ანონსი

საჯარო ლექცია თემაზე: „მიგრაციული პროცესები და ლტოლვილთა დაცვა – საქართველო და მსოფლიო“

2018 წლის 26 მარტს 11:00საათზე საქართველოს ტექნიკური უნივერსიტეტის ადმინისტრაციული კორპუსის მესამე სართულზე ნიკოლაძის დარბაზში გაიმართება საჯარო ლექცია თემაზე: „მიგრაციული პროცესები და ლტოლვილთა დაცვა – საქართველო და მსოფლიო“.

ლექციას  ჩაატარებს  ზუზანა კოვალოვა – გაეროს ლტოლვილთა უმაღლესი კომისარიატის  უფროსი მრჩეველი სამართლებრივ საკითხებში და მარკ ჰულსტი – (IOM) გაეროს ლტოლვილთა უმაღლესი კომისარიატის პროგრამების ხელმძღვანელი.

საქართველოს ახალგაზრდა იურისტთა ასოციაციის აღმასრულებელი დირექტორი ირმა პავლიაშვილის საჯარო ლექცია

 

2018 წლის 26 მარტს 18:00 საათზე საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკის ორგანიზებით საქართველოს ახალგაზრდა იურისტთა ასოციაციის აღმასრულებელი დირექტორი ირმა პავლიაშვილი ჩაატარებს საჯარო ლექციას თემაზე „ქალებისა და ახალგაზრდების ჩართულობა პოლიტიკაში“.

 

დასწრება თავისუფალია!

სამართლის კლინიკაში სტუდენტების მიღება დაიწყო

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკის უფასო იურიდიული კონსულტაცია აცხადებს საბუთების მიღებას პრაქტიკის გასავლელად. საბუთების მიღება იწარმოებს 26 მარტიდა 5 აპრილის  ჩათვლით.
კონკურსში მონაწილეობის უფლება აქვთ სამართლის საბაკალავრო პროგრამის მე-3 და მე-4 აგრეთვე სამაგისტრო პროგრამის სტუდენტებს.
დარეგისტრირებული სტუდენტების შერჩევა მოხდება გასაუბრების საფუძველზე.

კონკურსის გზით შერჩეული სტუდენტები გაივლიან სამ თვიან პრაქტიკას სამართლის კლინიკაში.
პრაქტიკის წარმატებით გავლის შემთხვევაში სტუდენტებს გადაეცემათ სერტიფიკატები.
პრაქტიკის გავლის მსურველმა სტუდენტებმა ელექტრონულად შევსებული განაცხადის ფორმა უნდა გამოაგზავნონ შემდეგ ელექტრონული ფოსტის მისამართზე: iuridiuliganatleba@yahoo.com
დამატებითი კითხვებისა და ინფორმაციის შემთხვევაში შეგიძლიათ დაგვიკავშირდეთ.
საკონტაქტო პირი: მაკა აბულაძე -595961900;

Download (DOCX, 38KB)

