2018 წლის 29 მარტს საჯარო სამართლის ლაბორატორიაში სტუ-ს სამართლისა და საერთაშორისო ურთიერთობების ფაკულტეტის ორგანიზებით ბონის უნივერსიტეტის დოქტორანტმა ლევან შატბერაშვილმა საჯარო ლექციათა კურსის “სახელმწიფო და სამართლის სწავლების” ფარგლებში ჩაატარა პირველი საჯარო ლექცია თემაზე: „არისტოტელეს პოლიტიკური ფილოსოფია და ეთიკა“
ფაკულტეტზე აღნიშნული საჯარო ლექციათა კურსი უკვე მესამე კვირაა ხორციელდება და სტუდენტებს აქვთ შესაძლებლობა დაესწრნონ მოწვეული პროფესორების ლექცია-სემინარებს სახელმწიფოსა და სამართლის სწავლებისა და სეკულარიზაციისა თეორიების შესახებ.
ბონის უნივერსიტეტის დოქტორანტმა ლევან შატბერაშვილმა ისაუბრა არისტოტელეს ცხოვრებისეულ შეხედულებებზე, მასზე როგორც ალექსანდრე მაკედონელის მასწავლებელზე. შეადარა ერთამანეთს პლატონისა და არისტოტელეს შეხედულებანი და მიმოხილია მათი ცხოვრების მნიშვნელოვანი ასპექტები.
შეხვედრა ინტერაქტიულ რეჟიმში წარიმართა, სტუდენტებმა აქტიურად დაუსვეს შეკითხვები მოწვეულ სტუმარს, რაზედაც ამომწურავი და საინტერესო პასუხები მიიღეს.
