ანონსი
საზაფხულო სკოლა სტუდენტებისთვის
2018 წლის 15-20 ივლისს ქ. ბათუმში საკონსტიტუციო სასამართლოში ჩატარდება საზაფხულო სკოლა სტუდენტებისთვის თემაზე: „საკონსტიტუციო სამართალწარმოება“.
საზაფხულო სკოლა ტარდება 2013 წლის 22 ივნისს საქართველოს ტექნიკურ უნივერსიტეტსა და საკონსტიტუციო სასამართლოს შორის გაფორმებული ურთიერთთანამშრომლობის მემორანდუმის ფარგლებში. აღნიშნული პროექტი ეწყობა ყოველწლიურად სტუ-ს წარჩინებული სტუდენტებისთვის, რომლებმაც მთელი წლის განმავლობაში თავი გამოიჩინეს აკადემიური მოსწრებითა და სტუდენტური აქტივობებით, პროექტს ტრადიციული სახე მიეცა და უკვე მეექვსე წელია რაც იმართება საქართველოს ტექნიკური უნივერსიტეტისა და საქართველოს საკონსტიტუციო სასამართლოს ორგანიზებით.
საზაფხულო სკოლაში მონაწილეობის მსურველი სტუდენტები უნდა გამოცხადნენ გასაუბრებაზე სამართლისა და საერთაშორისო ურთიერთობების ფაკულტეტის მენეჯერთან (906ა) 12 ივლისს 15:00 საათიდან18:00საათამდე.
საბაკალავრო ნაშრომების დაცვა გაიმართება
კერძო სამართლის მიმართულება
14 ივლისი 10:00 საათი
საჯარო სამართლის მიმართულება
14 ივლისს 12 :00 საათი
სისხლის სამართლის მიმართულება
13 ივლისი 10:00 საათი
პროსპექტუსის დაცვა გაიმართება
კერძო სამართლის მიმართულება
14 ივლისი 15:00 საათი
საჯარო სამართლის მიმართულება
14 ივლისს 15:00 საათი
სისხლის სამართლის მიმართულება
13 ივლისი 15:00 საათი
სტუდენტური კონფერენცია თემაზე: “საჯარო სამსახური საქართველოში: სინამდვილე და გამოწვევები“
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის მიერ 2018 წლის 17 ივლისს ტარდება სტუდენტური კონფერენცია თემაზე: “საჯარო სამსახური საქართველოში: სინამდვილე და გამოწვევები“.
კონფერენციაზე წარსადგენი მოხსენებები შეიძლება მოიცავდეს შემდეგ საკითხებს:
- საჯარო სამსახურში მიღების წესი;
- საჯარო სამსახურში სამუშაოს შეფასების მეთოდები და სისტემები;
- ანაზღაურების სისტემა საჯარო სამსახურში;
- მამხილებლის ინსტიტუტი;
- სამოხელეო დავის განხორციელების სპეციფიკა და სამართლებრივი პრობლემები;
- საჯარო მოხელის დისციპლინარული პასუხისმგებლობის თავისებურებანი.
აღნიშნული ჩამონათვალი არ ზღუდავს თემატიკასთან დაკავშირებულ სხვა საკითხთა შესახებ მოხსენებების წარმოდგენას.
მონაწილეობის მიღება შეუძლია ნებისმიერი აკრედიტირებული უნივერსიტეტის სამართლის სპეციალობის როგორც საბაკალავრო, სამაგისტრო და სადოქტორო პროგრამის სტუდენტებს.
- ერთ ავტორს შეუძლია მხოლოდ ერთი ნაშრომის წარმოდგენა;
- თითოეულ ნაშრომს შეიძლება ჰყავდეს ერთი ან ორი ავტორი;
- აუცილებელია ნაშრომს ახლდეს რეზიუმე ინგლისურ ენაზე;
- თითოეული ნაშრომი შემოწმდება პლაგიატზე.
