🚩🚩გაცნობებთ, რომ დაწყებულია განცხადებების მიღება სტატუსის აღდგენასა და სემესტრის დამატებასთან დაკავშირებით.
დამატებითი ინფორმაციისთვის მიმართეთ დეკანატს ან 905ა ოთახს.

 2018 წლის 8-18 ივლისს, სტუ-ს სამართლისა და საერთაშორისო ურთიერთობების ფაკულტეტის სტუდენტები ბაჩო კვირველია და ირინა მიქავა სამშვიდობო გაცვლითი პროგრამის „ახალგაზრდა აქტივისტები მშვიდობისთვის და მსოფლიო რომელიც ჩვენ გვინდა“ ფარგლებში გერმანიაში  იმყოფებოდნენ. სივერჰაუზენის სამშვიდობო ბანაკი ოცდათაამდე ქართველ, გერმანელ, ბერძენ, რუს და თურქ ახალგაზრდას მასპინძლობდა.

პროგრამის ფარგლებში სტუდენტები 10 დღის მანძილზე განიხილავდნენ  ისეთ საკითხებს, როგორიცაა სხვადასხვა სოციალური და კულტურული  წარმომავლობის ხალხტა მშვიდობიანი თანაცხოვრება, კონფლიქტტა კონსტრუციული გადაჭრა, რასიზმთან და ადამიანის უფლებების დარღვევასთან წინააღმდეგობის გაწევა, გაეროს 2030 წლის მდგრადი განვითარების მიზნების  განხილვა და სხვა.

 სამშვიდობო პროგრამის ფარგლებში  ახალგაზრდები ეწვივნენ ლერტეში მდებარე დევნილტა სახცხოვრებელს და მიგრანტთან ერთად სხვადასხვა სახის შემეცნებით-გასართობი აქტივობები განახორციელეს.  გავლითი პროგრამა „ახალგაზრდა აქტივისტები მშვიდობისთვის“ გერმანული ორგანიზაცია ICJA–ს მიერ 2012 წლიდან ხორციელდება.

2018 წლის 16-19 ივლისს ჩატარდა საზაფხულო სკოლა „საკონსტიტუციო სამართალწარმოება საქართველოში“, საზაფხულო სკოლის დახურვის ცერემონიალზე მონაწილეებს სერთიფიკატები საკონსტიტუციო სასამართლოს თავმჯდომარის მოადგილემ თეიმურაზ ტუღუშმა გადასცა.

საზაფხულო სკოლის ფარგლებში სტუდენტებს ლექციები საკონსტიტუციო სასამართლოს წარმომადგენლებმა, სამართლებრივმა მრჩევლებმა წაუკითხეს, საკონსტიტუციო სამართალწარმოების პრაქტიკულ ასპექტებსა და სასამართლო პრაქტიკის შესახებ. კერძოდ, სტუდენტებს ჰქონდათ შესაძლებლობა მიეღოთ მეტი ინფორმაცია, ზოგადად, საკონსტიტუციო კონტროლის წარმოშობასა და მის სისტემურ ასპექტებზე. ლექციათა მნიშვნელოვანი ნაწილი დაეთმო საქართველოს საკონსტიტუციო სასამართლოს საქმიანობის პრაქტიკულ ასპექტებს, საქმეთა განხილვისა და გადაწყვეტის პროცედურას, და ასევე, სტუდენტებს ჰქონდათ შესაძლებლობა მიეღოთ ღირებული ინფორმაცია საქართველოს საკონსტიტუციო სასამართლოს მიერ გამოტანილი გადაწყვეტილებების შესახებ და საკონსტიტუციო სასამართლოს წარმომადგენლებთან ერთად, განეხილათ გადაწყვეტილებების შინაარსობრივი ასპექტები. საკონსტიტუციო სასამართლომ წელს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სტუდენტებს მეექვსედ უმასპინძლა.

საკონსტიტუციო სასამართლოს თავმჯდომარის მოადგილემ აღნიშნა, რომ საკონსტიტუციო სასამართლო დაინტერესებულია სამომავლოდაც გააგრძელოს თანამშრომლობა საქართველოს ტექნიკურ უნივერსიტეტთან. მან სიტყვით მიმართა მონაწილეებს და მოულოცა საზაფხულო სკოლის წარმატებით დასრულება.

მონაწილეებს მიმართა საკონსტიტუციო სასამართლოს თავმჯდომარის მოადგილემ, საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის  მენეჯერმა,   ანასტასია ფუტკარაძემ და ასისტენტმა სოფო დემეტრაშვილმა.

2018 წლის  20 ივლისს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის   ორგანიზებით შოთა რუსთაველის ეროვნული სამეცნიერო ფონდის ფარგლებში გამოცემული მონოგრაფიების: „საბჭოური პოლიტიკა და საქართველოს ეროვნული უმცირესობა“ , „ქართული ემიგრაცია და ეროვნულ-განმათავისუფლებელი მოძრაობა“ (1921-1990)   საბჭოთა რეჟიმი და ქართული ეროვნული იდეა (1921-1991), პრეზენტაცია გაიმართა.

