2017  წლის  15 ივნისს პროექტის “შეხვდი დამსაქმებლის ” ფარგლებში  საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სტუდენტებსა და პროფესორ-მასწავლებლებს შეხვდნენ ნატოსა და ევროკავშირის საინფორმაციო ცენტრის დირექტორის მოადგილე გიორგი ფარეშიშვილი და ამავე ცენტრის წარმომადგენელი გიორგი  ცქიტიშვილი.

შეხვედრა გახსნა სტუ-ს სამართლისა და საერთაშორისო ურთიერთობების ფაკულტეტის დეკანის მოადგილემ პროფესორმა ჯემალ გაბელიამ, ხოლო შეხვედრას უძღვებოდა ამავე ფაკულტეტის პოლიტიკისა და საერთაშორისო ურთიერთობების დეპარტამენტის უფროსი იგორ კვესელავა.

თავდაპირველად სტუდენტებისა და პროფესორ-მასწავლებლების წინაშე წარსდგა ნატოსა და ევროკავშირის საინფორმაციო ცენტრის დირექტორის მოადგილე გიორგი ფარეშიშვილი, რომელმაც ისაუბრა საქართველოს, როგორც ევროპულ სახელმწიფოდ ჩამოყალიბების შესაძლებლობაზე. ევროინტეგრაციის  დადებით და უარყოფით ასპექტებზე და საერთო ეროვნული კონსესუსის აუცილებლობაზე. მოუწოდა ახალგაზრდობას მიიღონ ყოველმხრივი ინფორმაცია ევროპული ინტეგრაციის შესახებ  და ამის შემდგომ ჩამოიყალიბონ სწორი ხედვა ევროპული ღირებულებების, კულტურისა და ტრადიციებთან დაკავშირებით. გაითავისონ ყველა ის მითი, რომელიც მომდინარეობს პრორუსული გზიდან და არგუმენტების საშუალებით დაუპირისპირდნენ მათ. გიორგი ფარეშიშვილმა სიტყვის  დასასრულს გამოთქვა იმედი, რომ სწორედ თქვენ იქნებით პირველები, რომლებიც ევროპულ გზაზე წამყვან როლს შეასრულებთ.

ნატოსა და ევროკავშირის საინფორმაციო ცენტრის წარმომადგენელმა გიორგი ცქიტიშვილმა დამსწრე საზოგადოებას გააცნო ყველა ის  საკანონმდებლო ცვლილება, რომელიც განხორციელდა საქართველოში ევროკავშირისკენ სწრაფვის გზაზე. გამახვილდა ყურადღება არასრულწლოვანთა მართლმსაჯულების რეფორმაზე, არასრულწლოვანთა საუკეთესო ინტერესების დაცვაზე, კანონთან კონფლიქტში მყოფი არასრულწლოვნის რესოციალიზაცია-რეაბილიტაციაზე, არასრულწლოვანი დაზარალებულისა და არასრულწლოვანი მოწმის უფლებების დაცვაზე და იუსიტიციის უმაღლესი საბჭოს მიერ განხორციელებულ სხვა არაერთ ცვლილებაზე. მიმოიხილა 2016-2020 წლების მიგრაციის სტრატეგია, მის მიზნები და სტრატეგიის სამიზნე ჯგუფები.

სტუმრებს მიესალმა სტუ-ს სამართლისა და საერთაშორისო ურთიერთობების ფაკულტეტის პროფესორი ეპიფანე გვენეტაძე, რომელმაც სტუდენტებს მოუწოდა  ევროპული გზით იარონ ქართული ტრადიციების და კულტურის  გათვალისწინებით.

ზემოაღნიშნული მოხსენებების შემდგომ სტუმრებს შეკითხვებით მიმართეს სტუ-ს სამართლისა და საერთაშორისო ურთიერთობების ფაკულტეტის სამართლისა და საერთაშორისო ურთიერთობების სტუდენტებმა. მათი შეკითხვები შეეხებოდა ევროული და ქართული კულტურის, ტრადიციის სამომავლო განვითარებას, ჩარევას ევროპული სახელმწიფოებისგან, სამომავლო გეგმებს, პრიორიტეტებს, ტოლერანტობას, რეადმისიის პროცესს, ემიგრაციას  და სხვა მნიშვნელოვან საკითხებს.

