ანონსი

საქართველოს ახალგაზრდა იურისტთა ასოციაციის აღმასრულებელი დირექტორი ირმა პავლიაშვილის საჯარო ლექცია

 

2018 წლის 26 მარტს 18:00 საათზე საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკის ორგანიზებით საქართველოს ახალგაზრდა იურისტთა ასოციაციის აღმასრულებელი დირექტორი ირმა პავლიაშვილი ჩაატარებს საჯარო ლექციას თემაზე „ქალებისა და ახალგაზრდების ჩართულობა პოლიტიკაში“.

 

დასწრება თავისუფალია!

სამართლის კლინიკაში სტუდენტების მიღება დაიწყო

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკის უფასო იურიდიული კონსულტაცია აცხადებს საბუთების მიღებას პრაქტიკის გასავლელად. საბუთების მიღება იწარმოებს 26 მარტიდა 5 აპრილის  ჩათვლით.
კონკურსში მონაწილეობის უფლება აქვთ სამართლის საბაკალავრო პროგრამის მე-3 და მე-4 აგრეთვე სამაგისტრო პროგრამის სტუდენტებს.
დარეგისტრირებული სტუდენტების შერჩევა მოხდება გასაუბრების საფუძველზე.

კონკურსის გზით შერჩეული სტუდენტები გაივლიან სამ თვიან პრაქტიკას სამართლის კლინიკაში.
პრაქტიკის წარმატებით გავლის შემთხვევაში სტუდენტებს გადაეცემათ სერტიფიკატები.
პრაქტიკის გავლის მსურველმა სტუდენტებმა ელექტრონულად შევსებული განაცხადის ფორმა უნდა გამოაგზავნონ შემდეგ ელექტრონული ფოსტის მისამართზე: iuridiuliganatleba@yahoo.com
დამატებითი კითხვებისა და ინფორმაციის შემთხვევაში შეგიძლიათ დაგვიკავშირდეთ.
საკონტაქტო პირი: მაკა აბულაძე -595961900;

Download (DOCX, 38KB)

სამოქალაქო სამართლის იმიტირებულ პროცესში მონაწილეობის მსურველთა საყურადღებოდ

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკა 26 მარტიდან 5 აპრილის  ჩათვლით იწყებს საბუთების მიღებას იმიტირებულ სასამართლო პროცესში მონაწილეობის მისაღებად.
იმიტირებული სასამართლო პროცესი გაიმართება სამოქალაქო სამართალში

შეჯიბრში მონაწილეობის მიღების უფლება აქვთ საქართველოს ტექნიკური უნივერსიტეტის სამართლის საბაკალავრო პროგრამის მე-3 და მე-4 კურსის სტუდენტებს.
დარეგისტრირებული სტუდენტების შერჩევა მოხდება გასაუბრების საფუძველზე.


გასაუბრების შედეგად შერჩეული სტუდენტები გაივლიან მოსამზადებელ ტრეინინგს სასამართლოში იურისტის გამოსვლის ხელოვნებაზე ამასთანავე შეისწავლიან სამოქალაქო სამართალში სხვადასხვა იურიდიული დოკუმენტების შედგენის სპეციფიკას მათ შორის სარჩელისა და შესაგებელის მომზადებას.
ტრეინინგების შემდგომ სტუდენტები დაიყოფიან გუნდებად და გადაინაწილებენ როლებს.


ფინალი გაიმართება საქართველოს უზენაეს სასამართლოში.

იმიტირებული სასამართლო პროცესის შემდგომ გამოვლინდება საუკეთესო მოსარჩელე საუკეთესო მოპასუხე  და გამარჯვებული გუნდი
მონაწილეებსა და გამარჯვებულებს გადაეცემათ სერტიფიკატები და სხვა ფასიანი საჩუქრები.
იმიტირებულ სასამართლო პროცესში მონაწილეობის მსურველმა სტუდენტებმა ელექტრონულად შევსებული განაცხადის ფორმა უნდა გამოაგზავნონ შემდეგ ელექტრონულ ფოსტის მისამართზე : iuridiuliganatleba@yahoo.com
დამატებითი კითხვებისა და ინფორმაციის შემთხვევაში შეგიძლიათ დაგვიკავშირდეთ.
საკონტაქტო პირები: მაკა აბულაძე -595961900;

Download (DOCX, 38KB)

საგამოცდო ცხრილები

30 ოქტომბერს, 13:00 საათზე სამართლის კლინიკა სიანფორმაციო შეხვედრას ჩაატარებს

30 ოქტომბერს, 13:00 საათზე საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკა 915 ა-აუდიტორიაში ჩაატარებს საინფორმაციო შეხვედრას. შეხვედრაზე სტუდენტები გაეცნობიან კლინიკის საქმიანობას და დაგეგმილი აქტივობების შესახებ მიიღებენ სრულყოფილ ინფორმაციას. დასწრება თავისუფალია.

რეგისტრაცია ადამიანის უფლებათა სამართალში იმიტირებული სასამართლო პროცესის შეჯიბრში მონაწილეობის მისაღებად.

თბილისის თავისუფალი უნივერსიტეტის ადამიანის უფლებების ეროვნული ინსტიტუტი, ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული „კანონის უზენაესობის მხარდაჭერა საქართველოში” (EWMI-PROLoG) პროგრამის მხარდაჭერით, აცხადებს სტუდენტური გუნდების რეგისტრაციას ადამიანის უფლებათა სამართალში იმიტირებული სასამართლო პროცესის შეჯიბრში მონაწილეობის მისაღებად.

