2018 წლის 20 ივნისს სტუ–ს სამართლისა და საერთაშორისო ურთიერთობების ფაკულტეტის მოწვევით საჯარო სამართლის ლაბორატორიაში  პროფესორმა, ადვოკატმა  გიორგი ვაშაკიძემ  წაიკითხა საჯარო ლექცია თემაზე: „ოკუპირებულ ტერიტორიებზე მოქმედი კანონმდებლობის გათვალისწინების ფარგლები ინტერლოკალური და საკოლიზიო სამართლის კონტექსტში“

საჯარო ლექცია გახსნა სტუ-ს სამართლისა და საერთაშორისო ურთიერთობების ფაკულტეტის სამოქალაქო სამართლის დეპარტამენტის ხელმძღვანელმა, პროფესორმა ციალა გლოველმა.

პროფესორმა გიორგი ვაშაკიძემ ისაუბრა ოკუპირებულ ტერიტორიებზე მოქმედი კანონმდებლობის ფარგლების შესახებ, განმარტა კოლიზური ასპექტები და ყურადღება გაამახვილა სამართლებრივ პრობლემებზე.

შეხვედრა წარიმართა ინტერაქტიულ რეჟიმში

სტუ–ს სამართლისა და საერთაშორისო ურთიერთობების ფაკულტეტის ორგანიზებით 2018 წლის 20 ივნისს ფაკულტეტის საჯარო ლაბორატორიაში საჯარო ლექცია წაიკითხა გაეროს ქალთა ორგანიზაციის პროგრამების უფროსის მოადგილემ, თსუ–ს ასოცირებულმა პროფესორმა თამარ საბედაშვილმა.

საჯარო ლექცია გახსნა სტუ-ს სამართლისა და საერთაშორისო ურთიერთობების ფაკულტეტის საგანმანათლებლო პროგრამების კურატორმა,პროფესორმა მაია ყიფიანმა, რომელმაც წარადგინა სტუმარი.

გაეროს ქალთა ორგანიზაციის პროგრამების კურატორმა თამარ საბედაშვილმა ისაუბრა ქალთა მიმართ ძალადობის აღმოფხვრაზე, ყურადღება გაამახვილა ქალების სოციალურ და ეკონომიკურ გაძლიერებაზე.

შეხვედრა ინტერაქტიულ რეჟიმში წარიმართა და სტუდენტებმა აქტიურად გამართეს დისკუსია სტუმართან.

2018 წლის 16 ივნისს სტუ–ს სამართლის სკოლის კურსდამთავრებულთა კლუბის ორგანიზებით საჯარო ლექციების ციკლის „ინსტიტუციური გაძლიერების პროცესი საქართველოში” ფარგლებში გრაცის უნივერსიტეტის მაგისტრმა, ბასკეთის სახელმწიფო უნივერსიტეტის დოქტორმა– საერთაშორისო ურთიერთობებში, სახალხო დამცველის აპარატის რეგიონალური დეპარტამენტის უფროსის მოადგილემ გვანცა დავითაშვილმა ჩაატარა საჯარო ლექცია თემაზე: „ევროპეიზაცია ევროკავშირის საზღვრებს მიღმა: საქართველოს ევროპული გზა და არჩევანი ”

საჯარო ლექცია გახსნა სტუ-ს სამართლის სკოლის კურსდამთავრებულთა კლუბის ერთ-ერთმა დამფუძნებელმა გიორგი მთიულიშვილმა, რომელმაც წარადგინა მოწვეული სტუმარი და წარმატებები უსურვა.

მოხსენებისას გვანცა დავითაშვილმა განმარტა ევროპეიზაციის არსი, მნიშვნელობა და მახასიათებლები.  მიმოიხილა ზოგადად ევროკავშირის სამეზობლო პოლიტიკა და საქართველოსთან მიმართებაში წამოაყენა საკუთარი შეხედულებები ევროპულ გზასთან დაკავშირებით.

საჯარო ლექცია ინტერაქტიულ რეჟიმში წარიმართა, სტუდენტებმა აქტიურად გამართეს დებატები განხილულ საკითხებთან დაკავშირებით.

