2018 წლის 3 აპრილს საქართველოს ტექნიკური უნივერსიტეტის  სამართლისა და საერთაშორისო ურთიერთობების ფაკულტეტის  ორგანიზებით სტუ-ს ცენტრალურ ბიბლიოთეკაში საქართველოს პარლამენტის თავმჯდომარის პირველი მოადგილე თამარ ჩუგოშვილი შეხვდა სტუდენტებსა და პროფესორ-მასწავლებლებს.

შეხვედრა გახსნა საქართველოს ტექნიკური უნივერსიტეტის რექტორმა, აკადემიკოსმა არჩილ ფრანგიშვილმა, რომელმაც მადლობა გადაუხადა ქალბატონ თამარ ჩუგოშვილს მობრძანებისათვის. სტუ-ს რექტორმა ისაუბრა უნივერსიტეტის სამეცნიერო-კვლევით საქმიანობაზე და ხაზი გაუსვა სამართლისა და საერთაშორისო ურთიერთობების ფაკულტეტის შედეგებს და იმ ტენდენციებს, რომელსაც ანვითარებს ფაკულტეტი ახალი დარგების ჩამოყალიბების კუთხით, როგორიცაა: საინჟინრო სამართალი, საგამოძიებო სამართალი, ტრანსპორტის სამართალი და სხვ.

ღონისძიებას ესწრებოდნენ: სტუ-ს სპიკერი, პროფესორი ჯემალ გახოკიძე, სტუ-ს კანცლერი, პროფესორი ქეთი ქოქრაშვილი, სტუ-ს სამართლისა და საერთაშორისო ურთიერთობების ფაკულტეტის დეკანი, პროფესორი ირაკლი გაბისონია,  ფაკულტეტის მენეჯერი ანა ფუტკარაძე, პროფესორ-მასწავლებლები და სტუდენტები.

პარლამენტის თავმჯდომარის პირველმა მოადგილემ თამარ ჩუგოშვილმა  საჯარო ლექცია ჩაატარა სტუდენტებისთვის აქტუალურ საკითხებზე. ყურადღება გაამახვილა პარლამენტის საქმიანობაზე, კერძოდ, საზედამხედველო ფუნქციაზე და პოლიტიკის ძირითადი მიმართულებების განსაზღვრაზე.  ვიცე-სპიკერმა ხაზი გაუსვა საქართველოს ტექნიკურ უნივერსიტეტსა და საქართველოს პარლამენტს შორის  სამეცნიერო თვალსაზრისით თანამშრომლობის აუცილებლობას, მისი თქმით „პარლამენტი ძლიერდება, როდესაც უნივერსიტეტის კვლევით ცენტრებთან თანამშრომლობს, ვინაიდან, ყველა კანონი, რომელსაც პარლამენტი იღებს უნდა ეფუძნებოდეს ძლიერ კვლევით საქმიანობას და სწორედ უნივერსიტეტთან მჭიდრო თანამშრომლობა და ფუნდამენტური კვლევა განაპირობებს აღნიშნულს“. თამარ ჩუგოშვილმა  ამომწურავად უპასუხა  სტუდენტთა შეკითხვებს: გენდერულ კვოტირებაზე, საარჩევნო სისტემაზე, პარლამენტის წევრთა ოდენობაზე,  საპენსიო სისტემის შემოღებაზე და სხვ.

თამარ ჩუგოშვილს სტუ-ს სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ საჩუქრად გადასცა  ფაკულტეტის სამეცნიერო-კვლევითი პროექტების ფარგლებში გამოცემული სახელმძღვანელოები.

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამეცნიერო კვლევითი პროექტის “ოჯახში ძალადობის პრობლემები საქართველოში” ფარგლებში გამოიცა დამხმარე სახელმძღვანელო “ოჯახში ძალადობის პრობლემები საქართველოში”.

სახელმძღვანელოს ავტორები არიან პროფესორები: მაია ყიფიანი, ირაკლი გაბისონია და ციალა გლოველი.

2018 წლის 2 აპრილს სტუ-ს სამართლისა და საერთაშორისო ურთიერთობების ფაკულტეტს 161-ე საჯარო სკოლის მეთერთმეტე და მეთორმეტე კლასის მოსწავლეები ეწვივნენ.