2017  წლის 15 ივნისს საქართველოს ტექნიკური უნივერსიტეტის სამართლისა და საერთაშორისო  ურთიერთობების ფაკულტეტის  სამართლის კლინიკისა და გენდერული თანასწორობის კვლევითი ცენტრის ორგანიზებით გაიმართა  საჯარო ლექცია თემაზე: „ფემიციდი- გენდერის ნიშნით ჩადენილი ქალის მკვლელობა“, რომელსაც ესწრებოდნენ სტუდენტები და პროფესორ-მასწავლებლები.

საჯარო ლექცია წაიკითხა   საქართველოს ახალგაზრდა იურისტთა ასოციაციის იურისტმა თამარ დეკანოსიძემ. დამსწრე საზოგადოებას მიესალმნენ ღონისძიების ორგანიზატორები  სტუ-ს გენდერული თანასწორობის კვლევითი ცენტრის ხელმძღვანელი, სამართლისა და საერთაშორისო ურთიერთობების ფაკულტეტის საგანმანათლებლო პროგრამების კურატორი, ისტორიის დოქტორი, პროფესორი მაია ყიფიანი და სამართლისა და საერთაშორისო  ურთიერთობების ფაკულტეტის  სამართლის კლინიკის ხელმძღვანელი მაკა აბულაძე.

თამარ დეკანოსიძემ საჯარო ლექციაზე განიხილა არაერთი მნიშვნელოვანი საკითხი, მათ შორის,  განსხვავება მკვლელობასა და ფემიციდს შორის, სახელმწიფოს ვალდებულებები ფემიციდთან ეფექტური ბრძოლისთვის, როგორ შეიძლება თავიდან ავირიდოთ ფემიციდი და რა საშუალებებით უნდა მოვახდინოთ პრევენცია.

მომხსენებელმა თამარ დეკანოსიძემ მოიყვანა კონკრეტული  ფაქტები, კერძოდ, ყურადღება გაამახვილა სალომე ჯორბენაძის მკვლელობისა და ხანუმ ბაირამოვას თვითმკვლელობის საქმეებზე, დაასახელა ის მიზეზები, რამაც გამოიწვია უმძიმესი დანაშაული. ნაჩვენები იყო საქართველოს ახალგაზრდა იურისტთა ასოციაციის მიერ შექმნილი დოკუმენტური ფილმი სალომე ჯორბენაძეს მკვლელობის შესახებ. აღნიშნა, რომ ამ საქმეზე საია-მ არაერთი პროცესი მოიგო.

დეტალურად მიმოიხილა ქალთა წინააღმდეგ ჩადენილი დანაშაულის სახეები, სასჯელთა დადგენის პროცედურები, სახელმწიფოში არსებული დანაშაულის შემაკავებელი მექანიზმების ჯეროვნად ვერ გამოყენების შესახებ, აგრეთვე პრევენციისა და არასრულწლოვანთა ქორწინების პრობლემატიკა. აღნიშნული საკითხები სტუდენტებისთვის ერთობ საინტერესო აღმოჩნდა, დაისვა მრავლი შეკითხვა.

სტუ-ს გენდერული თანასწორობის კვლევითი ცენტრის ხელმძღვანელმა მაია ყიფიანმა მადლობა გადაუხადა სტუმარს საინტერესო ლექციის ჩატარებისათვის და სტუდენტებს აქტიური  ჩართულობისთვის.

14-21 მაისს პოლონეთში გამართულ ევროპის ჩემპიონატზე საქართველოს ეროვნულმა ნაკრებმა წარმატებით იასპარეზა.

