გთავაზობთ საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ახალ რუბრიკას „გაიცანი სტუ-დენტი“, რომელიც საშუალებას მოგცემთ გაიცნოთ ჩვენი ფაკულტეტის სტუდენტები, რომლებიც გამორჩეულნი არიან მაღალი აკადემიური მოსწრებითა და საზოგადოებრივი საქმიანობით.
ამჟამად წარმოგიდგენთ სტუ-ს სამართლისა და საერთაშორისო ურთიერთობების ფაკულტეტის დოქტორანტს დიმიტრი საბულუას.
- მოგესალმებით დიმიტრი, გაეცანით ჩვენს მკითხველს.
პასუხი: მოგესალმებით და მივესალმები თქვენს ერთობ საჭირო და დროულ რუბრიკას. საჭიროს, რადგან როგორც მეპურემ უნდა დააგემოვნოს მის მიერ გამომცხვარი პური და დარწმუნდეს მის ოსტატობაში, ასევე პედაგოგმაც უნდა გაიცნოს და შეიცნოს მისი სტუდენტი, რომლის აზროვნებაც, გარკვეულწილად მისი შრომის პროდუქტია. მე გახლავართ, დიმიტრი საბულუა, 32 წლის, განათლებით იურისტი, მყავს მეუღლე და 7 წლის სოფიო საბულუა. მიყვარს პოეზია, მუსიკა, საინტერესო ადამიანებთან ურთიერთობა და თამადობა. ასევე მაინტერესებს ფსიქოლოგია, ისტორია და აზროვნების დიალექტიკური მეთოდი.
- მოგვიყევით თქვენი ცხოვრებისეული მოვლენები? სად სწავლობდით
პასუხი: მე 1985 წლის 7 იანვარს დავიბადე აფხაზეთის ავტ. რესპუბლიკის ქ. გალში, მაგრამ ცნობილი ძმათა ომის გამო იქ გაზრდა აღარ დამცალდა და 1993 წლიდან ვცხოვრობ ქ. თბილისში.
2006 წელს დავამთავრე ივ.ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი (წარჩინებით), მაგისტრის ხარისხით. ვფლობ ინგლისურ და რუსულ ენებს.
- კარიერული წინსვლის შესახებ რას გვეტყვით?
პასუხი: 2006-2008 წწ ვმუშაობდი არასამთავრობო ორგანიზაცია „სამოქალაქო საზოგადოების განვითარების ცენტრში“ იურისტ-კონსულტად, სადაც იურიდიულ დახმარებას ვუწევდით ძირითადად დევნილ მოსახლეობას. 2007 წელს მივიღე ადვოკატის სერტიფიკატი სისიხლის სამართლის სპეციალიზაციით. შემდგომ პერიოდში ვეწეოდი თვითგანათლებასა და მცირე სამეწარმეო საქმიანობას.
- რატომ გადაწყვიტეთ გამხდარიყავით სტუ-ს დოქტორანტი?
პასუხი: თვითგანათლების პროცესში, დამებადა სურვილი ჩემი ცოდნა და ინტერესები ფართო სამეცნიერო წრისთვის გამეზიარებინა. ამ პერიოდისთვის სტუ-ს ჰქონდა გამოცხადებული სადოქტორო პროგრამაზე მიღება. მივედი, ჩავაბარე გამოცდები, გავიარე გასაუბრება და დღეს სიამაყით შემიძლია განვაცხადო, რომ ამ თითქმის საუკუნოვანი ისტორიის მქონე უნივერსიტეტის დოქტორანტი გახლავართ. ამასთან გულწრფელად გეტყვით, რომ აქაურ პროფესორ-მასწავლებლებზე, მათ მაღალ კვალიფიკაციასა და პროფესიონალიზმზე ბევრი რამ მქონდა გაგებული.ზოგიერთ მათგანს პირადადაც ვიცნობდი
მინდა გითხრათ, რომ სწავლის დაწყებისთანავე ამ ყველაფერში 100%-ით დავრწმუნდი. აქ დამხვდა უაღრესად თბილი და მეგობრული გარემო, სადაც სტუდენტის აზრს პატივს სცემენ და ანგარიშს უწევენ, მიისწრაფიან რა სიახლისა და პროგრესისკენ. ამის დასტურია, თუნდაც ამ რუბრიკის არსებობა. ყოველივე ამისთვის მინდა გულითადი მადლობა ვუთხრა ჩემი ფაკულტეტის პროფესორებს: ბ-ნ ირაკლი გაბისონიას, ბ-ნ ჯემალ გაბელიას, ბ-ნ იგორ კვესელავას, ბ-ნ ზურაბ კვენეტაძეს.ქ-ნ ლია მეტრეველს (უმშვენიერესს ქალბატონს), ქ-ნ სალომე ხიზანიშვილს, ქ-ნ მაია ამირგულაშვილს და სხვებს ვისთანაც მქონდა და მექნება ურთიერთობა ამ ადამიანების ენთუზიაზმი და საქმისადმი სიყვარული ყოველთვის მეტი იყო, ვიდრე მათი დაფასება.
