2019 წლის 1 ივნისს გაიმართა  სამართლისა და საერთაშორისო ურთიერთობების ფაკულტეტის მულტი და ინტერდისციპლინური სასწავლო-სამეცნიერო და თეორიულ-პრაქტიკულ ღონისძიებათა პროექტი” პოლიტიკა სამსჯავროს” სასკოლო ფორმატის ფინალი.

ჟიური დაკომპლექტებული იყო  სამართლისა და საერთაშორისო ურთიერთობების ფაკულტეტის პროფესორების მიერ, რომელსაც თავმჯდომარეობდა სტუ-ს რექტორი, აკადემიკოსი არჩილ ფრანგიშვილი.

სკოლის მოსწავლეებმა შეეცადნენ  სამსჯავროზე გამოეტანათ სტალინის მიერ განხორციელებული პოლიტიკა, თუ რამდენად შეესაბამებოდა ქართველთა ეროვნულ ინტერესებს.

ფინალში ერთმანეთს შეეჯიბრნენ  ბრალდების მხარე, 133-ე საჯარო სკოლის გუნდი ,,მთავარი“ და დაცვის მხარე, მე-11, 127-ე და 161-ე საჯარო სკოლების ნაკრები გუნდი „ლიბრა“. ორივე გუნდმა გამოავლინა საკუთარი შესაძლებლობები ჩატარებული კვლევითი მუშაობის უნარ-ჩვევები, სახელმწიფო და ეროვნული ინტერესების კრიტერიუმებისა და პარამეტრების მყარად არგუმენტირება, სასამართლო პროცესზე მონაწილეობის უნარ-ჩვევა, საჯარო გამოსვლისა და დებატების ხელოვნება, ქცევისა და ურთიერთობის ეთიკა, გუნდურობა და სხვა.

2019 წლის 31 მაისს სტუ-ს სამართლისა და საერთაშორისო ურთიერთობების ფაკულტეტის ორგანიზებით ჩატარდა სტუდენტური კონფერენცია ,,საქართველო- XXI საუკუნე“, რომელიც საქართველოს   პირველი დამოუკიდებელი რესპუბლიკის გამოცხადებიდან   101 წელს მიეძღვნა.

კონფერენცია გახსნა სტუ-ს სამართლისა და საერთაშორისო ურთიერთობების დეკანმა, პროფესორმა ირაკლი გაბისონიამ, რომელმაც კონფერენციის ორგანიზებისთვის მადლობა გადაუხადა პროფესორ მაია ყიფიანს და მიესალმა მაქსპლანკის მსოფლიო და საერთაშორისო სისხლის სამართლის კვლევითი ცენტრის ტრანზიციული გარდამავალი ქვეყნების განყოფილების ხელმძღვანელს,  პროფესორი ელიკო წიკლაური ლამიხს და ტერორიზმის პრობლემის კვლევის საერთაშორისო ცენტრის დირექტორს, კონფლიქტოლოგს ბადრი ნაჭყებიას.

პროფესორმა ელიკო წიკლაური-ლამიხმა და კონფლიქტოლოგმა ბადრი ნაჭყებიამ დისკუსიის რეჟიმში მიმოიხილეს საქართველო და მისი გეოპოლიტიკური მნიშვნელობა თანამედროვე მსოფლიოში.

სტუდენტთა საკონფერენციო მოხსენებები იყო შემდეგი: ,,საქართველოს ევროატლანტიკური მომავალი, გამოწვევები და პერსპექტივები“, ,,ფრილანსის პერსპექტივები“,-,,მშვიდობის იძულება, ,,საერთაშორისო სამართლის ნორმების თანაფარდობა ეროვნულ კონსტიტუციასთან“,,საბჭოთა კავშირის დაშლა და უკრაინის უსაფრთხოების ბირთვული საკითხი“,,,პირველი დამფუძნებელი კრების პოლიტიკოსი ქალები“,,ინფორმაციული ომის თავისებურებანი“,,,საქართველო და ნატო“,,,ოკუპირებული რეგიონებში ადამიანის უფლებების დარღვევის ფაქტები და პრობლემატიკა“,,,მცოცავი ოკუპაცია“,,,ხელოვნური ინტელექტის პრაქტიკული როლი თანამედროვე და მომავლის საქართველოში“,,,მერი უოლსტონკრაფტი-,,ქალის უფლებების დაცვა“ ,,ქალთა საკითხი საქართველოში( XIX-XX საუკუნეებში), ,,იდეოლოგია: მემარცხენეობა, მემარჯვენეობა, ცენტრიზმი“ და სხვა.

