2017 წლის 10 მაისს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სტუდენტებისა და პროფესორ-მასწავლებლებისათვის  საჯარო სამართლის ლაბორატორიაში, სტუ–ს ჟიული შარტავას სახელობის სახელმწიფო პოლიტიკისა და მართვის პრობლემების და ფაკულტეტთაშორისი კვლევითი ცენტრის დირექტორმა, სოციოლოგიურ მეცნიერებათა დოქტორმა,  პროფესორმა ზურაბ ჯიბლაძემ, წაიკითხა საჯარო ლექცია   თემაზე  „სახელმწიფო პოლიტიკის დაგეგმვისა და სისტემური ანალიზის საკითხები“ .

შესავალ სიტყვაში სტუ-ს სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ  მადლობა გადაუხადა სტუმარს მობრძანებისათვის და დამსწრე საზოგადოებას უსურვა საინტერესო სამუშაო ატმოსფეროს შექმნა.

თავდაპირველად პროფესორმა ზურაბ ჯიბლაძემ ისაუბრა ჟიული შარტავას ღვაწლზე, გაიხსენა ჟიული შარტავას სტუდენტობა, რომელიც სტუ-ს წარჩინებული სტუდენტი გახლდათ. ასევე, დამსწრე საზოგადოებას გააცნო ჟიული შარტავას სახელობის სახელმწიფო პოლიტიკისა და მართვის პრობლემების და ფაკულტეტთაშორისი კვლევითი ცენტრის დაფუძნების ისტორია, დღემდე განხორციელებული პროექტები და სამომავლო გეგმები.  გაამახვილა ყურადღება კვლევითი ცენტრის პარტნიორებზე, მათ შორის, პოლიტიკურ მეცნიერებათა აკადემიაზე, რომლის პრეზიდენტი არის აკადემიკოსი როინ მეტრეველი, ხოლო ვიცე-პრეზიდენტი სტუ-ს რექტორი, აკადემიკოსი არჩილ ფრანგიშვილი. ასევე, სტუმარმა აღნიშნა სტუ-ს სპიკერის ჯემალ გახოკიძის როლი, კვლევით ცენტრის წინსვლის საქმეში.

საჯარო ლექციის ძირითად თემატიკას წარმოადგენდა სამართლებრივი სახელმწიფოს აღმშენებლობის მექანიზმები, საქართველოს პარლამენტის საქმიანობის ანალიზი, კანონშემოქმედებითი საქმიანობის თემატური ანალიზი, მეცნიერებისა და ექსპერტების მონაწილეობა საკანონმდებლო საქმიანობაში, პოლიტიკური კავშირები და საზოგადოებრივი ურთიერთობები. სტუმარი მოკლედ შეეხო ყველა იმ საკითხს, რომელიც აუცილებელ წინაპირობას წარმოადგენს სამართლებრივი სახელმწიფოს აღმშენებლობის საქმეში.

შეხვედრა წარიმართა ინტერაქტიულ რეჟიმში, დაისვა არაერთი კრიტიკული  შეკითხვა და ასევე, გამოიკვეთა პროფესორ- მასწავლებელთა პოზიცია კვლევითი ცენტრის საქმიანობის ირგვლივ.

სტუ-ს სამართლისა და საერთაშორისო ურთიერთობების ფაკულტეტის ადმინისტრაცია მხარს უჭერს მსგავსი სახის შეხვედრებს, რომელიც აამაღლებს სტუდენტთა სამართლებრივ შეგნებას.

ჩეხეთში ქალაქ  პრაღაში, ჩარლზის უნივერსიტეტის იურიდიული ფაკულტეტის ბაზაზე, გაიმართა კონფერენცია „ევროპელი სტუდენტები თავისუფლებისათვის“ („Students for Liberty“).

საქართველოს ტექნიკური უნივერსიტეტის სახელით აღნიშნულ კონფერენციაზე მონაწილეობდნენ სამართლისა და საერთაშორისო ურთიერთობების ფაკულტეტის პროფესორ–მასწავლებლები და სტუდენტები: ასოცირებული პროფესორი ნონა ლომიძე, ასოცირებული პროფესორი ემილია ალავერდოვი, ასისიტენტ პროფესორი ეკა რუსიეშვილი, უფროსი მასწავლებელი სალომე ფიფია და სტუდენტები ანნა ჩოგანაიძე და თეონა ბებია.