- რაში მდგომარეობს თქვენი სადოქტორო თემა?
პასუხი: ჩემი სადოქტორო თემა ეხება ისეთ აქტუალ თემას, როგორიცაა კანაფის მცენა რე და მისი ლეგალიზაციის დადებითი და უაროფითი მხარეები. საქმე ის გახლავთ, რომ დღეს ფართო საზოგადოების მიერ ეს მცენარე და მისი მოხმარება დემონიზირებულია და მისი მომხმარებელი მაშინათვე ნარკომანად ცხადდება.არადა, თანამედროვე მსოფლიოს წამყვანი სახელმწიფოები დიდი ხანია ასე არ თვლიან და გონივრული რეგულაციებით გაცილებით, ვიმეორებ გაცილებით მეტ სარგებელს იღებენ ვიდრე ზიანს.
თემაში განხილულია ამ მცენარის მრავალსაუკუნოვანი (ჯერ კიდევ ჩ.წ. აღ-მდე 3000 წელი) ისტორია, მისი უებარი სამედიცინო პოტენციალი ( 33 და მეტი სახის დაავადების მკურნალობა და პროფილაქტიკა) და სამრეწველო პოტენციალი (დაწყებული ნაყინიდან, ფორმულა 1-ის საწვავით დამთავრებული) პოტენციალი.
აღწერილია რა ვითარებაა საკანონმდებლო კუთხით ამ საკითხში მსოფლიოს სხვა და სხვა ქვეყანაში და რა რეალობა გვაქვს და რას უნდა ველოდოთ საქართველოში. დამეთანხმებით, განსახილველი თემა ძალზედ საინტერესო და რაც მთავარია ინფორმაციუილი ხასიათის მქონეა, რდგან დღევანდელმა საზოგაფდოებამ ძალზედ ცოტა რამ იცის ამ მცენარის სარგებლის შესახებ, რასაც სამწუხაროდ არაერთი ადამიანის ბედი და ჯანმრთელობა ემსხვერპლა სრულიად უსამართლოდ. უცოდინრობა კი ყოველგვარი ბოროტების თავი და თავია.
6. თემა ნამდვილად აქტუალურია, მაგრამ როგორ ფიქრობთ, რამდენად მისაღები იქნება თქვენი მოსაზრებები და რამდენად დაუჭერენ მას მხარს?
პასუხი: სავსებით ბუნებრივი კითხვაა და პასუხიც ძალზედ მარტივია. ევროკავშირისკენ სწრაფვისთვის და არამარტო ამიტომ, ამ საკითხებზე საუბარი უკვე დაწყებულია
ფართო საზოგადოებაში და უფრო და უფრო მეტი ადამიანი თვლის, რომ ამ მცენარის მოხმარება კრიმინალი არ არის. ამასთან ჩემი მიზანი არაა. ვინმეს მხარდაჭერის მოპოვება მე უბრალოდ ვამბობ და ვცდილობ მეცნიერულად დავასაბუთო, რომ ამ მცენარეს ზიანზე მეტი სარგებელის მოტანა შეუძლია და რომ ამ მცენარის გამო ადამიანის დასჯა უფრო მავნებელია, ვიდრე თვითონ ეს მცენარე.
- რაში მდგომარეობს ფაკულტეტის უარყოფითი მხარე?
პასუხი: ფაკულტეტის უაროფით მხარეზე საუბრისას გამოვყოფდი, ძირითადად ორგანიზაციულ-ტექნიკურ მხარეს, ლექციების ცხრილის ორგანიზებას, სადოქტორო პროგრამით გათვალისწინებული ნორმების შესახებ დოქტორანტების არასაკმარის ინფორმირებულობას, პროგრამაში მიმდინარე პროცესების და და ცვლილებების შესახებ ინფორმაციის ხელმისაწვდომობას და სხვა.
თუმცა გასათვალისწინებელია, რომ ფაკულტეტზე აღნიშნული პროგრამა ჩამოყალიბების პროცესშია და მსგავსი ხარვეზები სრულებითაც არაა გასაკვირი და იმედია ისინი უმოკლეს ვადაში იქნება აღმოფხვრილი.
- თქვენი გეგმებიც გაგვიმხილეთ?
პასუხი: რაც შეეხება ჩემს მომავალ გეგმებს, ამ ეტაპისათვის მე ცალსახდ მაქვს გადაწყვე ტილი, ჩემი მომავალი სამეცნიერო მოღვაწეობა დავუკავშირო სტუ-ს და ჩემი მოკრძალებული წვლილი შევიტანო მის განვითარებასა და წინსვლაში.