წარმოდგენილი საკონფერენციო ნაშრომი უნდა აკმაყოფილებდეს შემდეგ ტექნიკურ მონაცემებს:
- ნაშრომის მოცულობა: 8-10 გვერდი
- ინგლისური რეზიუმეს მოცულობა: არაუმეტეს 250 სიტყვისა;
- ძირითადი ტექსტისა და სქოლიოების შრიფტი: Sylfaen
- ძირითადი ტექსტის შრიფტის ზომა – 11, სქოლიოების ტექსტი – 9;
- ინტერვალი სტრიქონებს შორის – 1.15
- გვერდების საზღვრები – 1.9 სმ
წარმოდგენილი ნაშრომები შეფასდება შემდეგი კრიტერიუმებით:
- შინაარსის შესაბამისობა სათაურთან
- თემის აქტუალობა
- აზრის ჩამოყალიბებისა და გამოხატვის სტილი
- საკითხის ავტორისეული შეფასება (ინდივიდუალური ხედვა)
- ტექნიკური მახასიათებლების შესაბამისობა
- ციტირების ტექნიკა
- გამოყენებული ლიტერატურის მრავალფეროვნება
ფინალურ ეტაპზე შერჩეული საკონფერენციო მოხსენებები იბეჭდება საკონფერენციო ნაშრომთა კრებულში; შესაბამისად, საქართველოს ტექნიკური უნივერსიტეტი იტოვებს უფლებას, მოახდინოს ნაშრომის კორექტირება ავტორთან შეთანხმებით.
საკონფერენციო მასალების წარმოდგენის ბოლო ვადა: 10 ივნისი, 2018 წელი
დაინტერესებულმა პირებმა ნაშრომი უნდა წარმოადგინონ შემდეგ ელექტრონულ მისამართზე: publiclaw@gtu.ge
მეილის სათაურში მიუთითეთ კოფნერენციის დასახელებ: საჯარო სამსახური საქართველოში: სინამდვილე და გამოწვევები.
მეილში მიუთითეთ ავტორ(ებ)ის სახელი და გვარი, სტატუსი (თუ რომელი უსდ-ს სტუდენტია), საკონტაქტო ტელეფონი და ელ-ფოსტა.
საგამოცდო ცხრილები
საჯარო ლექციათა კურსის “სეკულარიზაცია და სეკულარიზაციის თეორიების” ფარგლებში პირველი საჯარო ლექცია გაიმართება
2018 წლის 22 მარტს 16:00 საათზე საჯარო სამართლის ლაბორატორიაში (907ა ოთახში) კასელის უნივერსიტეტის დოქტორანტი სოციოლოგიის მიმართულებით ქეთი რჩეულიშვილი საჯარო ლექციათა კურსის “სეკულარიზაცია და სეკულარიზაციის თეორიების” ფარგლებში ჩაატარებს პირველ საჯარო ლექციას თემაზე: „რელიგია სოციალურ და პოლიტიკურ მეცნიერებებში,ინტერდისციპლინური მიდგომა“
დასწრება თავისუფალია!
საჯარო ლექციათა კურსი “სახელმწიფოსა და სამართლის სწავლება”
საჯარო ლექციებზე დასწრების მსურველები უნდა შეავსონ აღნიშნული სარეგისტრაციო ფორმა.
მონაწილეობის მიღება შეუძლიათ: სამართლისა და საერთაშორისო ურთიერთობების ფაკულტეტისა და საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტის ნებისმიერი კურსი სტუდენტს, რომელიც დაინტერესებულია ქვემოთ მოცემული სასემინარო თემებით.
პირველადი რეგისტრაციის ვადა: 22 მარტი 16:00 საათამდე.
სასემინარო თემები:
მამუკა ბერიაშვილი (ილიას სახელმწიფო უნივერსიტეტის (საქართველო) და მიუნსტერის უნივერსიტეტის (გერმანია) პროფესორი):
თემა 1: პლატონის სახელმწიფოსა და სამართლის ფილოსოფია
1. ბიოგრაფიული ცნობები;
2. ,,პოლითეია“ (იდეალური სახელმწიფო და მმართველი, მოძღვრება იდეათა შესახებ, გამოქვაბულის შედარება, ეტლის შედარება).
3. ,,კანონები“ (სახელმწიფო მოწყობის გვიანდელი, რეალისტური მოდელი).ლევან შატბერაშვილი (ბონის უნივერსიტეტის დოქტორანტი (გერმანია)):თემა 2: არისტოტელეს პოლიტიკური ფილოსოფია და ეთიკა
1. ბიოგრაფიული ცნობები, პლატონის ფილოსოფიის კრიტიკა. მოძღვრება ფორმისა და მატერიის შესახებ; ტელეოლოგია. ელინისტური ეპოქის ელემენტები.
