინგის მნიშვნელობაზე პერსონალური მონაცემების დაცვისას. ზამთრის სკოლის მსმენელებმა მიმოიხილეს კონკრეტული კაზუსები, ევროსასამართლოს პრაქტიკა და საქართველოში არსებული კანონმდებლობა.
დასასრულს, ზამთრის სკოლის ორგანიზატორებმა სტუ-ს სამართლისა და საერთაშორისო ურთიერთობების ფაკულტეტის მენეჯერმა ასისტენ-პროფესორმა ანა ფუტკარაძემ, ასისტენ-პროფესორმა გოგა მამფორიამ და პერსონალურ მონაცემთა დაცვის ინსპექტორის აპარატის წარმომადგენელმა ნინო ქურასბედიანმა ზამთრის სკოლის მსმენელებს გადასცეს სერტიფიკატები.
2018 წლის 2 თებერვალს დაბა ბაკურიანში ზამთრის სკოლა თემაზე: პერსონალური მონაცემები და მათი დაცვის ინსტრუმენტები“ გაიხსნა.
ზამთრის სკოლა ხორციელდება სტუ-ს სამართლისა და საერთაშორისო ურთიერთობების ფაკულტეტისა და პერსონალურ მონაცემთა დაცვის ინსპექტორის აპარატის ორგანიზებით, რომელიც დაფინანსდა ფაკულტეტის ბიუჯეტიდან.
ზამთრის სკოლა გახსნა პერსონალურ მონაცემთა დაცვის ინსპექტორის აპარატის წარმომადგენელმა ნინო ქურასბედიანმა, რომელმაც ისაუბრა პერსონალური მონაცემების დაცვის კანონმდებლობის, ინსპექტორის მანდატის, მონაცემების დამუშავების პრინციპებისა და საფუძვლების შესახებ, ყურადღება გაამახვილა ვიდეოკონტროლის განხორციელებაზე, პირდაპირი, აგრესიული მარკეტინგის მნიშვნელობაზე პერსონალური მონაცემების დაცვისას.
2018 წლის 27-31 იანვარს, საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის მხარდაჭერით ქალაქ ქუთაისის , აკაკი წერეთლის სახელმწიფო უნივერსიტეტში ზამთრის სკოლა თემაზე: „სახელმწიფო, პოლიტიკა, რელიგია“ გაიმართა.
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ხელმძღვანელობის მიერ მოწვეულ იქნა გერმანელი პროფესორი იოჰანეს ვეისი, რომელმაც სტუდენტებს წაუკითხა ლექცია თემაზე: „პოლიტიკა, როგორც მოწოდება ან ხელობა ვებერის მიხედვით“ და „განსჯადობის პრობლემა ვებერის რელიგიის სოციოლოგიაში“
ზამთრის სკოლის მსმენელებს უცხოელ პროფესორთან ერთად ლექცია/სემინარები ჩაუტარეს პროფესორ მამუკა ბერიაშვილმა, პროფესორ ემზარ ჯგერენაიამ და პროფესორ მინდია ოკუჯავამ თემებზე: ევროპული კულტურის მთავარი ნიშანი ვებერის „წინასწარი შენიშვნების“ მიხედვით, სამართლებრივი სახელმწიფო და თანამედროვე შეხედულებები საკანონმდებლო-აღმასრულებელ ურთიერთობათა შესახებ, სახელმწიფო, როგორც ზნეობრივი სახელმწიფო, რელიგიის ზეგავლენა ეკონომიკურ ცხოვრებაზე „პროტესტანტული ეთიკის და კაპიტალიზმის სულისკვეთების“ ვებერის მიხედვით და სამართლებრივი სახელმწიფოს ძირითადი პრინციპები და ხელისუფლებრივ უფლებამოსილებათა განაწილების ზოგიერთი თავისებურება საქართველოს კონსტიტუციის მიხედვით. ლექციების შემდგომ გაიმართა შემაჯამებელი დისკუსია, რომლის ფარგლებში აქტიურად მონაწილეობდნენ ფაკულტეტის სტუდენტები.
