ანონსი
ღია კარის დღე
2018 წლის 14 და 15 სექტემბერს 14:00 საათზე სტუ-ს სამართლისა და საერთაშორისო ურთიერთობების ფაკულტეტის ორივე სპეციალობის სამაგისტრო პროგრამაზე ჩარიცხვის მსურველთათვის გაიმართება ღია კარის დღე.
სამართლის სპეციალობის სტუდენტთათვის 909ბ აუდიტორია
საერთაშორისო ურთიერთობების სპეციალობის სტუდენტთათვის 611ა აუდიტორია
მაგისტრატურაზე რეგისტრაცია
საქართველოს ტექნიკური უნივერსიტეტის 2018 წლის 17აგვისტოს №01-09-10/154 და № 01-09-10/156 ბრძანებების თანახმად სამართლისა და საერთაშორისო ურთიერთობების მაგისტრატურაში სწავლების პირველ წელზე ჩარიცხვის მსურველთა საბუთები მიიღება 2018- წლის 3 სექტემბრიდან 14 სექტემბრის ჩათვლით ყოველდღე შაბათ-კვირის გარდა 10:00 საათიდან 16:00 საათამდე, სამართლისა და საერთაშორისო ურთიერთობების ფაკულტეტზე.
სასპეციალიზაციო გამოცდა ჩატარდება 2018 წლის 18 სექტემბერს 9:00 საათიდან 11:30 საათამდე
მაგისტრანტობის კანდიდატმა დეკანატში უნდა წარადგინოს შემდეგი საბუთები:
• განცხადება რექტორის სახელზე ფაკულტეტისა და სამაგისტრო პროგრამის მითითებით;
• პირადობის მოწმობა და მისი ასლი;
• აკადემიური უმაღლესი განათლების დამადასტურებელი დოკუმენტი – დიპლომი და მისი ასლი, ან კვალიფიკაციის დამადასტურებელი სხვა დოკუმენტი და მისი ასლი;
• ფოტოსურათი 4 ცალი, ზომით 3 Х4 სმ; CD დისკი;
• მიწერის მოწმობა და მისი ასლი, ან სამხედრო ბილეთი და მისი ასლი (სამხედრო ვალდებულთა¬თვის);
• მაგისტრანტობის კანდიდატის მიერ სამაგისტრო გამოცდებზე მიღებული ქულების ამონაბეჭდი შეფასებისა და გამოცდების ეროვნული ცენტრის ვებგვერდიდან (WWW.NAEC.GE );
• თი-ბი-სი ბანკის რომელიმე ფილიალში გადახდილი 15 – ლარიანი ქვითარი. (ანგარიშის რეკვიზიტი-708977259
ზემოჩამოთვლილი დოკუმენტების არასრულად წარმოდგენის შემთხვევაში აპლიკანტის განცხადება არ მიიღება. დეკანატის მიერ ვიზირებულ განცხადებას, საბუთებთან ერთად, აპლიკანტი აბარებს სტუ-ს კანცელარიას;
სტუ-ს სამაგისტრო პროგრამებზე კონკურსში მონაწილეობის უფლება აქვს აპლიკანტს, რომელსაც საერთო სამაგისტრო გამოცდის ტესტის ოთხი ნაწილიდან რომელიმე სამ ნაწილში მიღებული აქვს აღნიშნული ტესტების მინიმალური გამსვლელი ქულები:
• წაკითხულის გააზრება – 6,4 ქულა;
• ანალიტიკური წერა – 7.0 ქულა;
• ლოგიკური მსჯელობა – 5.2 ქულა;
• რაოდენობრივი მსჯელობა – 5,2 ქულა.
აპლიკანტმა უნდა ჩააბაროს სასპეციალიზაციო გამოცდა შესაბამის საგანში(სამართალი, საერთაშორისო ურთიერთობები). საგამოცდო ფურცელში, რომელიც გაიცემა ფაკულტეტზე, მითითებულია გამოცდის თარიღი და ადგილი. კონსულტაციები სასპეციალიზაციო გამოცდებისა¬თვის ჩატარდება ფაკულტეტზე.
სამაგისტრო პროგრამებზე ჩარიცხვის უფლების მოსაპოვებლად აპლიკანტმა სასპეციალიზა¬¬ციო გამოცდაში ასევე უნდა გადალახოს მინიმალური კომპეტენციის ზღვარი.
