2019 წლის 4 ივნისს სტუ-ს სამართლისა და საერთაშორისო ურთიერთობების ფაკულტეტის სამეცნიერო-კვლევითი პროექტის „ბავშვთა უფლებების“ ფარგლებში სკოლის მოსწავლეებს ჩაუტარდათ ვორქშოფი.
ვორქშოფი გახსნა სტუ-ს სამართლისა და საერთაშორისო ურთიერთობების ფაკულტეტის საგანმანათლებლო პროგრამების კურატორმა, პროფესორმა მაია ყიფიანმა.
პროექტის „ბავშვთა უფლებების“ ხელმძღვანელმა სოფო დემეტრაშვილმა და წევრმა ხატია ვასაძემ მოსწავლეებს ჩაუტარეს მასტერკლასი, რომელიც შეეხებოდა ბავშვთა უფლებების დაცვის კუთხით არსებულ კანონმდებლობას და სხვა აქტუალურ საკითხებს.
სკოლის მოსწავლეებმა წარმოადგინეს ვიდეორგოლი ბავშვთა უფლბებზე, რომელიც ეხებოდა ოჯახურ ძალადობას, დისკრიმინაციას, განათლების ხელმისაწვდომობას.
ვორქშოფის დასრულების შემდეგ მოსწავლეებს გადაეცათ წარმატებით დასრულების სერტიფიკატი.
