არასამთავრობო  ორგანიზაცია „ინოვაციებისა და რეფორმების ცენტრი“ (IRC), გაეროს ლტოლვილთა უმაღლესი კომისარიატის (UNHCR) რეგიონალური წარმომადგენლობა სამხრეთ კავკასიაში (სომხეთი, აზერბაიჯანი, საქართველო) და ივ. ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის ინსტიტუტის ორგანიზებით 2017 წლის 16 დეკემბერს ჩატარდა იმიტირებული სასამართლო პროცესი მოქალაქეობისა და მოქალაქეობის არქონის საკითხებზე.

იმიტირებული სასამართლო პროცესი მოიცავდა 2 ეტაპს (დარეგისტრირებული გუნდების გადარჩევა გუნდის მიერ წარმოდგენილი სამოტივაციო ნაწილის მიხედვით და ზეპირი რაუნდი) და ითვალისწინებდა გამარჯვებულის გამოვლენას 3 ნომინაციაში: საუკეთესო მოსარჩელე გუნდი,  საუკეთესო მოპასუხე გუნდი  და  გამორჩეული მონაწილე.

ზეპირ რაუნდში ერთმანეთს დაუპირისპირდა კავკასიის საერთაშორისო უნივერსიტეტის და საქართველოს ტექნიკური უნივერსიტეტის გუნდები.

საქართველოს ტექნიკური უნივერსიტეტის სახელით გამოვიდნენ ჩვენი სტუდენტები ლია ნახუცრიშვილი, სალომე ნემსიწვერიძე, რეზო აბზიანიძე, სოფიკო დარჩია და მალხაზ რაშოიანი.

რის შედეგადაც გუნდის გუნდურობიდან და აქტიურობიდან გამომდინარე საქართველოს ტექნიკური უნივერსიტეტის გუნდს მიენიჭა საუკეთესო მოპასუხის წოდება.

საქართველოს ტექნიკური უნივერსიტეტის გუნდი წარმოადგენა სახელმწიფო სერვისების განვითარების სააგენტოს, რომელსაც ედავებოდა უცხო ქვეყნის მოქალაქეები მათი შვილის საქართველოს მოქალაქეობის მინიჭების თაობაზე

სამართლისა და საერთაშორისო ურთიერთობების ფაკულტეტი ულოცავს ჩვენს სტუდენტებს მორიგ წარმატებას და მადლობას უხდის აქტიურობისა და შრომისათვის.

 2017 წლის 18 დეკემბერს სტუ-ს სამართლისა და საერთაშორისო ურთიერთობების ფაკულტეტის საბჭოს მორიგი სხდომა გაიმართა, სადაც ერთ-ერთ მნიშვნელოვან საკითხად მომავალი წლის ბიუჯეტის დამტკიცება განიხილეს.

ფაკულტეტის დეკანმა პროფესორ ირაკლი გაბისონიამ წარმოადგინა მოხსენება წინა წლის ბიუჯეტის შესრულებასთან დაკავშირებით და 2018 წლის ბიუჯეტის დამტკიცებისთვის ფაკულტეტის მენეჯერს სთხოვა წარმოედგინა პროექტი.

მენეჯერმა ანა ფუტკარაძემ მუხლობრივად გაიარა ყველა საკითხი ფაკულტეტის საბჭოს წინაშე და მოახსენა მათ კონკრეტულ ასპექტებში თანხების შემცირებებისა და  ზრდის შესახებ.

თავისმხრივ, ფაკულტეტის საბჭოს  წევრებმა დააფიქსირეს საკუთარი მოსაზრებები და დაამტკიცეს 2018 წლის ბიუჯეტი.

გთავაზობთ საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ახალ რუბრიკას „გაიცანი სტუ-დენტი“, რომელიც საშუალებას მოგცემთ გაიცნოთ ჩვენი ფაკულტეტის სტუდენტები, რომლებიც გამორჩეულნი არიან მაღალი აკადემიური მოსწრებითა და საზოგადოებრივი საქმიანობით.

