2019 წლის 29 ოქტომბერს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის მოწვევით საქართველოს სავაჭრო-სამრეწველო პალატის ოფიციალურმა წარმომადგენელმა ჩინეთში ბექარ მიქაბერიძემ ჩაატარა საჯარო ლექცია თემაზე: „ ჩინეთ-საქართველოს სავაჭრო-ეკონომიკური ურთიერთობები“.
ლექცია გახსნა სტუ-ს სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ და წარადგინა სტუმარი.
ბექარ მიქაბერიძემ ისაუბრა ჩინეთ–საქართველოს შორის არსებულ სავაჭრო-ეკონომიკურ ურთიერთობებზე, განვითარების სტრატეგიებსა და სამომავლო გეგმებზე. .ასევე, უპასუხა სტუდენტთა შეკითხვებს ჩინეთში სწავლის გაგრძელების, დასაქმების, სამუშაო ვიზების მიღების შესაძლებლობებზე და ჩინეთის საკანონმდებლო ბაზის საკითხებზე.
საჯარო ლექცია შეაჯამა სტუ-ს სამართლისა და საერთაშორისო ურთიერთობების ფაკულტეტის ჩინეთის კვლევითი ინსტიტუტის დირექტორმა, პროფესორმა ავთანდილ კიკნაძემ. საინტერესო ლექციის ჩატარებისთვის ბექარ მიქაბერიძეს მადლობა გადაუხადა საგანმანათლებლო პროგრამების კურატორმა, პროფესორმა მაია ყიფიანმა, რომელმაც ყურადღება გაამახვილა სამომავლო თანამშრომლობაზე.
![](http://law.gtu.ge/wp-content/uploads/2019/11/74205689_1048521112154354_4152035586162556928_o-1-1080x380.jpg)
ბექარ მიქაბერიძეს საჯარო ლექცია
Posted in Uncategorized.