კონფერენცია შეაჯამა სტუ-ს სამართლისა და საერთაშორისო ურთიერთობების ფაკულტეტის საგანმანათლებლო პროგრამების კურატორმა, პროფესორმა მაია ყიფიანმა, რომელმაც სტუდენტებს კონფერენციაში წარმატებით მონაწილეობის დამადასტურებელი სერტიფიკატი გადასცა.

2019 წლის 28 მაისს პროექტის – ,,კრიმინალისტიკური ტექნიკა თეორიასა და პრაქტიკაში” − ფარგლებში მორიგი შეხვედრა გაიმართა ლევან სამხარაულის სახელობის სასამართლო ექსპერტიზის ეროვნულ ბიუროში. ნივთიერებათა, მასალათა და ნაკეთობათა კრიმინალისტიკური ექსპერტიზის სამმართველოს ექსპერტმა, ქალბატონმა თინათინ მგელაძემ მონაწილეებს ჩაუტარა თეორიული და პრაქტიკული კურსი საფეიქრო ბოჭკოების, მიკრონაწილაკების ექსპერტიზასთან დაკავშირებულ საკითხებთან. პროექტის მონაწილეებმა შეისწავლეს შემთხვევის ადგილის დათვალიერებისას მიკრონაწილაკების მოპოვების, ფიქსაციისა (სპეციალური ფირების მეშვეობით) და ადგილზე სწორად მიტანის ხერხები და მეთოდები. ასევე, დაეუფლნენ ცოდნას კომლექსური ექსპერტიზის დანიშვნისას მიკრონაწილაკების კრიმინალისტიკური ექსპერტიზის უპირატესობის, მისი მნიშვნელობის გააზრებისა თუ შესაბამისი დადგენილების სწორად გამოტანისა და გადასაწყვეტი საკითხების ზუსტად ფორმულირების შესახებ.

2019 წლის 20 მაისს პროექტის – კრიმინალისტიკური ტექნიკა თეორიასა და პრაქტიკაში” ფარგლებში სტუდენტებმა მიიღეს მნიშვნელოვანი ინფორმაცია ნარკოლოგიური ექსპერტიზის ჩატარებასა და დანიშვნისთან დაკავშირებით, კერძოდ: შეიძინეს თეორიული ცოდნა, თუ როგორ გამოკვეთონ საქმისთვის არსებითი მნიშნელობის მქონე საკითხები და შეძლონ კითხვის ზუსტად ფორმულირება. შეისწავლეს საკვლევი ბიოლოგიური ნიმუშის აღებისა და შენახვისათვის გასათვალისწინებელი საკითხები, რომელთა დეტალური შესრულების შემთხვევაში გამოირიცხება ნიმუშის აღება-შენახვისას დაშვებული ტექნიკური სახის შეცდომა. გაიაზრეს ფსიქოაქტიური ნივთიერების მოხმარებისა და ზემოქმედების დადგენის მიზნით გამოსაკვლევი პირისაგან რომელი საკვლევი ბიოლოგიური ნიმუშის აღება არის უმჯობესი და რა დროს ენიჭება უპირატესობა პირის ექსპერტიზაზე წარდგენას ექსპერტ-ნარკოლოგის მიერ კლინიკური სურათის დასადგენად და შესაფასებლად.
აგრეთვე გაიმართა ერთობლივი მსჯელობა-დისკუსია ქვეყანაში არსებული ნარკოლოგიური მდგომარეობის, საკანონმდებლო ბაზის შეფასების, გამომწვევი მიზეზების ანალიზისა და პრევენციული ღონსიძიებების დანერგვის შესახებ.

 2019 წლის 30 მაისს სტუ-ს სამართლისა და საერთაშორისო ურთიერთობების ფაკულტეტის ორგანიზებით ჩატარდა ვორქშოფი  სტუდენტებისთვის საერთაშორისო ჰუმანიტარულ სამართალში.

ვორქშოფს ესწრებოდა სამართლისა და საერთაშორისო ურთიერთობების ფაკულტეტის სამართლისა და საერთაშორისო ურთიერთობების სპეციალობის საბაკალავრო პროგრამის 40 სტუდენტი,  რომლებმაც მოისმინეს დავით ჯაიანისა და მარიამ აბულაძის ლექციები სამოქალაქო მოსახლეობის დაცვასა და  კონფლიქტის კლასიფიკაციაზე, ვორქშოფს უძღვებოდა,  პროფესორი მარიამ ჯიქია, რომელმაც ვორქშოფის დასასრულს სტუდენტებს  გადასცა წარმატებით მონაწილეობის დამადასტურებელი სერტიფიკატები. ვორქშოფი დაეხმარა სტუდენტებს კონკრეტული უნარ-ჩვევების გამომუშავებასა და გაიღრმავეს  საერთაშორისო ჰუმანიტარულ სამართალში მიღებული ცოდნა.