სასპეციალიზაციო გამოცდისათვის მინიმალური გამსვლელი ქულა სამაგისტრო პროგრამაზე არის 32 (შესაძლო მაქსიმალური 100 ქულიდან), მინიჭებული კოეფიციენტი – 65.
მაგისტრანტობის კანდიდატებმა განცხადება და რეგისტრაციისათვის საჭირო დოკუმენტაცია უნდა ჩააბარონ შემდეგ მისამართზე:
სამართლისა და საერთაშორისო ურთიერთობების ფაკულტეტი – მ.კოსტავას 77; სტუ-ის VIკორპუსი, მე-9 სართული, ოთახი 903ა;
საკონტაქტო ტელეფონი – 598 33 22 05
სამართლის სამაგისტრო გამოცდის ჩასაბარებლად საჭირო ლიტერატურა:
1. საქართველოს კონსტიტუცია;
2. საქართველოს სისხლის სამართლის კოდექსი;
3. საქართველოს სისხლის სამართლის საპროცესო კოდექსი;
4. საქართველოს სამოქალაქო კოდექსი;
5. საქართველოს სამოქალაქო საპროცესო კოდექსი;
6. საქართველოს ზოგადი ადმინისტრაციული კოდექსი;
7. საქართველოს ადმინისტრაციული საპროცესო კოდექსი;
8. საქართველოს ადმინისტრაციულ სამართალდარღვევათა კოდექსი;
9. საქართველოს საგადასახადო კოდექსი;
10. საქართველოს კანონი საჯარო სამსახურის შესახებ;
11. საქართველოს შრომის კდოექსი;
12. საქართველოს კანონი მეწარმეთა შესახებ;
13. ადამიანის უფლებათა და ძირითად თავიუსუფლებათა დაცვის კონვენცია.
საერთაშორისო ურთიერთობების სამაგისტრო გამოცდის ჩასაბარებლად საჭირო ლიტერატურა:
1. კვეტენაძე ზ., საერთაშორისო ურთიერთობების თეორია, თბ., 2017. 28
2. რონდელი ა., საერთაშორისო ურთიერთობები, მესამე შესწორებული გამოცემა, თბ., 2009
. 3. რაიმონ არონი – „მშვიდობა და ომი ერებს შორის“.
4. საერთაშორისო ურთიერთობების ქრესთომატია.
5. კუპრაშვილიჰ., ძირითადი პოლიტიკური მიმდინარეობები თანამედროვე ევროპაში, თბ.,2016. 6. მაგშტატი მ. თ., გავიგოთ პოლიტიკა. იდეები, ინსტიტუტები და პრობლემები.
7. გოგიაშვილი ო., პოლიტოლოგია, თბ., 2004.
8. ჰეივუდი ე., პოლიტიკური იდეოლოგიები, თბ., 2004
9. კვესელავა ი., შუბითიძე ვ., პაპაშვილი მ., ღუდუშაური ნ., პოლიტოლოგია, თბ., 2010.
10. ჯიჯეიშვილი ქ., მსოფლიო პოლიტიკა, თბ., 2015.
11. ირემაძე გ. საერთაშორისო ორგანიზაციები და ინსტიტუტები, თბ., 2014.
შემოდგომის სკოლა – „დემოკრატია და ძირითადი უფლებები“
შემოდგომის სკოლა – „დემოკრატია და ძირითადი უფლებები“
საქართველოს პრეზიდენტის ფონდის და ზუგდიდის შოთა მესხიას სახელმწიფო უნივერსიტეტის ერთობლივი მხარდაჭერით, იმართება შემოდგომის სკოლა ზუგდიდში თემაზე – „დემოკრატია და ძირითადი უფლებები“.
შემოდგომის სკოლაში მოწვეულები არიან ოქსფორდის უნივერსიტეტის პროფესორი იორგ ჰარდი და ბრემენის უნივერსიტეტის პროფესორი ზდისლავ კრასნოდებსკი.
შემოდგომის სკოლის ხანგრძლივობა ადგილმდებარეობა: ზუგდიდი, 21-29 სექტემბერი.
ამ პროექტის ფარგლებში უზრუნველყოფილი იქნება მგზავრობა, სასტუმრო და კვება.
ზაფხულის სკოლაში მონაწილეობა შეუძლიათ ბაკალავრის მე-2, მე-3 და მე-4 კურსის, ასევე მაგისტრატურისა და დოქტორანტურის საფეხურზე მყოფ სამართლისა და საერთაშორისო ურთიერთობების ფაკულტეტის სტუდენტებს.