საგამოცდო ცხრილები

დაიწყო საბუთების მიღება იმიტირებულ სასამართლო პროცესში მონაწილეობის მისაღებად

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკა 1 ნოემბრიდან 10 ნოემბრის ჩათვლით იწყებს საბუთების მიღებას იმიტირებულ სასამართლო პროცესში მონაწილეობის მისაღებად.
იმიტირებული სასამართლო პროცესი გაიმართება სისხლის სამართალში ნაფიცი მსაჯულების მონაწილეობით.
შეჯიბრში მონაწილეობის მიღების უფლება აქვთ საქართველოს ტექნიკური უნივერსიტეტის სამართლის საბაკალავრო პროგრამის მე-3 და მე-4 კურსის სტუდენტებს.
დარეგისტრირებული სტუდენტების შერჩევა მოხდება გასაუბრების საფუძველზე.
გასაუბრების შედეგად შერჩეული სტუდენტები გაივლიან მოსამზადებელ ტრეინინგს სასამართლოში იურისტის გამოსვლის ტექნიკაზე ასევე კურსს სამართლებრივი წერის უნარ-ჩვევებში.
ტრეინინგების შემდგომ სტუდენტები დაიყოფიან გუნდებად და გადაინაწილებენ როლებს.
ფინალი გაიმართება საქართველოს უზენაეს სასამართლოში.
იმიტირებული სასამართლო პროცესის შემდგომ გამოვლინდება საუკეთესო დაცვის მხარე, საუკეთესო ბრალდების მხარე, საუკეთესო მომხსენებელი და საუკეთესო მონაწილე.
მონაწილეებსა და გამარჯვებულებს გადაეცემათ სერტიფიკატები და სხვა ფასიანი საჩუქრები.
იმიტირებულ სასამართლო პროცესში მონაწილეობის მსურველმა სტუდენტებმა ელექტრონულად შევსებული განაცხადის ფორმა უნდა გამოაგზავნონ შემდეგ ელექტრონულ ფოსტის მისამართზე : iuridiuliganatleba@yahoo.com
დამატებითი კითხვებისა და ინფორმაციის შემთხვევაში შეგიძლიათ დაგვიკავშირდეთ.
საკონტაქტო პირები: მაკა აბულაძე -595961900; თინათინ ბარაქაძე- 577375441

Download (DOCX, 37KB)

პროფესორ თეო კობუშის საჯარო ლექციები სტუ-ში

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ფინანსური მხარდაჭერით კვლევითი ცენტრის „სახელმწიფო-სამართალი-პოლიტიკა-კულტურა“-ს წარდგინებით მიმდინარე წლის 31 ოქტომბერს და 1 ნოემბერს გერმანელი პროფესორი-თეო კობუში, რომელიც არის ემერიტუს პროფესორი ბონის ფრიდრიხ ვილჰემის უნივერსიტეტში, ფილოსოფიის ინსტიტუტში საჯარო ლექცია-სემინარებს წაიკითხავს საქართველოს ტექნიკურ უნივერსიტეტში.
აღნიშნული პროფესორი წაიკითხავს ლექციებს და გამართავს დისკუსიებს თემაზე: „სამართლებრივი სახელმწიფო, როგორც სოციალური სახელმწიფო“.
31 ოქტომბერს საჯარო ლექცია გაიმართება სტუ-ს ადმინისტრაციულ კორპუსში, ცენტრალურ ბიბლიოთეკაში 13:00სთ-ზე.
1 ნოემბერს საჯარო ლექცია/დისკუსია გაიმართება სტუ-ს მე-6 კორპუსში, საჯარო ლაბორატორიაში 13:00 სთ-ზე.
აღნიშნულ ღონისძიებებზე დასწრება შეუძლიათ, როგორც სამართლის მეცნიერებათა, ისე ფილოსოფიისა და სოციალურ მეცნიერებათა მიმართულებების სტუდენტებს

იმიტირებული სასამართლო პროცესი.

არასამთავრობო ორგანიზაცია „ინოვაციებისა და რეფორმების ცენტრი“ (IRC),
გაეროს ლტოლვილთა უმაღლესი კომისარიატის რეგიონალური წარმომადგენლობა სამხრეთ კავკასიაში (სომხეთი, აზერბაიჯანი, საქართველო) და ივ. ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის ინსტიტუტი ატარებს იმიტირებულ სასამართლო პროცესს მოქალაქეობისა და მოქალაქეობის არქონის საკითხებზე, პროექტის „მოქალაქეობის არმქონე პირთა შემცირება და მოქალაქეობის არქონის პრევენცია საქართველოში“ ფარგლებში. აღნიშნული ღონისძიება ნაწილია იმ საინფორმაციო–საგანმანათლებლო კამპანიის, რომელიც წლებია ხორციელდება აღნიშნული პროექტის ფარგლებში და მოიცავს: ტრეინინგებს, კონფერენციებს, საინფორმაციო შეხვედრებს, ტელე-რადიო გადაცემებს და სხვა. პროექტის ერთ-ერთი სამიზნე ჯგუფია სტუდენტები, რომელთა დროულად და სწორად ინფორმირება მოქალაქეობის უფლებაზე, მოქალაქეობის არქონასთან დაკავშირებულ პრობლემებზე, მის გამომწვევ მიზეზებზე, მოქალაქეობის არმქონედ დარჩენის საფრთხეებზე, ხელს შეუწყობს როგორც მათი ცნობიერების ამაღლებას, ისე საკითხის აქტუალიზაციას და პრობლემის პრევენციას.