სტუდენტები თავისუფლებისათვის არის ჩეხეთის არაკომერციული ორგანიზაცია, რომლის მისიას წარმოადგენს ლიდერი სტუდენტებისა და აკადემიური პერსონალის თავისუფლების მიმართულებით განვითარების, გაძლიერების და განათლების ხელშეწყობა.

კონფერენცია „ევროპელი სტუდენტები თავისუფლებისათვის“ იყო წლის მნიშვნელოვანი მოვლენა იმ ევროპელი და არა ევროპელი სტუდენტებისათვის და აკადემიური პერსონალისთვის, რომლებიც შეირჩნენ კონფერენციაში მონაწილეობის მისაღებად.  სტუდენტები და აკადემიური პერსონალი სამი დღის მანძილზე ეცნობოდნენ  თავისუფლების შესახებ მეტ ინფორმაციას მოძრაობის ლიდერებისგან: მაგ: Matt Kibbe (აშშ-ის პოლიტიკური ორგანიზაცია „Alternative Pass“ და ორგანიზაცია „Free People“ პრეზიდენტი); Jeffrey Tucker (ამერიკის ეკონომიკური განათლების ფონდის პრეზიდენტი და ჰარკლენდის ინსტიტუტის პრეზიდენტის მრჩეველი) და ა.შ, აქტიურად ერთვებოდნენ თავისუფლების განვითარების შესახებ გამართულ პრაქტიკულ დისკუსიებში და ეძლეოდათ შესაძლებლობა თავი ეგრძნოთ თავისუფლების ფართომასშტაბიანი მოძრაობის წევრად.

აღნიშნულ კონფერენციაში მონაწილეობა დაეხმარა ჩვენი უნივერსიტეტის პროფესორ–მასწავლებლებსა და სტუდენტებს  კონტაქტები დაემყარებინა  ევროპის წამყვანი უნივერსიტეტების აკადემიურ პერსონალთან, გაეზიარა  მათი მოსაზრებები, პრაქტიკა და გამოცდილება, რაც დაეხმარა მათ პროფესიულ განვითარებაში, რომელიც შემდგომში გამოიყენეს საქართველოს ტექნიკურ უნივერსიტეტში.

2017 წლის 7 ივნისს 16:00  საათზე საქართველოს ტექნიკური უნივერსიტეტის ადმინისტრაციული კორპუსის სხდომათა დარბაზში გაიხსენება სტუდენტთა 85-ე ღია საერთაშორისო სამეცნიერო  კონფერენცია. კონფერენციაზე მონაწილეობის უფლება აქვთ როგორც საქართველოს, ისე უცხოეთის უმაღლესი საგანმანათლებლო დაწესებულების, ბაკალავრიატის, მაგისტრატურის და დოქტორანტურის საგანმანათლებლო პროგრამის სტუდენტებს.

კონფერენციაში მონაწილეობის მსურველ სტუდენტთა რეგისტრაცია და თეზისების მიღება იწარმოებს 2017 წლის 17 აპრილიდან 27 მაისამდე სოციალურ საკითხთა, სპორტისა და კულტურის დეპარტამენტში (სტუ-ს ადმინისტარციული კორპუსი, II სართული, ოთახი №242ბ). კონფერენციაში მონაწილეობის მსურველი სტუდენტი ვალდებულია, გაიაროს რეგისტრაცია და რეგისტრაციისას წარადგინოს საკუთარი ნაშრომის ქართულ და ინგლისურენოვანი თეზისი თანდართული ინსტრუქციის  შესაბამისად (ერთი ამობეჭდილი და ერთი CD დისკზე ჩაწერილი).

სამართლისა და საერთაშორისო ურთიერთობების ფაკულტეტისათვის გაიხსნება კონფერენციის შემდეგი სამუშაო სექციები :

1. სამართლის სექცია
2. სოციალურ მეცნიერებათა სექცია.

კონფერენციაში მონაწილე სტუდენტმა ნაშრომის ერთი ეგზემპლიარი უნდა წარადგინოს შესაბამის დეპარტამენტში 2017 წლის 10 ივნისამდე.