2018 წლის 13 ივნისს სტუ–ს ადმინისტრაციულ კორპუსში შეხვედრების ოთახში სამართლისა და საერთაშორისო ურთიერთობების ფაკულტეტის მოწვევით უკვე მეორედ ბონის უნივერსიტეტის ემერიტუს-პროფესორმა თეო კობუშმა ჩაატარა საჯარო ლექცია თემაზე: „სამართლიანობის იდეა თომა აქვინელთან“

ლექცია გახსნა პროფესორმა მამუკა ბერიაშვილმა, რომელმაც წარადგინა სტუმარი.

ბონის უნივერსიტეტის ემერიტუსმა ისაუბრა სამართლიანობის იდეის შესახებ თომა აქვინელთან მიმართებაში.  განმარტა აღნიშნულთან დაკავშირებული ასპექტები და მიმოიხილა სამართლიანობის არსი და თეორიები.

  საჯარო ლექცია ინტერაქტიულ რეჟიმში წარიმართა

2018 წლის 8-9-10 ივნისს  საქართველოს ტექნიკური უნივერსიტეტის სამართლისა და საერთასორისო ურთიერთობების ფაკულტეტის დაფინანსებით 50-მდე სტუდენტმა მონაწილეობა მიიღო ევროპის აკადემიური ცენტრის მიერ ორგანიზებულ პროექტში ,,ევროპარლამენტის საერთაშორისო მოდელირება 2018“. დელეგატები წარმოდგენილი იყვნენ არა მარტო საქართველოს არამედ ევროპის წამყვანი ქვეყნებიდანაც.  მონაწილეები გადანაწილებულები იყვნენ 7 სხვადასხვა კომიტეტში, რომლის რიცხვი 25-40 დელეგატამდე მერყეობდა. საბოლოოდ კი თითოეული გუნდის მიერ წარმოდგენილ იქნა რეზოლუცია, რომლის მიღებაშიც თავად დელეგატები იღებდნენ მონაწილეობას. საუკეთესო შედეგის მქონე  ,,იურიდიული კომიტეტი“ გახდა და პროექტში გამარჯვებაც მოიპოვა, მნიშვნელოვანია, რომ ფაკულტეტის 6 სტუდენტი : ანა ტაკაშვილი, მერაბი ტაკაშვილი, ელენე ნადირაშვილი, თამარ ციგროშვილი, დემეტრე ნაკაშიძე და მარიამ ბაზერაშვილი წარმოადგენდნენ ამ კომიტეტს სხვა დელეგატებთან ერთად. ასევე თითოეული გუნდიდან გამოვლინდა საუკეთესო 1 დელეგატი. ამ შვიდეულში სამართლისა და საერთაშორისო ურთიერთობების სამმა სტუდენტმა თემო სულაძემ, რომელიც ადამიანის უფლებათა კომიტეტტს წარმოადგენდა, ნათია ჩილაჩავამ, რომელიც საგარეო საქმეთა კომიტეტის მომხსენებელი იყო და ანა ტაკაშვილმა, რომელიც იურიდიული კომიტეტის წევრი გახლდათ დაიკავეს საპრიზო ადგილები. სწორედ ამ შერჩეული შვიდი დელეგატიდან გამოვლინდა სამი გამარჯვებული და აქაც საპრიზო ადგილი ანა ტაკაშვილმა დაიკავა. რაც შეეხება პრიზებს, გამარჯვებული კომიტეტის ყველა წევრი გაემგზავრება ბერლინში თანადაფინანსებით, ევროპარლამენტის მოდელირებაზე. გამარჯვებულმა დელეგატმა ანა ტაკაშვილმა კი მოიგო უცხოეთის უნივერსიტეტის სასწავლო გრანტი, ასვევ 5000 ლარიანი დაფინანსება პარტნიორი უნივერსიტეტისგან და სხვა ფასიანი პრიზები.

სტუ-ს სამართლისა და საერთაშორისო ურთიერთობების ფაკულტეტის ხელმძღვანელობა ულოცავს ამ წარმატებას  ფაკულტეტის სტუდენტებს.