ღონისძიება გახსნა სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ, რომელმაც მიულოცა ავტორებს  მონოგრაფიების გამოცემა და წარმატებები უსურვა მათ. დეკანმა ასევე ყურადღება გაამახვილა ფაკულტეტის კვლევით საქმიანობაზე .

დასწრე საზოგადოების წინაშე სიტყვით გამოვიდნენ ავტორები: პროფესორი ავთანდილ სონღულაშვილი და  ასოცირებული პროფესორი ნატო სონღულაშვილი. მონოგრაფიების შესახებ ისაუბრა მწერალთა კავშირის თავმჯდომარემ, პროფესორმა რევაზ მიშველაძემ და კონსტანტინე გამსახურდიამ. საკუთარი მოსაზრებები წარმოადგინეს სხვა პროფესორებმა.

ღონისძიება შეაჯამა სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ

Download (PDF, Unknown)

2018 წლის 20 ივლისს 16:00სააათზე  საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ორგანიზებით შოთა რუსთაველის ეროვნულ სამეცნიერო ფონდთან თანამშრომლობით გაიმართება პროფესორ ავთანდილ სონღულაშვილის წიგნის „საბჭოური პოლიტიკა და საქართველოს ეროვნული უმცირება“ პრეზენტაცია-განხილვა

 2018 წლის 17 ივლისს სტუ-ს სამართლისა და საერთაშორისო ურთიერთობების ფაკულტეტის საჯარო სამართლის აკადემიური დეპარტამენტის ორგანიზებით გაიმართა სტუდენტური კონფერენცია თემაზე:საჯარო სამსახური საქართველოში: სინამდვილე და გამოწვევები“

კონფერენცია გახსნა სტუ-ს სამართლისა და საერთაშორისო ურთიერთობების ფაკულტეტის საჯარო სამართლის დეპარტამენტის ხელმძღვანელმა, პროფესორმა მარიამ ჯიქიამ.

კონფერენციაზე წარსადგენი მოხსენებები თემატურად  მოიცავდა შემდეგ საკითხებს: საჯარო სამსახურში მიღების წესი; საჯარო სამსახურში სამუშაოს შეფასების მეთოდები და სისტემები; ანაზღაურების სისტემა საჯარო სამსახურში; მამხილებლის ინსტიტუტი; სამოხელეო დავის განხორციელების სპეციფიკა და სამართლებრივი პრობლემები; საჯარო მოხელის დისციპლინარული პასუხისმგებლობის თავისებურებანი.

კონფერენციაში მონაწილეობდნენ როგორც სტუ-ს სამართლისა და საერთაშორისო ურთიერთობების ფაკულტეტის სტუდენტები ასევე, საქართველოს სხვა უმაღლესი სასწავლებლის წარმომადგენლები.

მომხსენებლებმა წარმოადგინეს შემდეგი თემები: საჯარო სამსახურში მიღების წესი და პროცედურები, მამხილებლის ინსტიტუტის მნიშვნელობა საჯარო სამსახურში, მოსამართლის დისციპლინური დევნა-სასამართლოზე ზეწოლა თუ ლეგიტიმური პასუხისმგებლობა, მამხილებლის ინსტიტუტის დადებითი და უარყოფითი მხარეები, საჯარო სამსახურის რეფორმა საქართველოში და სხვა.

სტუ-ს სამართლისა და საერთაშორისო ურთიერთობების ფაკულტეტის სამეცნიერო კველევითი პროექტის  “საქართველოს ტერიტორიული და სახელმწიფოებრ- პოლიტიკური მოწყობის მმართელობისა და თვითმმართველობის ასპექტების” ფარგლებში გამოიცა პროფესორების იგორ კვესელავას, ჯემალ გახოკიძეს, ედიშერ გვენეტაძეს მონოგრაფია “საქართველოს ტერიტორიული და სახელმწიფოებრივ-პოლიტიკური მოწყობის, მმართველობისა და თვითმმართველობის ასპექტები”

სტუ-ს სამართლისა და საერთაშორისო ურთიერთობების ფაკუტლეტის სამეცნიერო კვლევითი-პროექტის ‘სისხლის სამართლის კერძო ნაწილი, ადამიანის სიცოცხლის წინააღმდეგ მიმართული დანაშაულის”  ფარგლებში და ფაკულტეტის მხარდაჭერით გამოიცა პროფესორების ირაკლი გაბისონიას, ჯემალ გაბელიას და თეიმურაზ დარსანიას სახელმძღვანელო “სისხლის სამართლის კერძო ნაწილი, ადამიანის სიცოცხლისა და ჯანმრთელობის წინააღმდეგ მიმართული დანაშაული” წიგნი პირველი .