კონფერენციის სექციების მუშაობა გაიმართება 2017 წლის 12 ივნისიდან 1 ივლისის ჩათვლით.

სამეცნიერო კონფერენციის ნაშრომები გამოიცემა თეზისების კრებულის სახით, რომელშიც დაიბეჭდება კონფერენციაში მონაწილე თითოეული სტუდენტის ნაშრომის ქართულ-და ინგლისურენოვანი თეზისები. კონფერენციაში მონაწილე გამარჯვებულ სტუდენტებს გადაეცემათ I, II და  III ხარისხის დიპლომები, ასევე, ყველა მონაწილეს გადაეცემა სერთიფიკატი.

საქართველოს ტექნიკური უნივერსიტეტის, სამართლისა და საერთაშორისო ურთიერთობების ფაკულტეტის ერთ-ერთი წარჩინებული სტუდენტი, გიორგი იაკობიშვილი მონაწილეობდა ბულგარეთში, ქალაქ ვარნაში  სტუდენტთა მეხუთე საერთაშორისო ევროპულ ფესტივალზე. ფესტივალში მონაწილეობდნენ ევროპის 15-ზე მეტი სახელმწიფოს, უნივერსიტეტების წარმომადგენლები. გიორგი იაკობაშვილი ხელმძღვანელობდა სტუდენტების ჯგუფს საქართველოდან.

აღნიშნულ ფესტივალს უკვე სისტემატიური ხასიათი აქვს.  იგი მიზნად ისახავს ევროპის სხვადასხვა ქვეყნის სტუდენტთა დაახლოებას და არსებული ცოდნისა და გამოცდილების ერთმანეთისთვის გაზიარებას. ფესტივალზე სტუდენტებს აქვთ შესაძლებლობა წარმოაჩინონ თავისი განათლება და შესაძლებლობები, იპოვონ თანამოაზრეები და შეიძინონ მეგობრები. ფესტივალი მოიცავდა სხვადასხვა სახის აქტივობებს, როგორებიცაა ქვეყნის წარდგენა სხვა სახელმწიფოთა წარმომადგენლებისათვის, ინტელექტუალური თამაშები, სპორტული აქტივობები, გასართობი აქტივობები, ჯგუფების ხელმძღვანელთა (კაპიტანთა) კონკურსი.

სამართლისა და საერთაშორისო ურთიერთობების ფაკულტეტი მუდამ მზად არის წაახალისოს და ხელი შეუწყოს წარჩინებულ სტუდენტებს საერთაშორისო ღონისძიებებში მონაწილეობის მისაღებად.

2017 წლის  3 მაისს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის საჯარო სამართლის ლაბორატორიაში გაიმართა შეხვედრა მწერალთა, მეცნიერთა და საზოგადო მოღვაწეთა აკადემიის აკადემიკოსთან, იურიდიულ მეცნიერებათა დოქტორთან, პროფესორ ალექსანდრე კვაშილავასთან.

შეხვედრას ესწრებოდნენ პროფესორ-მასწავლებლები, ბაკალავრიატისა და მაგისტრატურის სტუდენტები, შეხვედრა გახსნა სტუ-ს სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ, რომელმაც ისაუბრა ალექსანდრე კვაშილავას მიერ განვლილ გზაზე და იმ ღვაწლზე, რომელიც  მას შეაქვს იურისპრუდენციის განვითარებაში.

პროფესორმა  ალექსანდრე კვაშილავამ წაიკითხა საჯარო ლექცია თემაზე: „არასრულწლოვანთა მართლმსაჯულება“, მან დეტალურად გაანალიზა და ისაუბრა იმ სიახლეებზე, რაც დაკავშირებულია არასრულწლოვანთა მართლმსაჯულებასთან. მოიყვანა კონკრეტული მაგალითები ამერიკის, რუსეთისა და სხვა ქვეყნების საგამოძიებო-სასამართლო პრაქტიკიდან. ასევე, ყურადღება გაამახვილა არასრულწლოვანის ფსიქო-ფიზიკურ მდგომარეობაზე.