ზამთრის სკოლის დღის წესრიგი საკმაოდ მრავალფეროვანი და საინტერესო აღმოჩნდა ფაკულტეტის სტუდენტებისათვის.
აღნიშნულ ზამთრის სკოლაში ასევე მონაწილეობდნენ შოთა მესხიას ზუგდიდის სახელმწიფო უნივერსიტეტის, ილიას სახელმწიფო უნივერსიტეტის და ქუთაისის აკაკი წერეთლის სახელმწიფო უნივერსიტეტის სტუდენტები.
ზამთრის სკოლის დახურვის ცერემონიალი გაიმართა 31 იანვარს, სადაც მონაწილეებს გადაეცათ სერტიფიკატები.
2018 წლის პირველ თებერვალს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სტუდენტური თვითმმართველობის ორგანიზებით სტუ-ს ადმინისტრაციული კორპუსის მცირე სააქტო დარბაზში გაიმართა შეხვედრა სამართლისა და საერთაშორისო ურთიერთობების ფაკულტეტის დეკანთან პროფესორ ირაკლი გაბისონიასთან.
შეხვედრას ესწრებოდნენ ფაკულტეტის დეკანის მოადგილე, საგანმანათლებლო პროგრამების კურატორი, მენეჯერი, ხარისხის უზრუნველყოფის სამსახურის უფროსი, აკადემიური დეპარტამენტის ხელმძღვანელები, ასევე, მოწვეული იყო სტუ-ს სოციალურ საკითხთა, სპორტისა და კულტურის დეპარტამენტის ხელმძღვანელი .
ფაკულტეტის დეკანმა პროფესორ ირაკლი გაბისონიამ მოხსენებაში მიმოიხილა უკვე დამთავრებული პროექტები, გააცნო სტუდენტებს მათი შედეგი. ხაზი გაუსვა მიმდინარე და სამომავლოდ დაგეგმილ ღონისძიებებს. დეკანმა ყურადღება გაამახვილა პროექტ „შეხვდი დამსაქმებელ“-ზე, საქართველოს პირველი პრეზიდენტის ზვიად გამსახურდიას სახელობის სტიპენდიის დაწესებაზე, საერთაშორისო პროექტებში, ზამთრის სკოლებში სტუდენტთა მონაწილეობაზე და სხვა.
დეკანის მოხსენების შემდგომ შეხვედრა წარიმართა კითხვა-პასუხის რეჟიმში. სტუდენტებმა აქტიურად დასვეს შეკითხვები სხვადასხვა საკითხთან მიმართებაში და მიიღეს ამომწურავი პასუხები როგორც ფაკულტეტის დეკანის ასევე, სხვა მოწვეული პირებისგან. სტუდენტებმა წამოაყენეს ინფრასტრუქტურის, უსაფრთხოების, დასაქმების, გაცვლითი პროგრამების და სხვა რიგ საკითხებთან დაკავშირებული ასპექტები.
შეხვედრის ფორმატში ფაკულტეტის ადმინისტრაცია შეთანხმდა ზოგიერთი ცვლილების განხორციელების აუცილებლობაზე და სთხოვა სტუდენტებს აქტიურად ჩაერთონ ფაკულტეტის საქმიანობაში.
2018 წლის 3 თებერვალს 14:00 საათზე საქართველოს ტექნიკური უნივერსიტეტის ცენტრალურ ბიბლიოთეკაში სამართლისა და საერთაშორისო ურთიერთობების ფაკულტეტის ორგანიზებით პროექტ „შეხვდი დამსაქმებელს“ ფარგლებში ფაკულტეტის სტუდენტებსა და პროფესორ–მასწავლებლებს შეხვდებიან საქართველოს ნოტარიუსთა პალატის თავმჯდომარის მოადგილე თინათინ დევდარიანი, საქართველოს ნოტარიუსთა პალატის გამგეობის წევრები, ნოტარიუსები: მეგი მაღალდაძე და მანანა გოგაშვილი, ქ. თბილისის ნოტარიუსები დავით ოყროშიძე, ოთარ გოლოძე და ლალი ჯანუყაშვილი.