იმიტირებული სასამართლო პროცესის მიზანია:
აკადემიური დებატის წახალისება საქართველოში მოქალაქეობისა და მოქალაქეობის არქონის საკითხებზე არსებული საერთაშორისო სტანდარტებისა და პრაქტიკის გარშემო; სტუდენტების ცნობიერების ამაღლება მოქალაქეობის უფლებაზე, მოქალაქეობის არქონასთან დაკავშირებულ პრობლემებზე, მის გამომწვევ მიზეზებზე, მოქალაქეობის არმქონე პირად დარჩენის საფრთხეებზე, მოქალაქეებისა და მოქალაქეობის არმქონე პირთა უფლებებზე; ასევე, მონაწილეთა სასამართლო პროცესებში წარმომადგენლობის უნარ–ჩვევების განვითარების და სტუდენტთა შორის კავშირების განვითარების ხელშეწყობა.
იმიტირებულ სასამართლო პროცესში მონაწილეობის მიღება შეუძლიათ სახელმწიფო და კერძო უმაღლესი საგანმანათლებლო დაწესებულებების იურიდიული და საერთაშორისო სამართლის ფაკულტეტის ბაკალავრიატის III-IV კურსებისა და მაგისტრატურის სტუდენტებს.

გთხოვთ, გაითვალისწინოთ:

იმიტირებულ სასამართლო პროცესში მონაწილეობის მსურველი უმაღლესი საგანმანათლებლო დაწესებულების გუნდი უნდა შედგებოდეს მინიმუმ 3 და მაქსიმუმ 5 წევრისაგან; შესაბამისად, გუნდის რეგისტრაციისას მიუთითეთ ინფორმაცია გუნდის თითოეული წევრის შესახებ;
იმიტირებულ სასამართლო პროცესში მონაწილე გუნდის ყველა წევრი უნდა წარმოადგენდეს ერთი და იმავე უმაღლეს საგანმანათლებლო დაწესებულებას;
დასაშვებია ერთი უნივერსიტეტიდან ერთზე მეტი გუნდის მონაწილეობა.
იმიტირებულ სასამართლო პროცესში მინაწილეობის მსურველმა გუნდებმა რეგისტრაცია უნდა გაიარონ შემდეგ ბმულზე: HTTPS://WWW.SURVEYMONKEY.COM/R/GJXYRPG; რეგისტრაციის ბოლო ვადაა 2017 წლის 6 ნოემბერი.

დამატებითი ინფორმაციის მისაღებად დაუკავშირდით ნინო რთველაძეს

მობ.: (+995) 577 61 41 99
ტელ.: (+995 32) 2 55 20 01
ელ-ფოსტა: N.RTVELADZE@IRC.GE

POSTER_MOOT COURT _2017

ცხადდება პრაქტიკა სტუდენტებისთვის “ჩემი ადვოკატი”-ს ფარგლებში

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტი თბილისის მერიასთან ერთად პროექტ – “ჩემი ადვოკატის” ფარგლებში სამართლის საბაკალავრო პროგრამის მე-4 და სამაგისტრო პროგრამის I, II კურსის სტუდენტებისთვის აცხადებს შესარჩევ კონკურსს 4 თვიანი პრაქტიკული კურსის გასავლელად თბილისის მერიასა და თბილისის რაიონულ გამგეობებში. კურსი მოიცავს როგორც თეორიული, ასევე პრაქტიკული უნარ–ჩვევების გამომუშავებას.
დაინტერესებულმა სტუდენტებმა ა/წ 30 ოქტომბრის ჩათვლით რეგისტრაცია გაიარეთ სამართლისა და საერთაშორისო ურთიერთობების ფაკულტეტის მენეჯერის აპარატში. (მე-9 სარ. 906ა)
გისურვებთ წარმატებას!

ნებისმიერი შეკითხვის შემთხვევაში მოგვწერეთ: law@gtu.ge