მოსწავლეებმა დაათვალიერეს  ფაკულტეტზე არსებული კრიმინალისტიკის  და საჯარო სამართლის ლაბორატორია, ასევე, საგამოფენო დარბაზი „ილია ევროპელი“, სამკითხველო და ა.შ.

სტუ-ს სამართლისა და საერთაშორისო ურთიერთობების ფაკულტეტის დეკანი, პროფესორი ირაკლი გაბისონია მიესალმა სკოლის მოსწავლეებს, მადლობა გადაუხადა მათ ასეთი დაინტერესებისთვის და სამომავლო რჩევები მისცა.

სტუ-ს პროფესორმა, ლევან სამხარაულის სასამართლო ექსპერტიზის  ბიუროს ექსპერტმა მალხაზ ჩიტაიამ სტუდენტებს კრიმინალისტიკის ლაბორატორიაში ჩაუტარა ლექცია კრიმინალისტიკის შესახებ და მათთვის საინტერესო შეკითხვებს გასცა პასუხები.

ახალგაზრდა ლექტორმა გიორგი ზათიაშვილმა მოსწავლეებს გააცნო საჯარო სამართლის ლაბორატორიაში დაცული ექსპონანტები და უჩვენა  ფილმი ფაკულტეტის პრაქტიკული პროექტის „ქმედებიდან დანაშაულამდე“ და „დანაშაულიდან სასჯელამდე“ შესახებ.

საქართველოს ტექნიკურ უნივერსიტეტის სამართლისა და საერთაშორისო ურთიერთობების ფაკულტეტის ინიციატივით გაფორმდა მემორანდუმი საქართველოს ტექნიკურ უნივერსიტეტსა და ჩინეთის ჭეძიან გუნშან უნივერსიტეტთან. მემორანდუმს ხელი მოაწერეს საქართველოს ტექნიკურ უნივერსიტეტის რექტორმა, აკადემიკოსმა არჩილ ფრანგიშვილმა და ჩინეთის ჭეძიან გუნშან უნივერსიტეტის პრეზიდენტმა,პროფესორმა ჩენ შოუცანმა.

მემორანდუმი ითვალისწინებს  ერთობლივი  კვლევითი პროექტების და სტუდენტებისა და ფაკულტეტების პროფესორ-მასწავლებლების გაცვლითი პროგრამების განხორციელებას;

ერთობლივი  კონფერენციების, სემინარების და სიმპოზიუმების ჩატარებას;

კვლევითი მიღწევების, ჟურნალების და კვლევითი ნაშრომების შესახებ ინფორმაციების გაცვლას;

საერთო ინტერესების სფეროში არსებული თანამშრომლობითი პროექტებისა და პროგრამების განხორციელებას;

ქართულ-ჩინური ინსტიტუტის დაფუძნებას ჭეძიან გუნშან უნივერსიტეტის ბაზაზე(მათემატიკის,ფიზიკის,ქიმიის,ინფორმატიკის,ეკონომიკის,სამართლის, საერთაშორისო ურთიერთობების სპეციალობების მიმართულებით).

კონფუცის ინსტიტუტის, ჩინეთის კვლევითი ინსტიტუტის,

ჩინური ენისა და კულტურის ცენტრის ერთობლივად დაფუძნებას.

ჩვენი უნივერსიტეტის სტუდენტებს საშუალება მიეცემათ ჩინეთის მთავრობის სტიპენდიების ფარგლებში ერთი წლის განმავლობაში უფასოდ ისწავლონ  ჩინეთის პრესტიჟულ უნივერსიტეტებში. ასევე, ინგლისურენოვან პროგრამებზე შეღავათიან ფასებში.

2018 წლის 31 მარტს სტუ-ს ნიკოლაძის დარბაზში სამართლისა და საერთაშორისო ურთიერთობების ფაკულტეტის ორგანიზებით პოლიტიკისა და  საერთაშორისო ურთიერთობების დეპარტამენტის ხელმძღვანელის, პროფესორ იგორ კვესელავას 75 წლის იუბილესადმი მიძღვნილი ღონისძიება გაიმართა.