2. ,,პოლიტიკა“ (Zoon politikon, ბუნებრივი უთანასწოროის აპოლოგეტიკა, სათნოებათა შესახებ მოძღვრება და სახელმწიფოს სწორი და მანკიერი ფორმები)
არისტოტელეს ნაშრომი: ,,ნიკომაქეს ეთიკა“ (სამართლიანობის სახეები).ირაკლი თაბორიძე (ილიას სახელმწიფო უნივერსიტეტის დოქტორანტი (საქართველო)):
თემა 3: რომაული სახელმწიფო და სამართლებრივი აზროვნება
1. ციცერონის სწავლება სახლმწიფოს მმართველობის ოპტიმალური ფორმისა და სამართლის შესახებ (de re publica, de legis).
2. რომაული სტოიციზმი: სენეკა, ეპიქტიტე, მარკუს ავრელიუსი.თეო კობუში (ბონის უნივერსიტეტის პროფესორი (გერმანია))
თემა 4: 1) ქრისტიანული არისტოტელიზმი და თომა აქვინელის სწავლება ბუნებითი სამართლის შესახებ.
2) პატრისტიკის პერიოდი, ნეტარი ავგუსტინე და მისი შრომები ,,ღვთის ქალაქისათვის“, ,,აღსარებანი“.
გეორგ ლომანი (მაგდებურგის უნივერსიტეტის პროფესორი (გერმანია))
თემა 5: 1) ჯონ როულსის – „სამართლიანობის თეორია“
2) რონალდ დვორკინი – „დემოკრატიის თეორია“
ლევან შატბერაშვილი (ბონის უნივერსიტეტის დოქტორანტი (გერმანია)):
თემა 6: იმანუელ კანტი – სახელმწიფო, სამართლი და ზნეობა კანტთან; ზნეობის კანონი კანტთან
ირაკლი თაბორიძე (ილიას სახელმწიფო უნივერსიტეტის დოქტორანტი (საქართველო)):
თემა 7: ადრეული ახალი დროის აზროვნება
სამუელ პუფენდორფის ბუნებით-სამართლებრივი მოძღვრება მოვალეობათა შესახებ და საღვთო რომის იმპერიის წყობილების კრიტიკა.
მამუკა ბერიაშვილი (ილიას სახელმწიფო უნივერსიტეტის (საქართველო) და მიუნსტერის უნივერსიტეტის (გერმანია) პროფესორი)):
მარიამ ხაზარაძე (ილიას სახელმწიფო უნივერსიტეტის მაგისტრანტი, საქართველო)):
თემა 8: აქსელ ჰონეტი – სამართლებრივი სახელმწიფო, როგორც სოციალური და ზნეობრივი სახელმწიფო
https://docs.google.com/forms/d/e/1FAIpQLSfcGPkzI-3apszseNn0rvjSfOHnFZqG0E6uZitou10k4rsfNw/viewform
ესეების კონკურსი სტუდენტებისთვის
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტი აცხადებს ესსეების კონკურსს შემდეგი მიმართულებებით:
- სამართალი
- საერთაშორისო ურთიერთობები
მონაწილეობის მიღება შეუძლია ნებისმიერი აკრედიტირებული უნივერსიტეტის სამართლის და საერთაშორისო ურთიერთობის სპეციალობის როგორც საბაკალავრო, ასევე სამაგისტრო პროგრამის სტუდენტებს.
- ერთ ავტორს შეუძლია მხოლოდ ერთი ნაშრომის წარმოდგენა;
- თითოეულ ნაშრომს უნდა ჰყავდეს მხოლოდ ერთი ავტორი (თანაავტორობით დაწერილი ნაშრომები არ მიიღება);
- თითოეული ნაშრომი შემოწმდება პლაგიატზე.