რეგისტრაციისათვის მიმართეთ 903 ა ოთახს 13 სექტემბრის ჩათვლით, გასაუბრება ჩატარდება 14 სექტემბერს 12:00 საათზე საქართველოს ტექნიკური უნივერსიტეტის მე-6 კორპუსში, მე-9 სართულზე ევროკავშირის და ნატოს აუდიტორიაში.
საკონტაქტო ინფორმაცია:
598332205
ყურადღება !
🚩🚩გაცნობებთ, რომ დაწყებულია განცხადებების მიღება სტატუსის აღდგენასა და სემესტრის დამატებასთან დაკავშირებით.
დამატებითი ინფორმაციისთვის მიმართეთ დეკანატს ან 905ა ოთახს.
საგამოცდო ცხრილები
ესეების კონკურსი სტუდენტებისთვის
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტი აცხადებს ესსეების კონკურსს შემდეგი მიმართულებებით:
- სამართალი
- საერთაშორისო ურთიერთობები
მონაწილეობის მიღება შეუძლია ნებისმიერი აკრედიტირებული უნივერსიტეტის სამართლის და საერთაშორისო ურთიერთობის სპეციალობის როგორც საბაკალავრო, ასევე სამაგისტრო პროგრამის სტუდენტებს.
- ერთ ავტორს შეუძლია მხოლოდ ერთი ნაშრომის წარმოდგენა;
- თითოეულ ნაშრომს უნდა ჰყავდეს მხოლოდ ერთი ავტორი (თანაავტორობით დაწერილი ნაშრომები არ მიიღება);
- თითოეული ნაშრომი შემოწმდება პლაგიატზე.
წარმოდგენილი ესსე უნდა აკმაყოფილებდეს შემდეგ ტექნიკურ მონაცემებს:
- მოცულობა: არანაკლებ 2000 და არაუმეტეს 2500 სიტყვისა
- ძირითადი ტესქტისა და სქოლიოების შრიფტი: Sylfaen
- ძირითადი ტექსტის შრიფტის ზომა – 11, სქოლიოების ტექსტი – 9;
- ინტერვალი სტრიქონებს შორის – 1.15
- გვერდების საზღვრები – 1.9 სმ
წარმოდგენილი ნაშრომები შეფასდება შემდეგი კრიტერიუმებით:
- შინაარსის შესაბამისობა სათაურთან
- თემის აქტუალობა
- აზრის ჩამოყალიბებისა და გამოხატვის სტილი
- საკითხის ავტორისეული შეფასება (ინდივიდუალური ხედვა)
- ტექნიკური მახასიათებლების შესაბამისობა
- ციტირების ტექნიკა
- გამოყენებული ლიტერატურის მრავალფეროვნება
კონკურსის ფარგლებში გათვალისწინებულია ფულადი ჯილდო, კერძოდ:
- 1-ლი ადგილი – 1000 ლარი
- მე-2 ადგილი – 600 ლარი
- მე-3 ადგილი – 300 ლარი
გამარჯვებული მონაწილეების ესსეები გამოიცემა კრებულის სახით.
დაინტერესებულ პირებმა 30 მარტამდე ესსეები გამოაგზავნეთ შემდეგ მისამართზე : publiclaw@gtu.ge
სამთვიანი პრაქტიკა ფინანსთა სამინისტროში
პროფესიული განვითარების, პრაქტიკული უნარ-ჩვევების გამომუშავების და სრულყოფის მიზნით, ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახური (saras.gov.ge) იურიდიული ან ეკონომიკისა და ბიზნესის ფაკულტეტის მე-2, მე-3, მე-4 კურსის სტუდენტებს ან ბაკალავრის ხარისხის მქონე პირებს სთავაზობს სამთვიან პრაქტიკას აუდიტორებისა და აუდიტორული ფირმებისთვის კონსულტაციის გაწევის მიმართულებით აუდიტისა და პროფესიული განათლების ზედამხედველობის დეპარტამენტში.