შეჯიბრში მონაწილეობას იღებდნენ სხვადასხვა ასაკობრივი ჯგუფის ნაკრებები. ოქროს მედლებით დაბრუნდნენ საქართველოში პარა-მკლავჭიდელთა ნაკრების წევრები. სამართლის და საერთაშორისო ურთიერთობების ფაკულტეტის სტუდენტი ზაზა ოქროცვარიძე  გახდა ევროპის ჩემპიონი მკლავჭიდში და კიდევ ერთხელ ასახელა ჩვენი უნივერსიტეტი. მას გადაწყვეტილი აქვს მონაწილეობა მიიღოს მსოფლიო ჩემპიონატში და იბრძოლოს საპრიზო ადგილისათვის.
სტუ-ს სამართლისა და საერთაშორისო ურთიერთობების ფაკულტეტის დეკანმა პროფესორმა ირაკლი გაბისონიამ მიულოცა ზაზა ოქროპირიძეს ევროპის ჩემპიონატში მოპოვებული წარმატება და გამოთქვა იმედი რომ მსოფლიო ჩემპიონატზე კიდევ ერთი გამარჯვების მოწმენი გავხდებით.

2017 წლის 14 ივნისს საქართველოს ტექნიკურ უნივერსიტეტის სამართლისა და საერთაშორისო ურთიერთობების ფაკულტეტზე სახელმწიფო მინისტრმა ევროპულ და ევროატლანტიკურ სტრუქტურებში ინტეგრაციის საკითხებში  ვიქტორ დოლიძემ  სტუ-ს სამართლისა და საერთაშორისო ურთიერთობების ფაკულტეტის დეკანთან ირაკლი გაბისონიასთან ერთად გახსნა  ნატოსა და ევროკავშირის აუდიტორია.

ნატოსა და ევროკავშირის აუდიტორია მოეწყო სტუ-ს სამართლისა და საერთაშორისო ურთიერთობების ფაკულტეტის დეკანის ირაკლი გაბისონიას ინიციატივით. სახელმწიფო მინისტრმა ვიქტორ დოლიძემ მადლობა გადაუხადა სტუ-ს სამართლისა და საერთაშორისო ურთიერთობების ფაკულტეტის დეკანს შესანიშნავი აუდიტორიის მოწყობისათვის.

აუდიტორიის გახსნის შემდგომ სახელმწიფო მინისტრმა დაათვალიერა სტუ-ს სამართლისა და საერთაშორისო ურთიერთობების ფაკულტეტის სასწავლო აუდიტორიები, მათ შორის, კრიმინალისტიკის ლაბორატორია, რომელიც ერთ-ერთი საუკეთესოა ამიერკავკასიაში. მინისტრმა სასამენარო პროცესში იხილა თითის კვლების ამოღების მეთოდი, აღნიშნულთან დაკავშირებით პროფესორისგან მიიღო განმარტებები და ფრიად კმაყოფილი დარჩა ლაბორატორიის ტექნიკური საშუალებებით. მადლობა გადაუხადა ფაკულტეტის დეკანს პროფესორ ირაკლი გაბისონიას საგანმანათლებლო პროცესში გაწეული ღვაწლისთვის და სურვილი გამოთქვა სტუ-სთან აქტიური სამეცნიერო და პრაქტიკული თანამშრომლობის.

სტუ-ს სამართლისა და საერთაშორისო ურთიერთობების ფაკულტეტის დეკანი ირაკლი გაბისონია გამოთქვამს მზად ყოფნას  დააფუძნოს მსგავსი სახის თანამშრომლობა ყველა სახელმწიფო სტრუქტურასთან, რათა ფაკულტეტის სტუდენტებს მიეცეთ მეტი შესაძლებლობა.

საქართველოს სახელმწიფო მინისტრი ვიქტორ დოლიძე სტუ-ს პროფესორ-მასწავლებლებს და სტუდენტებს შეხვდა

