2018 წლის 24 სექტემბერს სტუ-ს სამართლისა და საერთაშორისო ურთიერთობების მორიგი ფაკულტეტის საბჭოს სხდომა ჩატარდა.
საბჭოს სხდომას თავმჯდომარეობდა ფაკულტეტის დეკანი პროფესორი ირაკლი გაბისონია, რომელმაც არაერთი მნიშვნელოვანი საკითხი წამოაყენა საბჭოს წინაშე.
პირველ საკითხად განიხილეს პროფესორ-მასწავლებლების მოწვევისა და სამეცნიერო-კვლევითი პროექტების მოდიფიცირების საკითხი. კერძოდ, საბჭოს გადაწყვეტილებით მოდიფიცირდა პროექტები: საერთაშორისო სახელშეკრულებო სამართალი და ჯანდაცვის სამართალი. ორივე პროექტში შეიცვალა სამუშაო ჯგუფი, დაკომპლექტდა ახალი შემადგენლობა და განახლებული ამოცანები იქნა დასახული.
საბჭომ ასევე იმსჯელა ახალი კვლევითი პროექტების დამტკიცების შესახებ. საერთაშორისო სადოქტორო პროგრამაზე მისაღები კანდიდატებისათვის დამტკიცდა კრიტერიუმები, რომელსაც გადაწყვეტილების მიღებისას გაითვალისწინებს დოქტორანტურაში მისაღები კომისია.
საბჭომ მიიღო გადაწყვეტილება მიმდინარე საკითხებთან დაკავშირებით. კერძოდ, რამდენიმე პროფესორის დახმარებასთან და სტუდენტის თანხის ინდივიდუალური გადახდის გრაფიკის შესახებ.