შეჯიბრის ფარგლებში გუნდები წარმოადგენენ მოსარჩელე და მოპასუხე მხარეებს საქართველოს საკონსტიტუციო სასამართლოში. დავის საგანია სიძულვილის ენა და ჰოლოკოსტის უარყოფა (რევიზიონიზმი). შეჯიბრის მსვლელობისას სტუდენტებს მოეთხოვებათ როგორც საქართველოს საკონსტიტუციო სასამართლოს გადაწყვეტილებების, ასევე ადამიანის უფლებათა ევროპული სასამართლოს პრაქტიკის გამოყენება.

შეჯიბრი შედგება ტრენინგის, წერილობითი განაცხადის წარდგენისა და იმიტირებული სასამართლო პროცესებისგან. იმიტირებული სასამართლო პროცესის ეტაპზე მონაწილეობას მიიღებს წინა ეტაპიდან შერჩეული 8 გუნდი. შეჯიბრში მონაწილეობის ხარჯები სრულად ფინანსდება ა.შ.შ. საერთაშორისო განვითარების სააგენტოს (USAID) დაფინანსებული პროექტის „კანონის უზენაესობის მხარდაჭერა საქართველოში” (EWMI-PROLoG) მიერ. რეგიონული უნივერსიტეტების ერთ სტუდენტურ გუნდს, ასევე დაუფინანსდება მგზავრობა და ცხოვრება შეჯიბრის მიმდინარეობისას. იმ შემთხვევაში, თუ რეგიონებიდან მონაწილე გუნდების რაოდენობა აღემატება ერთს, დაფინანსების მიმღები ერთი გუნდის შერჩევა მოხდება გასაუბრების საფუძველზე.

შეჯიბრის მონაწილე და გამარჯვებული გუნდები მიიღებენ სერტიფიკატებსა და წამახალისებელ ჯილდოებს.

მონაწილეობის წინაპირობები: შეჯიბრში მონაწილეობა შეუძლიათ საქართველოში არსებული აკრედიტებული უმაღლესი საგანმანათლებლო დაწესებულებების სამართლის სკოლების ბაკალავრიატისა და მაგისტრატურის სტუდენტებით დაკომპლექტებულ გუნდებს არანაკლებ 2 და არაუმეტეს 4 წევრის შემადგენლობით. თითოეული უნივერსიტეტიდან გუნდების რაოდენობა შეზღუდული არ არის.

დაწვრილებითი ინფორმაციისთვის, ეწვიეთ ბმულს – http://nihr.freeuni.edu.ge/news/341/geo.

რეგისტრაცია ლიტვური ენის შემსწავლელ უფასო კურსებზე.

12-10-2017 საქართველოს ტექნიკური უნივერსიტეტის ლიტვური ენისა და კულტურის ცენტრი სტუ-ს სტუდენტებს იწვევს ლიტვური ენის შემსწავლელ უფასო კურსებზე დასარეგისტრირებლად.

ოქტომბრიდან იხსნება ახალი ჯგუფი, სადაც სტუდენტები შეისწავლიან არა მარტო ლიტვურ ენას, არამედ გაეცნობიან ლიტვას, მის კულტურასა და ტრადიციებს. ლიტვური ენისა და კულტურის ცენტრი მონაწილეობს სხვადასხვა საერთაშორისო პროექტებში. პროექტების ფარგლებში ქართველ სტუდენტებს შესაძლებლობა ექნებათ უფასოდ გაემგზავრონ ლიტვაში, გაეცნონ ლიტვას, მიიღონ სტიპენდიები ლიტვური ენისა და კულტურის საზაფხულო კურსებისთვის, ასევე, საშუალება მიეცემათ ლიტვურ უნივერსიტეტებში სტიპენდიებით უფასო სწავლებისთვის.

ლიტვური ენისა და კულტურის ცენტრი მდებარეობს საქართველოს ტექნიკურ უნივერსიტეტში (კოსტავას ქუჩა #77) და მას ლიტვის განათლებისა და მეცნიერების სამინისტრო აფინანსებს.

მსურველები უნდა დარეგისტრირდნენ Lithuania Georgia ფეისბუქის ჯგუფში.

რეგისტრაციაზე მისვლა პირადად შეიძლება შემდეგი გრაფიკით:
სამშაბათი, 17 ოქტომბერი, 16:00 – 18:00 სთ.
ოთხშაბათი, 18 ოქტომბერი, 16:00 – 18:00 სთ.
ხუთშაბათი, 19 ოქტომბერი, 15:00 – 17:00 სთ.
პარასკევი, 20 ოქტომბერი, 15:00 – 17:00 სთ.
შაბათი, 21 ოქტომბერი, 13:00 – 15:00 სთ.

მისამართი: სტუ-ს VI კორპუსი, ეკონომიკის დეპარტამენტი (VI სართული, ოთახი #615-ბ).

გარე მობილობის სტუდენტების საყურადღებოდ

გარე მობილობის (სხვა უნივერსიტეტიდან გადმომსვლელი) სტუდენტებისათვის რეგისტრაციის ვადები განისაზღვრა 3 ოქტომბრიდან 13 ოქტომბრის ჩათვლით. რეგისტრაციისას თან უნდა იქონიოთ პირადობის ასლი და სწავლის საფასურის ნახევრის(1125ლარი) გადახდის ქვითარი.

ნებისმიერი შეკითხვის შემთხვევაში მოგვწერეთ: law@gtu.ge