შეხვედრა თემაზე: „საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები“

📍📍❗️❗️❗️2019 წლის 29 ოქტომბერს საქართველოს ტექნიკური უნივერსიტეტის სამართლის და საერთაშორისო ურთიერთობების ფაკულტეტისა და მაქს/პლანკის მსოფლიო და საერთაშორისო სისხლის სამართლის ინსტიტუტის პარტნიორული თანამშრომლობის ფარგლებში გაიმართა შეხვედრა სხვადასხვა უნივერსიტეტის წარმომადგენლებთან თემაზე: „საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები“.
📍📍შეხვედრა გახსნა სტუ-ს სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ, სტუმრებს მიესალმა სტუ-ს წარმომადგენლობითი საბჭოს სპიკერი, პროფესორი ჯემალ გახოკიძე.
📍📍მაქს/პლანკის ინსტიტუტის დირექტორმა, პროფესორმა ჰანს იორგ ალბრეხტმა წარმოადგინა მოხსენება თემაზე: „საშიში ტრანსნაციონალური დანაშაულები“
კიოლნის უნივერსიტეტის საპატიო დოქტორმა, სისხლის სამართლის საერთაშორისო ასოციაცის ვიცე-პრეზიდენტმა, პროფესორმა როფ პიტერ ვილკიცკიმ ისაუბრა თემაზე- „საერთაშორისო სისხლის სამართლის პრინციპები“.
📍📍პროფესორმა ელიკო წიკლაური/ლამმიხმა, რომელიც არის მსოფლიო და საერთაშორისო სისხლის სამართლის ინსტიტუტის საქართველოსთან და დსთ ქვეყნებთან პარტნიორული თანამშრომლობის პროექტის ხელმძღვანელი მოხსენებისას ყურადღება გაამახვილა თეთრსაყელოვანთა დანაშაულებზე.
📍📍ჰააგის საერთაშორისო სისხლის სამართლის სასამართლოს სააპელაციო პალატის ყოფილმა თავმჯდომარემ, (2011-2012) პროფესორმა ანიტა უშაცკამ ისაუბრა თემაზე – „სისხლის სამართლის საერთაშორისო (ICC ) სასამართლოს – საქმიანობის ასპექტები“.
📍📍ზაგრების სახელმწიფო უნივერსიტეტის პროფესორმა, მაქსპლანკის ინსტიტუტთან ერთობლივი პროექტის ხელმძღვანელმა სუნჯანა როქსანდიჩ/ვილდიჩკ ისაუბრა თემაზე: “კორუფცია და ფულის გათეთრება, როგორც ქვეყნის ეკონომიკური სიძლიერის წინააღმდეგ მიმართული დანაშაულები“.
📍📍ბაქოს უნივერსიტეტის სისხლის სამართლის კათედრის გამგემ კამილ სალიმოვმა გაამახვილა ყურადღება აზერბაჯანის რესპუბლიკაში კორუფციის წინააღმდეგ ბრძოლის ახალი გეგმასა და მიდგომებზე, ხოლო აზერბეჯანის ფინანსთა და საგადასახადო სამინისტროს სასწავლო ცენტრის ხელმძღვანელმა, დოქტორმა მირალ კიაზიმოვმა ისაუბრა საბანკო სისტემის სამართლებრივი პრობლემების შესახებ.
📍📍 შეხვედრას ესწრებოდნენ სტუ-ს კანცლერი, პროფესორი ქეთევან ქოქრაშვილი, სამართლისა და საერთაშორისო ურთიერთობების ფაკულტეტის პროფესორ-მასწავლებლები და სტუდენტები. 👩‍⚖️👩‍⚖️

Posted in Uncategorized.

gabela23

Leave a Reply