2018 წლის 18 მაისს სტუ-ს ადმინისტრაციულ კორპუსში მაგდებურგის უნივერსიტეტის ემერიტუს-პროფესორმა გეორგ ლომანმა სტუ-ს სამართლისა და საერთაშორისო ურთიერთობების ფაკულტეტის მოწვევით ჩაატარა საჯარო ლექცია „სამართლიანობა და დემოკრატია რონალდ დვორკინთან”. შეხვედრას ესწრებოდა სტუ-ს სამართლისა და საერთაშორისო ურთიერთობების ფაკულტეტის დეკანი, პროფესორი ირაკლი გაბისონია, სტუდენტები და პროფესორ-მასწავლებლები. ემერიტუს-პროფესორმა გეორგ ლომანმა თავდაპირველად ისაუბრა რონალდ დვორკინის ბიოგრაფიული მონაცემების შესახებ, შემდგომ განმარტა მისი შეხედულებები ზოგიერთ საკითხთან დაკავშირებით და ძირითადი ყურადღება გაამახვილა რონალდ დვორკინის შეხედულებაზე დემოკრატიაზე და სამართლიანობაზე. შეხვედრა ინტერაქტიულ რეჟიმში წარიმართა, რომელიც შეაჯამა სტუ-ს სამართლისა და საერთაშორისო ურთირთობების ფაკულტეტის დეკანმა, პროფესორმა ირაკლი გაბისონიამ.
