ანონსი
შეხვედრა საქართველოს იურიდიულ მეცნიერებათა აკადემიის წევრებთან
27 იანვარს 14:00 საათზე სტუ-ს სამართლისა და საერთაშორისო ურთიერთობების ფაკულტეტის ორგანიზებით სტუ-ს ცენტრალურ ბიბლიოთეკაში გაიმართება შეხვედრა საქართველოს იურიდიულ მეცნიერებათა აკადემიის წევრებთან.
სტუდენტთა შერჩევა საჯარო-ლექცია სემინარებში მონაწილეობის მისაღებად
გაცნობებთ, რომ საქართველოს ტექნიკური უნივერსიტეტის ინტერდისციპლინური სასწავლო-კვლევითი ცენტრის “სახელმწიფო – სამართალი – პოლიტიკა – კულტურა” ინიციატივით და სსიპ აკაკი წერეთლის სახელმწიფო უნივერსიტეტისა და სსიპ ზუგდიდის შოთა მესხიას სახელმწიფო სასწავლო უნივერსიტეტის თანადაფინანსებით მიმდინარე წლის 27 – 31 იანვარს ქ. ქუთაისში, სსიპ აკაკი წერეთლის სახელმწიფო უნივერსიტეტის ბაზაზე გაიმართება უცხოელი პროფესორის – იოჰანეს ვაისის (ერფურტის (გერმანია) უნივერსიტეტის პროფესორი) საჯარო ლექცია-სემინარები თემაზე: სახელმწიფო – პოლიტიკა – რელიგია.
აღნიშნული ღონისძიების ფარგლებში ასევე, საჯარო ლექციას წაიკითხავს და დისკუსიებს გამართავს პროფესორი მამუკა ბერიაშვილი თემაზე: სამართლებრივი სახელმწიფო, როგორც ზნეობრივი სახელმწიფო. საჯარო ლექცია-სემინარებში მონაწილეობას მიიღებენ საქართველოს ტექნიკური უნივერსიტეტის სტუდენტები.
სტუდენტთა შერჩევა მოხდება გასაუბრების საფუძველზე, მსურველები ხვალ, 26იანვარს უნდა გამოცხადნენ 12 :00 საათზე 915ა- აუდიტორიაში.
პროექტის „შეხვდი დამსაქმებელს“ ფარგლებში ლევან სამხარაულის სახელობის სასამართლოს ექსპერტიზის ეროვნული ბიუროს წარმომადგენლებთან გაიმართება შეხვედრა
2018 წლის 20 იანვარს 15:00 საათზე საქართველოს ტექნიკური უნივერსიტეტის ცენტრალურ ბიბლიოთეკაში სამართლისა და საერთაშორისო ურთიერთობების ფაკულტეტის ორგანიზებით პროექტ „შეხვდი დამსაქმებელს“ ფარგლებში ფაკულტეტის სტუდენტებსა და პროფესორ-მასწავლებლებს შეხვდებიან ლევან სამხარაულის სახელობის სასამართლოს ექსპერტიზის ეროვნული ბიუროს უფროსი – გიორგი თვაური, ბიუროს უფროსის მოადგილე (კრიმინალისტიკური ექსპერტიზის დეპარტამენტის უფროსი) – გიორგი მურვანიძე, სამედიცინო ექსპერტიზის დეპარტამენტის უფროსი – ნინო კიკაბიძე, ფსიქიატრიული ექსპერტიზის დეპარტამენტის უფროსი – დავით მაღრაძე, ბიოლოგიური ექსპერტიზის დეპარტამენტის უფროსი – ნინო ყოჩიაშვილი, ნარკოლოგიური ექსპერტიზის სამმართველოს უფროსი – გური მენაბდიშვილი, კირიაკ ზავრიევის სამშენებლო მექანიკის სეისმომედეგობის და საინჟინრო ექსპერტიზის დეპარტამენტის უფროსი – ბადრი ლეფსაია და სხვები.
დასწრება თავისუფალია!
სტუდენტთა საყურადღებოდ !
სამართლისა და საერთაშორისო ფაკულტეტის სტუდენტებს, რომლებსაც არ ექნებათ მიმდინარე სემესტრის სწავლის საფასური (1125 ლარი) გადახდილი ა/წ 23 იანვრამდე, შეუჩერდებათ სტუდენტის სტატუსი.
ფაკულტეტის მენეჯერის აპარატი