ამჟამად წარმოგიდგენთ  თათია დოლიძეს, რომელიც სწავლობს სამართლისა და საერთაშორისო ურთიერთობების ფაკულტეტის სამართლის სპეციალობის მეოთხე კურსზე.

უპირველესყოვლისა მოგესალმებით, მადლობას მოგახსენებთ, რომ ვარ თქვენი რუბრიკის სტუმარი, მე ვარ თათია დოლიძე, ვსწავლობ საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის სპეციალობის მეოთხე კურსზე.

1. გვიამბეთ ცოტა რამ თქვენს ბავშვობაზე ?

არც ისე დიდი ხანია  რაც გამოვედი იმ ასაკიდან რასაც ბავშვობა ჰქვია. არასდროს ვყოფილვარ ჩვეულებრივი ბავშვი არ მიყვარდა თამაში,  ყოველთვის ვცდილობდი რამე ახალი შემეცნო და  გამეგო, ყოველთვის გამოვირჩეოდი სამართლიანობით, ჩემი ბავშვობის ყველაზე ტკბილი მოგონებები კი ჩემს გამზრდელ ბაბუას უკავშირდება, რომლის დამსახურებაა დღეს მე რომ  სამართალმცოდნეობაზე ვსწავლობ.

2. რატომ გადაწყვიტეთ სტუ-ში ჩაბარება, თან სამართალზე?

საქართველოს ტექნიკური უნივერსიტეტი ეს მხოლოდ სიტყვები არ არის, სიმართლე გითხრათ ჩემი მიზანი ყოველთვის დაბადებიდან იყო და არის,  რომ გავხდე ძლიერი იურისტი და სწორედ რომ ხაზგასმით მიზანია და არა ოცნება. ამიტომაც ჩემთვის მთავარი იყო ჩამებარებინა იურიდიულზე, სტუ იქნებოდა ეს თუ სხვა უნივერსიტეტი თავიდან მნიშვნელობას არ ვანიჭებდი, მაგრამ აქ მოხვედრის შემდეგ მივხვდი რა დიდი მნიშვნელობა აქვს გარემოს სადაც შენ, შენი ცხოვრების მიზანს უნდა მიაღწიო გახდე პროფესიონალი სამართალმცოდნე იურისტი, დღეს შემიძლია სიამაყით და თამამად გითხრათ რომ ძალიან გამიმართლა როდესაც  საქართველოს ტექნიკურ უნივერსიტეტში ჩავაბარე და მე დღეს თუ რამით ვამაყობ ერთ-ერთი ეს არის რომ მე სტუ-ს სტუდენტი ვარ. რაც შეეხება თქვენ შეკითხვას რატომ ჩავაბარე სამართალზე ვფიქრობ პლატონის ამ  გამონათქვამით შევძლებ გიპასუხოთ ,,სიმართლეს ბევრი მომხრე ყავს, მაგრამ ცოტა დამცველი.’’ მე მომხრეც ვარ სიმართლის და ასევე აუცილებლად უპირობოდ მისი დამცველი.

3. რა განასხვავებს ამ ფაკულტეტს სხვა უნივერსიტეტის სასწავლო პროგრამიდან?

საქართველოს ტექნიკური უნივერსიტეტი აძლევს მოტივირებულ სტუდენტს მაღალ კვალიფიციურ განათლებას ის სხვა უნივერსიტეტებიდან განსხვავდება ინოვაციურობით მუდმივად გვთავაზობს სიახლეებს. ეს არის სალექციო თუ სასემინარო საათები, სხვადასხვა  შემეცნებითი აქტივობები. უამრავი ლექტორი, სემინარის ხელმძღვანელი შემიძლია დაგისახელოთ მართლაც რომ დიდი ძალისხმევას, ენერგიას დებს რომ სტუდენტს ჩამოუყალიბოს სწორი სამართლებრივი ხედვა და მისცეს მაღალი იურიდიული განათლება,სხვა უნივერსიტეტის სასწავლო პროგრამებიდან განსხვავება შეიძლება იყოს რომ სხვა უნივერსიტეტებში უმეტესწილად ჯგუფური მეცადინეობები მიმდინარეობს შეფასების კრიტერიუმიც სხვა აქვთ სტუ-ში უმეტესწილად ზეპირი მეტყველებით, პრეზენტაციებით და სამეცნიერო თვალსაზრისით მუშაობით ხდება სასემინარო საათების წარმართვა რაც ძალიან კარგია.

