🏅🏅 სტუდენტების დიდი წარმატება 🏅🏅

📣📣საქართველოს ტექნიკურ უნივერსიტეტის, სამართლისა და საერთაშორისო ურთიერთობების ფაკულტეტის სტუდენტები, რომლებიც ჩინეთის კვლევითი ინსტიტუტის ფარგლებში ფაკულტეტის დაფინანსებით სწავლობდნენ ჩინურ ენას მნიშვნელოვან წარმატებებს მიაღწიეს.
📣📣2019 წლის სექტემბრიდან სამართლისა და საერთაშორისო ურთიერთობების ფაკულტეტის პირველი, მეორე და მესამე კურსის სტუდენტები ჩინეთის კვლევითი ინსტიტუტის ხელმძღვანელის, პროფესორ ავთანდილ კიკნაძის ხელშეწყობით ჩინეთში, პრესტიჟულ უნივერსიტეტებში ერთ წლიანი პროგრამით ჩინეთის სამთავრობო და კონცუფის ინსტიტუტის სტიპენდიით ისწავლიან.
სამართლისა და საერთაშორისო ურთიერთობების ფაკულტეტის სტუდენტებმა, რომლებიც სწავლობენ როგორც საერთაშორისო ურთიერთობების რუსულენოვან, ისე სამართლის საბაკალავრო პროგრამაზე: ნიკა გოგინაშვილმა, ლია ღვინჯილიამ, ალექსანდრა ზამულამ, ლიანა დიასამიძემ, სანდრო გოძიაშვილმა წარმატებით ჩააბარეს ჩინური ენის საერთაშორისო სასერთიფიკატო გამოცდების (HSK) მესამე დონე. სტუდენტებს სამართლისა და საერთაშორისო ურთიერთობების ფაკულტეტის ბიუჯეტიდან სრულიად უფინანსდებოდათ ჩინური ენის სწავლება, მათ ასწავლიდნენ როგორც ჩინელი ასევე ქართველი მასწავლებლები. გამოცდა ჩააბარეს კონფუცის კლასში, მათი ნაშრომები კი გასწორდა კონფუცის ინსტიტუტის სათაო ოფისში,პეკინში.
საგამოცდო ტესტის მაქსიმალური ქულა იყო 300, ხოლო მინიმალური ქულა 180 შეადგენდა. ჩვენმა სტუდენტებმა მიიღეს შემდეგი ქულები:
ნიკა გოგინაშვილმა-296 (საერთაშორისო ურთიერთობები)
ლია ღვინჯილიამ-263. (საერთაშორისო ურთიერთობები)
ალექსანდრა ზამულამ-243. (საერთაშორისო ურთიერთობები)
ლიანა დიასამიძემ-227. (საერთაშორისო ურთიერთობები)
სანდრო გოძიაშვილმა-215.(სამართალი) .
სამართლისა და საერთაშორისო ურთიერთობების ფაკულტეტის დეკანი,პროფესორი ირაკლი გაბისონია ულოცავს სტუდენტებს ამ წარმატებებს და გამოხატავს მზადყოფნას სამომავლოდაც დააფინანსოს ჩინური ენის სწავლება და ხელი შეუწყოს სტუდენტების საერთაშორისო ინტეგრაციას.