14 ივნისს საქართველოს ტექნიკური უნივერსიტეტში საქართველოს სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ვიქტორ დოლიძე და ნატოსა და ევროკავშირის შესახებ საინფორმაციო ცენტრის დირექტორი ნინო ბოლქვაძე შეხვდა სტუდენტებსა და პროფესორ-მასწავლებლებს.
შეხვედრა გახსნა სტუ-ს ვიცე-რექტორმა ლევან კლიმიაშვილმა, რომელმაც მადლობა გადაუხადა სტუმრებს მობრძანებისთვის. ყურადღება გაამახვილა მემორანდუმის გაფორმების მნიშვნელობაზე, რის შემდგომაც სიტყვა გადასცა ბატონ ვიქტორ დოლიძეს.
სახელმწიფო მინისტრი ვიქტორ დოლიძე მიესალმა დამსწრე საზოგადოებას და მადლობა გადაუხადა ასეთი დაინტერესებისთვის. დეტალურად მიმოიხილა უვიზო მიმოსვლის შედეგები, საზღვრის გადალახვისას შექმნილი სირთულეები და მოიშველია სტატისტიკა. ხაზი გაუსვა ევროკავშირთან ურთიერთობის გაძლიერებას, ახალი პროექტების შემუშავებას, ქვეყნის უსაფრთხოებაზე ზრუნვსა და ნატოს სამშვიდობო მისიებში მონაწილეობას. ყურადღება გააამხვილა ნატოსა და ევროკავშირის სარგებლიანობაზე ჩვენი ქვეყნისთვის. ასევე, გაიხსენა ყველა ის აქტივობა, რომელიც განახორციელეს რეგიონებში, ნატოსა და ევროკავშირის დღეები და სხვა. მადლობა გადაუხადა სტუ-ს ადმინისტრაციას მსგავსი სახის შეხვედრების ორგანიზებისათვის, ასევე სტუდენტებს, რომლებიც აქტიურად არიან ჩართულნი მათ მიერ დაგეგმილ ღონისძიებებში. ისაუბრა მემორანდუმის გაფორმების მნიშვნელობაზე, ნატოსა და ევროკავშირის აუდიტორიის შექმნა ერთობ სასიხარულო ფაქტად მიიჩნია და გამოთქვა იმედი, რომ ეს დაეხმარებათ სტუდენტებს ცოდნის გაღრმავებაში.
დამსწრე საზოგადოებას მიესალმა სტუ-ს სპიკერი პროფესორი ჯემალ გახოკიძე, რომელმაც ისაუბრა სტუ-ს სამართლისა და საერთაშორისო ურთიერთობების ფაკულტეტის პროფესორ-მასწავლებლებისა და სტუდენტების მიღწევებზე. გამოთქვა სურვილი აქტიური თანამშრომლობის როგორც სახელმწიფო მინისტრის აპარატთან, ასევე მის სსიპ-თან ნატოსა და ევროკავშირის შესახებ საინფორმაციო ცენტრთან.
სტუ-ს სამართლისა და საერთაშორისო ურთიერთობების ფაკულტეტის დეკანი პროფესორი ირაკლი გაბისონია მიესალმა სტუმრებს და ისაუბრა უნივერსიტეტის მიზნებსა და პროგრამებზე. აღნიშნა რომ საქართველოს ინტეგრაციაზე დიდაა დამოკიდებული ჩვენი ახალგაზრდობის მომავალი. ყურადღება გაამახვილა იმ ევროპულ პროგრამებზე, რომელიც აქტიურად ისწავლება სამართლისა და საერთაშორისო ურთიერთობების ფაკულტეტზე.
სტუმრებს მიესალმა სტუ-ს სამართლისა და საერთაშორისო ურთიერთობების ფაკულტეტის პოლიტიკისა და საერთაშორისო ურთიერთობების დეპარტამენტის უფროსი პროფესორი იგორ კვესელავა, რომელმაც საკანონმდებლო პროცესში მეცნიერების აქტიურ ჩართულობაზე გაამახვილა ყურადღება.
სტუდენტებმა არაერთი შეკითხვა დაუსვეს სახელმწიფო მინისტრს ვიქტორ დოლიძეს და ნატოსა და ევროკავშირის შესახებ საინფორმაციო ცენტრის დირექტორს ნინო ბოლქვაძეს, რომლებმაც ამომწურავად უპასუხეს თითოეულ მათ შეკითხვას.