პრაქტიკის შესახებ: პრაქტიკანტს საშუალება ექნება იმუშაოს უშუალოდ დეპარტამენტის ვებგვერდისა და რეესტრების წარმოების მიმართულებით კონსულტაციებში ჩართულ სპეციალისტებთან. პრაქტიკანტი აქტიურად ჩაერთვება აუდიტორებისა და აუდიტორული ფირმების სახელმწიფო რეესტრში რეგისტრაციით დაინტერესებული პირებისათვის სარეგისტრაციო წარმოებასთან და სუბიექტებისთვის ფინანსური ანგარიშგებების წარდგენის პროცესთან დაკავშირებული კონსულტაციების გაცემის პროცესში. საშუალება ექნება გაეცნოს აუდიტორებისა და აუდიტორული ფირმების რეესტრის მართვასა და ფინანსური ანგარიშგების წარდგენა / გასაჯაროებასთან დაკავშირებულ ბიზნესპროცესებს, მონაცემების შეგროვების, წესების შემუშავება-განახლების და რეესტრების წარმოების პროცესს. აქტიურ მონაწილეობას მიიღებს საგანმანათლებლო ვიდეოების შემუშავებასა და დეპარტამენტის ფარგლებში დაგეგმილ სხვა სამუშაოებში.
მოთხოვნები :
- იურიდიული ან ეკონომიკის და ბიზნესის ფაკულტეტის მე-2, მე-3, მე-4 კურსის სტუდენტი ან ბაკალავრი;
კანდიდატების შერჩევა ჩატარდება 2 ეტაპად:
განაცხადების გადარჩევა (იხ. სააპლიკაციო ფორმა – https://goo.gl/forms/u6HASDBMlFYNCClp2 )
- გასაუბრება;
დაინტერესებულ პირებს ვთხოვთ შეავსონ ონლაინ სააპლიკაციო ფორმა და გამოაგზავნონ რეზიუმე (cv) მისამართზე: T.Tsulaia@saras.gov.ge არაუგვიანეს 2018 წლის 31 მარტისა. დამატებითი ინფორმაციისთვის ეწვიეთ სამსახურის ვებ-გვერდს: https://www.saras.gov.ge/
საინფორმაციო შეხვედრა
2018 წლის 19 მარტს 14:00 საათზე სტუ-ს საჯარო სამართლის ლაბორატორიაში გაიმართება საინფორმაციო შეხვედრა ვიზალიბერალიზაციის საკითხებთან დაკავშირებით ნატოსა და ევროკავშირის საინფორმაციო ცენტრის დირექტორთან ნინო ბოლქვაძესთან და საგარეო საქმეთა სამინისტროს ევროკავშირის პროგრამების დირექტორთან -გოგიტა ღვედაშვილთან.
აღნიშნული შეხვედრა ორგანიზებულია სტუ-ს სამართლისა და საერთაშორისო ურთიერთობების ფაკულტეტისა და საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტის მიერ.
სავალდებულოა იმ სტუდენტების დასწრება, რომლებიც დარეგისტრირებულნი არიან ნატოსა და ევროკავშირის ტრენერთა სკოლაში მონაწილეობის მისაღებად
პროექტ „შეხვდი დამსაქმებელს“ ფარგლებში შეხვდი აფხაზეთის ავტონომიური რესპუბლიკის მთავრობის თავმჯდომარეს !
2018 წლის 17 მარტს 11:00 საათზე სტუ–ს ცენტრალურ ბიბლიოთეკაში სამართლისა და საერთაშორისო ურთიერთობების ფაკულტეტის ორგანიზებით პროექტ „შეხვდი დამსაქმებელს“ ფარგლებში გაიმართება შეხვედრა აფხაზეთის ავტონომიური რესპუბლიკის თავმჯდომარესთან ვახტანგ ყოლბაიასთან, შეხვედრას დაესწრებიან აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე, ეკონომიკისა და ფინანსთა მინისტრი მურმან ფარფალია, აფხაზეთის ავტონომიური რესპუბლიკის იუსტიციის დეპარტამენტის თავმჯდომარე–იგორ კოპალიანი, განათლებისა და კულტურის მინისტრის მოადგილე ბესიკ ოდიშარია, ნდობის აღდგენისა და შერიგების საკითხებში მინისტრის პირველი მოადგილე ბელა კოპალიანი, მთავრობის თავმჯდომარის მრჩეველი–მაყვალა ბერიანიძე, მთავრობის აპარატის აღმასრულებელი ხელისუფლების დაწესებულებებთან ურთიერთობისა და სოციალურ საკითხთა დეპარტამენტის უფროსის მოადგილე– მარინა შენგელია.
შეხვედრის ფარგლებში გაფორმდება ურთიერთთანამშრომლობის მემორანდუმი სტუ-სა და აფხაზეთის ავტონომიური რესპუბლიკის მთავრობას შორის.