4. მოგვიყევით თქვენი სტუდენტური აქტივობის შესახებ?

სკოლიდანვე ვიყავი აქტიური მოსწავლე, მონაწილეობას ვიღებდი სხვადასხვა აქტივობებში ვმონაწილეობდი დებატებში, ინტელექტუალურ თამაშებში, როგორიც არის „რა, სად, როდის’’, ვთანამშრომლობდი ერთ-ერთ არასამთავრობო ორგანიზაციასთან, უნივერსიტეტშიც აქტიურად ვარ ჩაბმული სხვადასხვა აქტოვობაში, ახლა გავიდივარ სტაჟირებას იურდიული კლინიკა ,,ჩემი ადვოკატ“-ში’.

5. სად ხედავთ თქვენს თავს მომავალში?

ჩემი თავს თვალნათლივ ვხედავ სისხლის სამართალში, თავდაჯერებულ, ძლიერ იურისტად. ყოველთვის დავიცავ ადამიანის საყოველთაოდ აღიარებული უფლებებს და თავისუფლებებს როგორც წარუვალ და უზენაეს ღირებულებებს..

6. გვითხარით, ისეთი თანამდებობა რომელზეც ოცნებობთ?

არ არსებობს თანამდებობა რომელზეც მე ვოცნებობ, იმიტომ რომ საერთოდ არ ვოცნებობ J მე მაქვს მიზანი და  ძალისხმევას არ დავიშურებ ამ მიზნის მისაღწევად. ასევე ვიზიარებ ზიგმუნდ ფროიდის აზრს ”ჩვენ ვართ ჩვენი მისწრაფებები“. ნამდვილად ჩვენ ვართ ჩვენი მისწრაფებები და ეს არის ყველა თანამდებობაზე მნიშვნელოვანი J

7. ცოტა რამ ფაკულტეტის ხელმძღვანელობაზეც მოგვიყევით.

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტს გამორჩეული პროფესიონალებით დაკომპლექტებული ხელმძღვანელობა და აკადემიური პერსონალი ჰყავს.  ძნელია მათ შორის ვინმეს გამორჩევა, ისინი ყოველთვის მზად არიან  მოუსმინონ სტუდენტს, გაიგონ სტუდენტის აზრი ამა თუ იმ საკითხის მიმართ, რა პრობლემები აქვთ, რა უჭირთ და ყოველთვის მზად არიან ჩვენ დასახმარებლად, აქვე ვისარგებლებ შესაძლებლობით და ფაკულტეტის  ხელმძღვანელობას და აკადემიურ პერსონალს მინდა დიდი მადლობა გადავუხადო იმ ხელშეწყოფიბისთვის, მეგობრული დამოკიდებულებისა თუ პროფესიონალური მიდგომებისთვის რომელსაც ისინი იჩენენ ჩვენთან მიმართებით.

8. ყველაფერს აქვს უარყოფითი და დადებით მხარე, რა არის ის, რაც არ მოგწონთ ფაკულტეტზე? რის შეცვლას ისურვებდით?

ეს არ არის სწორი მიდგომა საკითხისადმი, რა თქმა უნდა, უნივერსიტეტში მცირედი პრობლემები არსებობს, მაგრამ მთავარია რომ ფაკულტეტის ხელმძღვანელობა და აკადემიური პერსონალი ძალ-ღონეს არ იშურებს უკეთესი შედეგისთვის. დღესდღეობით ტექნიკურ უნივერსიტეტის სამართლისა და საერთაშორისო ურთიერთობების ფაკულტეტს აქვს ის დონე რომლითაც შეუძლია კონკურენცია გაუწიოს ქვეყნის სხვა პრესტიჟულ უნივერსიტეტებს და ეს  წარმატებით გამოსდის კიდეც ..

