პროექტის “პოლიტიკა სამსჯავროს” პირველი სეზონი დასრულდა

📍📍📍 2019 წლის 8 ივნისს, გაიმართა სტუ-ს სამართლისა და საერთაშორისო ურთიერთობების ფაკულტეტის მულტი და ინტერდისციპლინური სასწავლო-სამეცნიერო და თეორიულ-პრაქტიკულ ღონისძიებათა პროექტის „პოლიტიკა სამსჯავროზე“ პირველი სეზონის ფინალური სამსჯავრო და დაჯილდოვების ცერემონია.
📍📍📍სწავლების სხვადასხვა საფეხურისა და სპეციალობების სტუდენტების ერთობლივი სასწავლო კურსი „პოლიტიკა სამსჯავროზე“ მოიცავს სამართლის, პოლიტიკისა და საერთაშორისო ურთიერთობების სპეციალობების თეორიულ-პრაქტიკული სინთეზის საფუძველზე, ცნობილი პოლიტიკური ფიგურების (პოლიტიკური პარტიების) მიერ წარმოებული პოლიტიკის ეროვნულ ინტერესებთან შესაბამისობის სასწავლო-სამეცნიერო კვლევას და მისი შედეგების იმიტირებულ სამსჯავროზე შეჯამებას.
📍📌პროცესის დასრულების შემდგომ სამართლისა და საერთაშორისო ურთიერთობების ფაკულტეტის დეკანმა,პროფესორმა ირაკლი გაბისონიამ, პროექტის ხელმძღვანელმა, პროფესორმა ჰენრი კუპრაშვილმა და ჟიურის წევრებმა დაასახელეს სხვადასხვა ნომინაციებში გამარჯვებული სტუდენტები. მონაწილეებს გადაეცათ სერტიფიკატები და ფაკულტეტის მიერ დაწესებული საჩუქრები.
პროექტის პირველი სეზონი საზეიმო ვითარებაში დაიხურა