2019 წლის 25-26- 27 მაისს სტუ-ს სამართლისა და საერთაშორისო ურთიერთობების ფაკულტეტის ორგანიზებით სტუ-ს საჯარო სამართლის ლაბორატორიაში  გერმანელმა პროფესორმა  თეო კობუშმა ჩაატარა საჯარო ლექციები. პროფესორმა, დოქტორმა თეო კობუშმა ისაუბრა შემდეგ თემებზე:  სამართლიანობისა და სამართლის კონტროვერსები პლატონთან,  სამართლიანობისა და სამართლის კონტროვერსები თომა აქვინელთან, სამართლიანობისა და სამართლის კონტროვერსები  მაისტერ ექხარტთან. 

ლექციები წარიმართა ინტერაქტიულ რეჟიმში, პროფესორმა უპასუხა სტუდენტთა შეკითხვებს სამართლიანობისა და სამართლის ძირეულ საკითხებთან დაკავშირებით. პროფესორმა და სტუდენტებმა ურთიერთგაცვალეს შეხედულებები თომა აქვინელთან დაკავშირებითაც.

2019 წლის 29 მაისს სტუ-ს სამართლისა და საერთაშორისო ურთიერთობების ფაკულტეტის მულტიდისციპლინარული პროექტის”პოლიტიკა სამსჯავროს” რუსულენოვანი შეჯიბრი ჩატარდა. აღსანიშნავია, რომ ფაკულტეტი ახორციელებს საერთაშორისო ურთიერთობების რუსულენოვან საბაკალავრო პროგრამას, მნიშვნელოვანია სტუდენტებისთვის კვლევითი და პრაქტიკული უნარ-ჩვევების გამომუშავება, სწორედ ამ მიზნით პოლიტიკა სამსჯავროზე შეიქმნა რუსულენოვანი მიმართულება.

რუსულენოვან ფორმატში სტუდენტებმა სამსჯავროზე გამოიტანეს ნიკიტა ხრუშოვის მიერ გატარებული პოლიტიკა. ჟიური დაკომპლექტდა მოწვეული პროფესორების, მათ შორის  ჩრდილოეთ კაროლინის უნივერსიტეტის პროფესორის ელენა კოსმაჩისა    და სამართლისა და საერთაშორისო ურთიერთობების ფაკულტეტის პროფესორების მიერ.

პროცესის დაწყებამდე ჟიურისა და სტუდენტებს მიესალმნენ: სამართლისა და საერთაშორისო ურთიერთობების ფაკულტეტის დეკანი, პროფესორი ირაკლი გაბისონია და პროექტის ხელმძღვანელი, პროფესორი ჰენრი კუპრაშვილი. დეკანმა სტუდენტებს მადლობა გადაუხადა აქტიურობისთვის და წარმატებები უსურვა. პროექტის თანახელმძღვანელმა, პროფესორმა ჰენრი კუპრაშვილმა  ისაუბრა პროექტის შესახებ და იმედოვნა, რომ ჟიური იმუშავებდა ნაყოფიერად.

პროცესი წარიმართა საინტერესოდ და დინამიურად, სტუდენტთა გუნდები წამოაყენეს დაცვისა და ბრალდების პოზიციები და კონკურენციის პირობებში შეძლეს საკუთარი შესაძლებლობების მაქსიმალურად წარმოჩენა.

2019 წლის 28 მაისს სტუ-ს სამართლისა და საერთაშორისო ურთიერთობების ფაკულტეტის ორგანიზებით საჯარო სამართლის ლაბორატორიაში ინტერნაციონალიზაციის პოლიტიკის ფარგლებში ჩრდილოეთ კაროლინის უნივერსიტეტის პროფესორმა ელენა ესკრიჯ-კოსმიჩმა ჩაატარა საჯარო ლექციები ინგლისურ და რუსულ ენაზე.
ლექციები შეეხებოდა აშშ-ისა და ევროპის ურთიერთობებს 1945 წლიდან დღემდე.
საჯარო ლექცია გახსნა სტუ-ს სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ, რომელიც მიესალმა მოწვეულ პროფესორს და მადლობა გადაუხადა ჩამობრძანესათვის.

ლექცია წარიმართა ინტერაქტიულ რეჟიმში, მოწვეულმა პროფესორმა და სტუდენტებმა გაცვალეს შეხედულებები სხვადასხვა საკითხებთან მიმართებაში, მიმოიხილეს თანამედროვე რეალობა და მიმდინარე გამოწვევებზეც გაამახვილეს ყურადღება.