9. ფაკულტეტის მიერ ორგანიზებულ რომელ ღონისძიებას გამოყოფდით?

ფაკულტეტი როგორც ზემოთ ვთქვი გვანებივრებს სიახლეებით. გამოვყოფდი საჯარო ლექციას საქართველოს საკონსტიტუციოს სასამართლოს თავჯდომარე ბატონ ზაზა თავაძესთან და თავჯდომარის მოადგილე ქალბატონ ლალი ფაფიაშვილთან. მნიშვნელოვანი ლექცია ჩატარდა რომელსაც სამართალმცოდნეების გარდა ესწრებოდნენ სხვადასხვა პროფესიის პირები მათთვის და ჩვენთვის კიდევ უფრო გასაგები გახდა, თუ რა ორგანოა საკონსტიტუციოს სასამართლო (იურისტებმა კარგად ვიცით J) რა არის მისი საქმიანობის ძირითადი სფერო, რის საფუძველზე იხილავს და იღებს გადაწყვეტილებას საკონსტიტუციოს სასამართლო. აღნიშნულ ლექციაზე კითხვები დაისვა საკონსტიტუციო სასამართლოს თავმჯდომარის და მისი მოადგილის მიმართ 2017 წლის 29 დეკემბრის გადაწყვეტილებასთან დაკავშირებით, რომელიც ეხებოდა სისხლის სამართლის 273 მუხლს. საკმაოდ ამომწურავად გაეცა ყველა დასმულ კითხვას პასუხი,  ერთმნიშვნელოვნად ბოლოს ჩატარებულ ღონისძიებათაგან გამოვყოფდი ზემოთ ხსენებულს ლექციას.

10. რას ურჩევთ სტუ-ს პირველკურსელებს ?

უპირველესყოვლისა ვუსურვებ წარმატებებს, ჩვენ მომავალი კოლეგები ვართ და საერთო საქმე უნდა ვაკეთოთ ვემსახუროთ სამართალს, მინდა ვურჩიო მათ რომ გამოიყენონ ყველა ის რესურსი რასაც უნივერსიტეტი მათ აძლევთ, რაც შეიძლება მეტი მუშაობა საკუთარ თავთან, იყვნენ მოტივირებულები, გახსოვდეთ რომ თქვენ აირჩიეთ ის პროფესია, რომელსაც ერთ-ერთი ყველაზე დიდი როლი აკისრია კაცობრიობის ისტორიაში, ჩვენ იურისტებს შესაძლებელია მოგვიწიოს ადამიანის ბედ-იღბალის გადაწყვეტა და ეს არ არის შორეული პერსპექტივა. ამიტომ მეგობრებო, რაც შეიძლება მეტი მუშაობა, მეტი ცოდნის მიღება რომ ჩვენით სამშობლომ იამაყოს.

2017 წლის 16 დეკემბერს სტუ-ს სამართლისა და საერთშორისო ურთიერთობების ფაკულტეტის საჯარო სამართლის ლაბორატორიაში საქართველოს სახელმწიფო მინისტრის ყოფილმა მოადგილემ, ამჟამად კი დიასპორული ინვესტიციების მხარდაჭერის ასოციაციის პრეზიდენტმა  ზაალ სარაჯიშვილმა ჩაატარა საჯარო ლექცია თემაზე: „ლობიზმი, როგორც ხელისუფლებაზე ზემოქმედების მექანიზმი”.

საჯარო ლექცია გახსნა სტუ-ს სამართლისა და საერთაშორისო ურთიერთობების ფაკულტეტის დეკანმა, პროფესორ  ირაკლი გაბისონიამ,  რომელმაც წარადგინა  სტუმარი და ხაზი გაუსვა იმას, რომ სტუდენტების  სურვილის შემთხვევაში ფაკულტეტის ადმინისტრაცია კვლავ ითანამშრომლებს ზაალ სარაჯიშვილთან და მოიწვევს მას საჯარო ლექციის ჩასატარებლად.