წარმოდგენილი ესსე უნდა აკმაყოფილებდეს შემდეგ ტექნიკურ მონაცემებს:
- მოცულობა: არანაკლებ 2000 და არაუმეტეს 2500 სიტყვისა
- ძირითადი ტესქტისა და სქოლიოების შრიფტი: Sylfaen
- ძირითადი ტექსტის შრიფტის ზომა – 11, სქოლიოების ტექსტი – 9;
- ინტერვალი სტრიქონებს შორის – 1.15
- გვერდების საზღვრები – 1.9 სმ
წარმოდგენილი ნაშრომები შეფასდება შემდეგი კრიტერიუმებით:
- შინაარსის შესაბამისობა სათაურთან
- თემის აქტუალობა
- აზრის ჩამოყალიბებისა და გამოხატვის სტილი
- საკითხის ავტორისეული შეფასება (ინდივიდუალური ხედვა)
- ტექნიკური მახასიათებლების შესაბამისობა
- ციტირების ტექნიკა
- გამოყენებული ლიტერატურის მრავალფეროვნება
კონკურსის ფარგლებში გათვალისწინებულია ფულადი ჯილდო, კერძოდ:
- 1-ლი ადგილი – 1000 ლარი
- მე-2 ადგილი – 600 ლარი
- მე-3 ადგილი – 300 ლარი
გამარჯვებული მონაწილეების ესსეები გამოიცემა კრებულის სახით.
დაინტერესებულ პირებმა 30 მარტამდე ესსეები გამოაგზავნეთ შემდეგ მისამართზე : publiclaw@gtu.ge
სამთვიანი პრაქტიკა ფინანსთა სამინისტროში
პროფესიული განვითარების, პრაქტიკული უნარ-ჩვევების გამომუშავების და სრულყოფის მიზნით, ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახური (saras.gov.ge) იურიდიული ან ეკონომიკისა და ბიზნესის ფაკულტეტის მე-2, მე-3, მე-4 კურსის სტუდენტებს ან ბაკალავრის ხარისხის მქონე პირებს სთავაზობს სამთვიან პრაქტიკას აუდიტორებისა და აუდიტორული ფირმებისთვის კონსულტაციის გაწევის მიმართულებით აუდიტისა და პროფესიული განათლების ზედამხედველობის დეპარტამენტში.
პრაქტიკის შესახებ: პრაქტიკანტს საშუალება ექნება იმუშაოს უშუალოდ დეპარტამენტის ვებგვერდისა და რეესტრების წარმოების მიმართულებით კონსულტაციებში ჩართულ სპეციალისტებთან. პრაქტიკანტი აქტიურად ჩაერთვება აუდიტორებისა და აუდიტორული ფირმების სახელმწიფო რეესტრში რეგისტრაციით დაინტერესებული პირებისათვის სარეგისტრაციო წარმოებასთან და სუბიექტებისთვის ფინანსური ანგარიშგებების წარდგენის პროცესთან დაკავშირებული კონსულტაციების გაცემის პროცესში. საშუალება ექნება გაეცნოს აუდიტორებისა და აუდიტორული ფირმების რეესტრის მართვასა და ფინანსური ანგარიშგების წარდგენა / გასაჯაროებასთან დაკავშირებულ ბიზნესპროცესებს, მონაცემების შეგროვების, წესების შემუშავება-განახლების და რეესტრების წარმოების პროცესს. აქტიურ მონაწილეობას მიიღებს საგანმანათლებლო ვიდეოების შემუშავებასა და დეპარტამენტის ფარგლებში დაგეგმილ სხვა სამუშაოებში.
მოთხოვნები :
- იურიდიული ან ეკონომიკის და ბიზნესის ფაკულტეტის მე-2, მე-3, მე-4 კურსის სტუდენტი ან ბაკალავრი;
კანდიდატების შერჩევა ჩატარდება 2 ეტაპად:
განაცხადების გადარჩევა (იხ. სააპლიკაციო ფორმა – https://goo.gl/forms/u6HASDBMlFYNCClp2 )
- გასაუბრება;
დაინტერესებულ პირებს ვთხოვთ შეავსონ ონლაინ სააპლიკაციო ფორმა და გამოაგზავნონ რეზიუმე (cv) მისამართზე: T.Tsulaia@saras.gov.ge არაუგვიანეს 2018 წლის 31 მარტისა. დამატებითი ინფორმაციისთვის ეწვიეთ სამსახურის ვებ-გვერდს: https://www.saras.gov.ge/