2019 წლის 5-7 თებერვალს სტუ–ს სამართლისა და საერთაშორისო ურთიერთობების ფაკულტეტის სამეცნიერო–კვლევითი პროექტის “ბავშვთა უფლებების” ფარგლებში ჩატარდა ზამთრის სკოლა ” ბავშვთა უფლებები და კონსტიტუცია”, სადაც თბილისის 20 სკოლის 160 მოსწავლე მონაწილეობდა.
სკოლა გახსნა საქართველოს ტექნიკური უნივერსიტეტის რექტორმა, აკადემიკოსმა არჩილ ფრანგიშვილმა, რომელმაც მოსწავლეებს გააცნო უნივერსიტეტის საბაკალავრო პროგრამები და ესაუბრა ინტერდისციპლინარულ, ახალ მიმართულებებზე.
სკოლის მსმენელებს მიესალმნენ სამართლისა და საერთაშორისო ურთიერთობების ფაკულტეტის დეკანი, პროფესორი ირაკლი გაბისონია, სტუ–ს წარმომადგენლობითი საბჭოს თავმჯდომარე (სენატის), პროფესორი ჯემალ გახოკიძე, სტუ–ს სპორტისა და კულტურის დეპარტამენტის ხელმძღვანელი გიორგი კულდონაშვილი და სამეცნიერო კვლევითი–პროექტის “ბავშვთა უფლებების” ხელმძღვანელი სოფიო დემეტრაშვილი.
სკოლის გახსნის შემდგომ სტუდენტებს პირველი ლექცია ჩაუტარეს პროფესორმა ავთანდილ დემეტრაშვილმა, ასისტენტ–პროფესორმა ვახტან ჟვანიამ და სოფიო დემეტრაშვილმა.
მეორე და მესამე დღეს მარიამ ჯიქიამ, გიორგი გორაძემ, სოფო დემეტრაშვილმა, მალხაზ ჩიტაიამ, მარიამ აბულაძემ, ნატო გუგავამ და ნანა ხარაძემ ჩაატარეს საინტერესო და ინტერაქტიული ლექციები .
სკოლა შეაჯამა და საზეიმო ვითარებაში დახურა სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ, რომელსაც სტუდენტებს სერტიფიკატები გადასცა.