მოწვეულმა სტუმარმა ისაუბრა ლობიზმის საქმიანობის ისტორიაზე, ლობისტის სამართლებრივ გარანტიებსა და საქმიანობის ფორმებზე,  მსოფლიოში დამკვიდრებულ პრაქტიკაზე, მათ შორის, მოიშველია სტატისტიკა აშშ-ის ლობისტების რაოდენობის და მათზე დახარჯული თანხების შესახებ.   განმარტა ლობისტური საქმიანობის რეგლამენტაცია, მეთოდები და ფორმები. ასევე, ჩამოაყალიბა ლობისტური საქმიანობის მთავარი ელემენტები, ღირსებები და ნაკლოვანებები.

შეხვედრა ინტერაქტიულ რეჟიმში წარიმართა, სტუდენტებმა აქტიურად დაუსვეს შეკითხვები, მათ შორის, მიიღეს რჩევები თუ როგორ არის შესაძლებელი ჩამოყალიბდე კარგ ლობისტად.

გთავაზობთ საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ახალ რუბრიკას „გაიცანი სტუ-დენტი“, რომელიც საშუალებას მოგცემთ გაიცნოთ ჩვენი ფაკულტეტის სტუდენტები, რომლებიც გამორჩეულნი არიან მაღალი აკადემიური მოსწრებითა და საზოგადოებრივი საქმიანობით.

ამჟამად წარმოგიდგენთ  ნინო ხუციშვილს,  რომელიც სწავლობს სამართლისა და საერთაშორისო ურთიერთობების ფაკულტეტის სამართლის სპეციალობის მეორე კურსზე.

  მოგესალმებით ნინო, გვიამბეთ ცოტა რამ თქვენს ბავშვობაზე ?

 გამარჯობა, მე ვარ ნინო ხუციშვილი, 19 წლის. დავამთავრე ქ.თბილისის 87-ე საჯარო სკოლა. სკოლასთან ერთად დავდიოდი სხვადასხვა წრეებზე, გავდიოდი ოლიმპიადებზე და ვიღებდი მონაწილეობას სხვადასხვა კონკურსებში, მაქვს სხვადასხვა დიპლომები და სიგელები. ასევე 11 წელი დავდიოდი ცეკვაზე.

       რატომ გადაწყვიტეთ სტუ-ში ჩაბარება, თან სამართალზე?

სკოლის ასაკიდანვე მაინტერესებდა სამართალი, რადგან იგი ყოველდღიურ ცხოვრებასთან ახლოს იყო. მე-11 კლასიდან კი უკვე მტკიცედ მქონდა გადაწყვეტილი რომ სამართალზე ჩავაბარებდი. რაც შეეხება იმას, თუ რატომ ჩავაბარე საქართველოს ტექნიკურ უნივერსიტეტში ამაზე ნაწილობრივ გავლენა იქონია იმან, რომ ჩემს დეიდას აქვს დამთავრებული ამ უნივერსიტეტში იურიდიული  ფაკულტეტი და ბავშვობიდან მახსოვს თუ როგორი კმაყოფილი იყო. ასევე ჩემი  მასწავლებლისგანაც ვიცოდი რომ მაღალი დონის იყო ეს ფაკულტეტი ამ უნივერსიტეტში.

2. რა განასხვავებს ამ ფაკულტეტს სხვა უნივერსიტეტის სასწავლო პროგრამიდან?

საკმაოდ მაღალია სწავლების დონე. ამ უნივერსიტეტს ჰყავს არაჩვეულებრივი ლექტორები, რომლებიც ყველანაირად გიწყობენ ხელს რომ მიაღწიო შენთვის სასურველ შედეგს და გაძლევენ სტიმულს, ასევე ნებისმიერ დროს მზად არიან დაგეხმარონ.

3. მოგვიყევით თქვენი სტუდენტური აქტივობის შესახებ?