2017 წლის 7 ივნისს, 16:00 საათზე, სტუ-ს ადმინისტრაციულ კორპუსში, გ. ნიკოლაძის სახელობის დარბაზში, სტუ-ს სტუდენტთა 85-ე ღია საერთაშორისო სამეცნიერო კონფერენციის გახსნის ღონისძიება გაიმართა.
კონფერენცია გახსნა საქართველოს ტექნიკური უნივერსიტეტის რექტორმა, აკადემიკოსმა არჩილ ფრანგიშვილმა, რომელმაც მადლობა გადაუხადა სტუდენტებს და პროფესორ-ხელმძღვანელებს აქტიურობისათვის და წარმატებები უსურვა კონფერენციის თითოეულ მონაწილეს.
სტუ-ს სტუდენტთა 85-ე ღია საერთაშორისო სამეცნიერო კონფერენციაში მონაწილეობას ღებულობს სტუ-ს და სხვა უმაღლესი საგანმანათლებლო დაწესებულებების ბაკალავრიატის, მაგისტრატურისა და დოქტორანტურის სწავლების საფეხურის 500-ზე მეტი სტუდენტი. კონფერენციის ფარგლებში იმუშავებს 68 დარგობრივი სექცია, მათ შორის, სამართლისა და სოციალურ მეცნიერებათა სექცია.
სამართლის სექცია გაიხსნება 16 ივნისს 12:00 საათზე, ხოლო სოციალურ მეცნიერებათა სექციამ მუშაობა დაიწყო 12 ივნისს 10:00 საათზე.
პოლიტიკისა და საერთაშორისო ურთიერთობების დეპარტამენტის სტუდენტებმა ჟიურის წევრებს წარუდგინეს მოხსენებები.
პირველი მოხსენება წარმოადგინა დოქტორანტმა ნენო გაბელიამ, რომელიც სწავლობს „ლა საპიენცა“ რომის უნივერსიტეტის დოქტორანტურის მესამე კურსზე. მომსენებელი ჟიურისა და დამსწრე საზოგადოების წინაშე წარსდგა თემით: “აფხაზეთი და სამხრეთ ოსეთი, რუსეთის უსაფრთხოების ინტერესების სფეროში” , მისი ხელმაძღვანელი გახლდათ პროფესორი იგორ კვესელავა.
ბაკალავრიატის მე-4 კურსის სტუდენტებმა გვანცა წახნაკიამ და ანა ბედუკაძემ პროფესორ ჰენრი კუპრაშვილის ხელმძღვანელობით დამსწრე საზოგადოებას წარუდგინეს თემა: “საერთაშორისო უშიშროება და კრიზისების მართვის ძირითადი ასპექტები (ნატო-ს მაგალითზე)“.
სტუდენტებმა დავით ვარშანიძემ და ანა როდონაიმ წარმოადგინეს მოხსენება თემაზე: „ძილი და სიზმარი“ .
ბაკალავრიატის მე-2 კურსის სტუდენტმა ნათია ჩილაჩავამ წარმოადგინა თემა: „XXI საუკუნის თანამედროვე გამოწვევები, ახალი პოლიტიკური სივრცე, ომი და მშვიდობა“, აღნიშნული თემატიკა მეტად საინტერესო აღმოჩნდა დამსწრე საზოგადოებისათვის.
მე-2 კურსელმა გიგო წიკლაურმა გააკეთა მოხსენება თემაზე: „ბირთვული იარაღისა და უკრაინის უშიშროების საკითხი მსოფლიო პოლიტიკში“.
ასისტენტ პროფესორის სოფო ჩქოფორიას ხელმძღვანელობით სტუდენტმა გურანდა გოლიაძემ წარმოადგინა თემა: „საქართველოს საგარეო პოლიტიკის გავლენა ქვეყნის შიდა პროცესებზე“.
პროფესორ მაია ამირგულაშვილის ხელმძღვანელობით მოხსენება გააკეთა ორმა სტუდენტმა: მაგისტრატურის მე-2 კურსის სტუდენტებმა ქეთევან ვაშაკიძემ და რუსუდან ლომიძემ.
კონფერენციაზე ასევე წარმოდგენილი იყვნენ სხვა სტუდენტები და ხელმძღვანელები, რომლებმაც ასევე აქტუალური თემები წარუდგინეს კონფერენციის მონაწილეებს.
ჟიური წარმოადგენილი იყო შემდეგი სახით: თავმჯდომარე იგორ კვესელავა, მდივანი ნანა ბახსოლიანი, წევრები: მაია ამირგულაშვილი, ეკა ბუხრაშვილი, ლალი კაპანაძე. მათ შეაფასეს თითოეული მონაწილე და გამოავლინეს პირველი, მეორე და მესამე ადგილის მფლობელი კონფერენციის მონაწილე, რომლებსაც გადაეცათ შესაბამისი დიპლომები.
სტუ-ს სამართლისა და საერთაშორისო ურთიერთობების ფაკულტეტის დეკანი პროფესორი ირაკლი გაბისონია მადლობას უხდის კონფერენციაში მონაწილე სტუდენტებსა და პროფესორ-მასწავლებლებს და წარმატებებს უსურვებს მათ.