ღონისძიება გახსნა სტუ-ს ვიცე-რექტორმა, პროფესორმა ლევან კლიმიაშვილმა, რომელმაც მადლობა გადაუხადა სტუმრებს მობრძანებისთვის და იუბილარს მიულოცა დაბადების დღე, მან აღნიშნა იგორ კვესელავას პიროვნული თვისებები და ხანგრძლივი სიცოცხლე უსურვა მას.

ღონისძიებაზე მოწვეულმა სტუმრებმა სამართლისა და საერთაშორისო ურთიერთობების ფაკულტეტის დეკანმა, პროფესორ ირაკლი გაბისონიამ, ქ. თბილისის ყოფილმა მერმა, პროფესორ დავით ნარმანიამ, პარლამენტის წევრმა კარლო კოპალიანმა, სტუ-ს რექტორის მოადგილემ ზურაბ გასიტაშვილმა, პროფესორებმა რევაზ მიშველაძემ, რუსუდან ქუთათელაძემ, მალხაზ ბაძაღუამ და სხვებმა ისაუბრეს იგორ კვესელავას შემოქმედებაზე და პროფესიულ საქმიანობაზე.

ღონისძიების ფარგლებში მოეწყო ფილმის ჩვენება, რომელიც ეძღვნებოდა იგორ კვესელავას ცხოვრებასა და მოღვაწეობას.

2018 წლის 31 მარტს სტუ-ს სამართლისა და საერთაშორისო ურთიერთობების ფაკულტეტის  საბჭოს მორიგი სხდომა გაიმართა.

ფაკულტეტის საბჭოს სხდომას უძღვებოდა ფაკულტეტის დეკანი, პროფესორი ირაკლი გაბისონია, რომელმაც განსახილველად გამოიტანა სასწავლო სილაბუსების ავტორებისა და პროგრამების ხელმძღვანელების დამტკიცების საკითხი.

ხარისხის უზრუნველყოფის სამსახურის მოვალეობის შემსრულებელმა თეა შაყულაშვილმა საბჭოს წარუდგინა  ყველა პროგრამის ხელმძღვანელები და თანახელმძღვანელები, ასევე ავტორიზაციის მიზნებიდან გამომდინარე ისაუბრა სილაბუსებთან დაკავშირებით.

ფაკულტეტის მენეჯერმა ანა ფუტკარაძემ საბჭოს წარუდგინა საკითხი ბიუჯეტის გარკვეულ ნაწილში ცვლილებების შესახებ და სტუდენტთა განცხადებები სწავლის საფასურის გადახდის გადავადებისა და ნაწილობრივ დაფინანსების თაობაზე.

საბჭომ დეკანის წარდგინებით ასევე განიხილა სამი სამეცნიერო-კვლევითი პროექტის დამტკიცების საკითხი, რომელსაც ერთხმად დაუჭირეს მხარი.

2018 წლის 21-30 მარტს საქართველოს ტექნიკური უნივერსიტეტის სამართლისა და საერთაშორისო ურთიერთოებების ფაკულტეტის დაფინანსებით სტუდენტთა გუნდმა მონაწილეობა მიიღო უმნიშვნელოვანეს  და ფართომაშტაბიან  საერთშორისო პროექტში, ქალაქ ვენაში, რომელშიც მსოფლიოს ოთხი ათასამდე სტუდენტი მონაწილეობდა.