მინდა ვთქვა, რომ საკმაოდ აქტიურია ფაკულტეტის თვითმმართველობა, რომელიც ყველა სტუდენტს უწყობს ხელს განვითარდეს. პირველ კურსზე ვიყავი საქართველოს პროკურატურაში ჩატარებულ ტრენინგზე თემაზე ‘’ოჯახური ძალადობა’’ , ნამყოფი ვარ საქართველოს საკონსტიტუციო სასამართლოს საზაფხულო სკოლაში თემაზე ‘’საკონსტიტუციო სამართალწარმოება’’.  გავიარე სტაჟირება იუსტიციის სახლშიც ასევე ვესწრები სხვადასხვა ტრენინგებს და ღონისძიებებს..

4. სად ხედავთ თქვენს თავს მომავალში?

მომავალში ჩემი თავი წარმომიდგენია ადვოკატად, ასევე მსურს მქონდეს საკუთარი საადვოკატო ბიურო.

5. ყველაზე მეტად რა მოგწონთ უნივერსიტეტის საგანმანათლებლო პოლიტიკაში ?

აუცილებლად დავასახელებდი საჯარო ლექციათა ციკლს, ძალიან მომწონს რომ უნივერსიტეტი იწვევს ცნობილ პიროვნებებს და ამით მეტ ინტერესს იწვევს სტუდენტებში. საჯარო ლექციებს ატარებენ როგორც უცხოეთის სასწავლებლიდან მოწვეული პროფესორები ასევე საქართველოს სხვადასხვა უნივერსიტეტიდან, ამასთანავე, მნიშვნელოვანია ისეთი პრაქტიკოსების მოწვევაც როგორიც არის მაგალითად საქართველოს საკონსტიტუციო სასამართლოს მოსამართლე და სხვები.

6. რას ურჩევთ სტუ-ს პირველკურსელებს ?

სტუ-ს სამართლის და საერთაშორისო ურთიერთობების ფაკულტეტი სტუდენტებს სთავაზობს უამრავ შესაძლებლობებს. პირველკურსელებს ვურჩევდი, რომ გამოიყენონ ეს ყველაფერი, აქტიურად მიიღონ მონაწილეობა ამ ღონისძიებებსა და აქტივობებში, რომლებიც  მისცემს ცოდნას და დააინტერესებს მათ. ასევე ვუსურვებ წარმატებას ყველას, რადგან მათ ჯერ კიდევ წინ აქვთ ის სიამოვნება რომ გაიგონ თუ როგორ კარგ ფაკულტეტზე ჩააბარეს, რადგან ეს უნივერსიტეტი აფასებს მათ შრომას.

2017 წლის 14 დეკემბერს სტუ-ს სამართლისა და საერთაშორისო ურთერთობების ფაკულტეტის სტუდენტებს  ილიას სახელმწიფო უნივერსიტეტის იურიდიული ფაკულტეტის ხარისხის უზრუნველყოფის სამსახურის უფროსმა, ასისტენტ-პროფესორმა, კონსტიტუციონალისტმა  კონსტანტინე  ჩოკორაიამ  წაუკითხა  საჯარო ლექცია თემაზე: „საკონსტიტუციო ცვლილებები, სიახლეები და პრობლემები“.

საჯარო ლექცია გახსნა სტუ-ს სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ, რომელმაც წარუდგინა სტუდენტებს სტუმარი  და საინტერესო  ლექციის ჩატარება უსურვა.

სტუმარმა თავდაპირველად, მადლობა გადაუხადა დეკანს მოწვევისათვის და ცნობილ კონსიტიციონალისტს ემერიტუს-პროფესორს ავთანდილ დემეტრაშვილს მისი როგორც კონსტიტუციონალისტის ჩამოყალიბების საქმეში გაწეული შრომისთვის.

ლექცია გაიმართა ისეთ მნიშვნელოვან საკითხებზე როგორიცაა: საკონსტიტუციო ცვლილებების ისტორიული ასპექტების, მიმდინარე ცვლილებების ძირითადი საკითხების, საპრეზიდენტო და საპარლამენტო მოდელის დადებითი და უარყოფითი მახასიათებლები და პრეზიდენტის უფლებამოსილებების შესახებ. აქტიური კითხვების შედეგად წამოიჭრა საკითხი საარჩევნო სისტემის და მის ირგვლივ შექმნილ რეალობასთან დაკავშირებით.