Download (DOCX, Unknown)

2017  წლის 7  ივნისს საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტს ამერიკელი მოსამართლეები და ამერიკის შეერთებული შტატების  საელჩოს წარმომადგენლები ესტუმრნენ.  აშშ-ს ჯორჯიის შტატის კობის ოლქის მოსამართლე ანა ჰარისი,  აშშ-ს ჯორჯიის შტატის ჰენრის ოლქის მოსამართლე ბენ სტადარტი, მაიკლ კუკარო  სასამართლო ადმინისტრატორი, ჯორჯიის შტატის სასამართლო საბჭოს დირექტორის მოადგილე და ნინო მარდალეიშვილი აშშ-ს საელჩოს ანტი-ნარკოტიკული და სამართალდამცავ ორგანოებთან თანამშრომლობის სამსახურის პროგრამის კოორდინატორი.

ანა ჰარისმა, ბენ სტადარტმა და მაიკლ კუკარომ სტუდენტებისთვის და პროფესორ-მასწავლებლებისათვის წაიკითხეს საჯარო ლექცია თემაზე: „იურიდიული პროფესია და სამოსამართლეო კარიერა ამერიკის შეერთებულ შტატებში“.

შეხვედრა გახსნა საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის დეკანმა პროფესორმა ირაკლი გაბისონიამ, რომელმაც სტუმრებს საჩუქრად ქართული ღვინო გადასცა. დეკანმა მისასალმებელ სიტყვაში აღნიშნა, რომ  ჩვენი ფაკულტეტი ამაყობს მსგავსი სტუმრებით, მადლობა გადაუხადა მათ სტუმრობისთვის და აშშ-თან თანამშრომლობაზე გაამახვილა ყურადღება.

დეკანმა ირაკლი გაბისონიამ სიტყვა გადასცა მაიკლ კუკაროს, რომელმაც გააკეთა მოხსენება ერთობ საინტერესო თემაზე. თავდაპირველად, იგი შეეხო იმ წარმოდგენებს, რომელიც არსებობს აშშ-სთან დაკავშირებით, ისაუბრა იურისტობის, როგორც პროფესიის მიზანსა და როლზე. განმარტა, თუ როგორ მოიპოვებენ აშშ-ში იურისტის წოდებას, წარმოაჩინა ამ კუთხით განსხვავებები ქართულ და ამერიკულ, ფედერალურ და შტატების სისტემებს  შორის.   შეეხო ნაფიც მსაჯულთა ინსტიტუტს. ბოლოს, კი რამდენიმე რჩევა მისცა სტუდენტებს.  

ჯორჯიის შტატის მოსამართლე ანა ჰარისმა საკუთარი გამოცდილება გაუზიარა სტუდენტებს, თუ რა გზა განვლო მოსამართლეობამდე. მოიყვანა რამდენიმე პრაქტიკული მაგალითი მის მიერ განხილული საქმეებიდან, ისაუბრა იურისტის თვისობრივ ძირითად მახასიათებლებზე.  მოუწოდა სტუდენტებს ნუ ეცდებიან მსოფლიოს შეცვლას, არამედ შეცვალონ ერთი ადამიანის ცხოვრება უკეთესობისკენ. აღწერა ამერიკის სისტემა სტუდენტურ სტაჟირებებსა და პრაქტიკებთან მიმართებაში.