ფაკულტეტის სტუდენტები გურნადა გოლიაძე, ნათია ჩილაჩავა, მაგდა გრიგოლია და სალომე თოთიბაძე  კერძო არბიტრაჟის  იმიტირებულ სასამართლო პროცესებში დაუპირისპირდნენ ჰარვარდის, სტამბულის, ინდოეთის, ავსტრალიის უნივერსიტეტის გუნდებს.  განსაკუთრებით გამოირჩეოდნენ საერთაშორისო ურთიერთობების სპეციალობის სტუდენტები გურანდა გოლიაძე და ნათია ჩილაჩავა. მონაწილეებს ევალებოდათ განსაზღვრული დროში არსებული ქეისის დამუშავებისა და შემდგომ პრეზენტაციების ჩატარება. პროცესის მსვლელობას კურირებდნენ  მოწვეული კომპენტენტური  არბიტრები, თითოეული პროცესის შემდგომ ისინი მონაწილეებს აფასებდნენ და აძლევდნენ რჩევებს. ფაკულტეტის გუნდმა არაერთხელ მოიპოვა წარმატება  და დადებითი შეფასებები დაიმსახურა. გუნდს ხელმძღვანელობდა ასისტენტ-პროფესორი ანა ფუტკარაძე, რომელმაც სტუდენტებს საკუთარი გამოცდილება გაუზიარა და მოამზადა იმიტირებული პროცესებისთვის. აღსანიშნავია, მოპირისპირე გუნდების შეფასებებიც, რომელთაც დიდი აღფრთოვანება გამოხატეს ფაკულტეტის გუნდის მიმართ და სურვილი გამოთქვეს სამომავლო თანამშრომლობისთვის საქართველოს ტექნიკურ უნივერსიტეტთან .

პროექტის დახურვის ცერემონიალზე სტუდენტებს გადაეცათ საჩუქრები და საერთაშორისო სერტიფიკატები. პროექტის მონაწილეები უდიდესი  გამოცდილებითა და შესაძლებლობებით დაბრუნდენ საქართველოში.

2018 წლის 31 მარტს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკის ორგანიზებით თბილისის საქალაქო სასამართლოში ჩატარდა იმიტირებული პროცესი ოჯახში ძალადობის თემატიკაზე. პროცესზე ჟიურის წევრები გახლდნენ: ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდის წარმომადგენელი თამილა სანიკიძე  და საიას პროექტის ოჯახში ძალადობისა და გენდერული ძალადობის მსხვერპლთა დაცვის მექანიზმებზე ხელმისაწვდომობის უზრუნველყოფის ხელმძღვანელი ნინო ჩიხლაძე.  იმიტირებულ პროცესამდე სტუდენტები 1 თვის განმავლობაში გადიოდნენ მოსამზადებელ კურსს. სწავლების პროცესში მოხდა სტუდენტების ვიზიტი ოჯახში ძალადობის მსხვერპლთა თავშესაფარში. აგრეთვე, სტუდენტები იმყოფებოდნენ თეატრში, სადაც ოჯახში ძალადობის თემატიკაზე დადგმული სპექტაკლი „ირინეს ბედნიერება“ იხილეს.

იმიტირებული პროცესის დასრულების შემდგომ მონაწილეებს სამართლის კლინიკის ხელმძღვანელმა მაკა აბულაძემ გადასცა სერტიფიკატები, სახელმძღვანელოები და ოჯახში ძალადობის წინააღმდეგ შექმნილი მაისურები და ჩანთები. ამავე დღეს სამართლის კლინიკის პრაქტიკანტებს, რომლებიც 3 თვის განმავლობაში პროფესიონალ ადვოკატებთან ერთად გასცემდნენ კონსულტაციებს და ამზადებდნენ სხვადასხვა სამართლებრივ დოკუმენტს გადაეცათ პრაქტიკის წარმატებით დასრულების სერტიფიკატები. დღის ბოლოს კი ოჯახში ძალადობის სასწავლო კურსის მონაწილეები იმყოფებოდნენ თეატრში სპექტაკლზე „სეილემის პროცესი“

სამართლისა და საერთაშორისო ურთიერთობების ფაკულტეტის სამართლის კლინიკა კვლავ გეგმავს მსგავსი ხასიათის პროექტებს, რათა სტუდენტებს საშუალება მიეცეთ უნივერსიტეტის ფარგლებშივე დაეუფლონ სასამართლოში იურისტის გამოსვლის უნარ-ჩვევებს და სამართლებრივი დოკუმენტების შედგენის ტექნიკას.

2018 წლის 3 აპრილს 17:00 საათზე სტუ-ს ცენტრალურ ბიბლიოთეკაში სამართლისა და საერთაშორისო ურთიერთობების ფაკულტეტის ორგანიზებით საქართველოს პარლამენტის თავმჯდომარის პირველი მოადგილე თამარ ჩუგოშვილი შეხვდება სტუდენტებსა და პროფესორ-მასწავლებლებს.

დასწრება თავისუფალია!