საჯარო ლექცია საინტერესოდ წარიმართა, სტუდენტებმა არაერთი შეკითხვა დაუსვეს სტუმარს და ასევე, პროფესორ ავთანდილ დემეტრაშვილის სთხოვეს საკუთარი აზრი დაეფიქსირებინა მიმდინარე საკონსტიტუციო ცვლილებების შესახებ, ვინაიდან, იგი გახლდათ ამ საკონსტიტუციო კომისიის წევრიც.

2017 წლის 13 დეკემბერს სტუ-ს სამართლისა და საერთაშორისო ურთიერთობების ფაკულტეტის ორგანიზებით სტუ-ს ცენტრალურ ბიბლიოთეკაში გაიმართა შეხვედრა საქართველოს საკონსტიტუციო სასამართლოს თავმჯდომარესთან ბატონ ზაზა თავაძესთან და  თავმჯდომარის მოადგილესთან ქალბატონ ლალი ფაფიაშვილთან.

შეხვედრა გახსნა სტუ-ს სამართლისა და საერთაშორისო ურთიერთობების ფაკულტეტის დეკანმა, პროფესორმა ირაკლი გაბისონიამ, რომელმაც მადლობა გადაუხადა სტუმრებს მობრძანებისთვის და შეხვედრის წარმართვა სთხოვა სტუ-ს სპიკერს პროფესორ ჯემალ გახოკიძეს. მან ასევე სტუმრებს მოკლედ გააცნო ფაკულტეტის კვლევითი საქმიანობის შესახებ.

სტუმრებს მიესალმა და საკუთარი მოხსენება წარმოადგინა სტუ-ს სპიკერმა პროფესორმა ჯემალ გახოკიძემ, რომელმაც ისაუბრა ქართულ-აფხაზურ კონფლიქტზე, საზოგადოებას წარუდგინა სახელმძღვანელო-კვლევის შედეგი ჩინეთსა და ჰონკონგის შესახებ, ყურადღება გაამახვილა  აფხაზეთის დაბრუნებასთან დაკავშირებულ ზოგიერთ ასპექტზე, აღნიშნულთან დაკავშირებით სტუდენტებმა აქტიურად დაუსვეს შეკითხვები.

საქართველოს საკონსტიტუციო სასამართლოს თავმჯდომარემ ისაუბრა სასამართლოს როლზე ქვეყნის დემოკრატიული განვითარების გზაზე,  განმარტა სტრუქტურა, მოსამართლეთა წარდგენის წესი, ვადა და სხვა ღირებული საკითხები, რომლებიც აქტიურად არის დაკავშირებული საკონსტიტუციო სასამართლოს ფუნქციის შესრულებასთან. ასევე, შეეხო ნეგატიური მართლმსაჯულების პრინციპებს და სტუდენტების შეკითხვებს უპასუხა სხვადასხვა მნიშვნელოვან საკითხზე.

აუდიტორიაში მსჯელობა გამოიწვია საკონსტიტუციო სასამართლოს მიერ ბოლო დროს მიღებულმა გადაწყვეტილებებმა, მათ შორის, მარიხუანას დეკრიმინალიზაციასთან დაკავშირებით. ფაკულტეტის დოქტორანტმა დიმიტრი საბულუამ,  რომელიც სწორედ აღნიშნულ თემას იკვლევს დისკუსი გამართა მოსამართლეებთან, ასევე საკუთარი პოზიცია დააფიქსირა სისხლის სამართლის აკადემიური დეპარტამენტის ხელმძღვანელმა.

შეხვედრის დასასრულს, სტუდენტებმა და დამსწრე პროფესორ-მასწავლებლებმა კიდევ ერთხელ გადაუხადეს მადლობა მოწვეულ სტუმრებს.