ბენ სტადარტი მიესალმა დამსწრე საზოგადოებას და მადლობა გადაუხადა საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის დეკანს მოწვევისა და აშშ-ს საელჩოსთან აქტიური თანამშრომლობისათვის. ბენ სტადარტმა ვიზიტის ფარგლებში არსებულ სხვადასხვა შეხვედრებზე ისაუბრა, რომელიც გაიმართა საქალაქო  და უზენაეს სასამართლოებში და რომ ამ შეხვედრებმა დიდი შთაბეჭდილება მოახდინა. მათი შეხედულებით საქართველო ნამდვილად ილტვის რეფორმებისკენ და კარგია რომ ამ საქმეში უნივერისტეტებიც აქტიურად არიან ჩართულნი. აშშ-ს სასამართლოებსა და საქართველოს სასამართლოებს შორის არის მსგავსება, თუმცა რიგი საკითხები დასახვეწია. მან არაერთ მნიშვნელოვან საკითხზე გაამახვილა ყურადღება. მათ შორის,  სტუდენტებისა და პროფესორ-მასწავლებლების შეკითხვებს გასცა პასუხები, რომელიც შეეხებოდა აშშ-ში ნაფიც მსაჯულთა ინსტიტუტს, მოსამართლის დანიშვნა/არჩევის წესს, სასჯელის შერჩევასა და დანიშვნას,  სიკვდილით დასჯას, მიმიდინარე მოვლენებს და სხვა საკითხებს. ყველა შეკითხვას სტუმრებმა ამერიკისა და საქართველოს მაგალითების გაანალიზების საფუძველზე გასცეს პასუხები და სტუდენტებზე  დიდი შთაბეჭდილება მოახდინეს.

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის დეკანმა ირაკლი გაბისონიამ სტუდენტების სახელით მადლობა გადაუხადა ამერიკელ სტუმრებს და კიდევ ერთხელ ხაზი გაუსვა სამომავლო თანამშრომლობის აუცილებლობას.

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის დეკანი ირაკლი გაბისონია მადლობას უხდის ღონისძიების ორგანიზებისთვის დეკანის მოადგილეს პროფესორ ჯემალ გაბელიას.

საქართველოს ტექნიკურ უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკისა და გენდერული თანასწორობის კვლევითი ცენტრის ორგანიზებით გაიმართება საჯარო ლექცია თემაზე : ” ფემიციდი – გენდერის ნიშნით ჩადენილი ქალის მკვლელობა”.

საჯარო ლექცია გაიმართება 15 ივნისს, 13:00 საათზე, საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის საჯარო სამართლის ლაბორატორიაში (907ა) .
მომხსენებელი: თამარ დეკანოსიძე- საქართველოს ახალგაზრდა იურისტთა ასოციაციის იურისტი.

ფემიციდი – გენდერის ნიშნით ჩადენილი ქალის მკვლელობა – განსაკუთრებული სიმწვავის პრობლემად საქართველოში 2014 წლიდან გამოვლინდა.
მსოფლიოში 15-დან 44 წლამდე ქალთა გარდაცვალების/მკვლელობის ძირითადი მიზეზი ფემიციდია.
ფემიციდი გენდერული უთანასწორობის, ძალაუფლების არათანაბარი გადანაწილების და საზოგადოებაში ქალის დაქვემდებარებული როლის გამო ჩადენილი დანაშაულია.

საჯარო ლექციაზე განხილული იქნება შემდეგი საკითხები:
რა განასხვავებს ფემიციდს სხვა მკვლელობებისგან?
რა ვალდებულებები ეკისრება სახელმწიფოს ფემიციდთან ეფექტურად ბრძოლისთვის?
როგორ უნდა მოხდეს ფემიციდის თავიდან აცილება, გამოძიება და დასჯა?

საჯარო ლექციის ხანგრძლივობა – 1:30 საათი.

საჯარო ლექცია ინტერაქტიული ხასიათის იქნება და მონაწილეებს შესაძლებლობა ექნებათ გამოთქვან საკუთარი მოსაზრებები.
მოხარული ვიქნებით გიმასპინძლოთ ჩვენს ღონისძიებაზე.
სამუშაო ენა: ქართული