სტუდენტებმა დაუსვეს საინტერესო შეკითხვები, რომელსაც მან  გასცა შესაბამისი პასუხები, პროფესორმა კვაშილავამ  სწრაფად მოახერხა აუდიტორიასთან კონტაქტის დამყარება, ცხადად წარმოაჩინა არასრულწლოვანთა მართლმსაჯულების კუთხით არსებული პრობლემები და მისი აღმოფხვრის გზები.

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ბაკალავრიატისა და მაგისტრატურის სტუდენტთა მიერ 2017 წლის 29 მარტს დაფუძნდა ა(ა)იპ „თავისუფალი განათლების აკადემია“, რომელიც ემსახურება არაფორმალური განათლების ხელშეწყობას, ახორციელებს სხვადასხვა სახის პროექტებს, ტრენინგებს, კონფერენციებს, იმიტირებულ პროცესებს, მოდელირებებსა და სხვა შემეცნებითი ხასიათის ღონისძიებებს, რომელიც გათვლილია მოსწავლეებსა და სტუდენტებზე მთელი ქვეყნის მასშტაბით.

  აკადემიის დამფუძნებელია სამართლის ფაკულტეტის სტუდენტი ბაქარი გვაზავა. 

თავისუფალი განათლების აკადემია აქტიურად თანამშრომლობს სხვადასხვა უმაღლეს სასწავლებლებთან, სკოლებსა და ორგანიზაციებთან. აკადემიაში გარდა ჩვენი ფაკულტეტის სტუდენტებისა გაწევრიანებულნი არიან, როგორც სხვა უნივერსიტეტის სტუდენტები, ასევე სკოლის მოსწავლეები.

სამართლისა და საერთაშორისო ურთიერთობების ფაკულტეტის მაგისტრატურისა და ბაკალავრიატის  სტუდენტთა ტრენერობით ჩატარდა პირველი ტრენინგი „მოზარდი და სამართალი“.

სამართლისა და სერთაშორისო ურთიერთობების ფაკულტეტსა და ა(ა)იპ „თავისუფალი განათლების აკადემია“-ს შორის გაფორმდა ურთიერთთანამშრომლობის მემორანდუმი. ფაკულტეტის დეკანი პროფესორი ირაკლი გაბისონია  მიესალმება ჩვენი უნივერსიტეტის სტუდენტთა აქტიურობას, მათ ჩართულობას სამეცნიერო-საზოგადოებრივ საქმიანობაში და გამოთქვამს მზადყოფნას  თანამშრომლობისათვის.

ვიმედოვნებთ, რომ ორგანიზაცია საქმიანობას გააგრძელებს წარმატებით, რაშიც მნიშვნელოვანი იქნება სამართლისა და საერთაშორისო ურთიერთობების ფაკულტეტის წვლილი.

გ ა ნ ც ხ ა დ ე ბ ა

2017  წლის    10 მაისს  15:00  საათზე საქართველოს ტექნიკური უნივერსიტეტის საჯარო სამართლის ლაბორატორიაში, (907ა) გაიმართება შეხვედრა სტუ-ს ჟიული შარტავას სახელობის სახელმწიფო პოლიტიკისა და მართვის პრობლემების და ფაკულტეტთაშორისი კვლევითი ცენტრის დირექტორთან, სოციოლოგიურ მეცნიერებათა დოქტორთან, პროფესორ ზურაბ ჯიბლაძესთან, რომელიც ჩაატარებს საჯარო ლექციას   თემაზე „სახელმწიფო პოლიტიკის დაგეგმვისა და სისტემური ანალიზის საკითხები“.

დ ა ს წ რ ე ბ ა     თ ა ვ ი ს უ ფ ა ლ ი ა

საქართველოს ტექნიკური უნივერსიტეტის სტუდენტური თვითმმართველობის და სოციალურ საკითხთა, სპორტისა და კულტურის დეპარტამენტის ინიციატივით 2017 წლის გაზაფხულზე გაიმართა  “სტუ”-ს სტუდენტური დღეები.

სტუდენტური დღეების ფარგლებში ჩატარდა მრავალი სპორტული, კულტურული და ინელექტუალური ღონისძიება, მათ შორის საკალათბურთო ჩემპიონატი ფაკულტეტთა შორის, სადაც გამარჯვება და პირველი ადგილი დამაჯერებლად მოიპოვა სამართლისა და საერთაშორისო ურთიერთობების ფაკულტეტმა.