ანონსი
თეიმურაზ დარსანიას წიგნის „სისხლისსამართლებრივი პასუხისმგებლობა დანაშაულის მცდელობისათვის” პრეზენტაცია.
8 ნოემბერს 16:00 საათზე, საჯარო სამართლის ლაბორატორიაში გაიმართება სამართლის დოქტორის, ასოცირებული პროფესორის თეიმურაზ დარსანიას წიგნის „სისხლისსამართლებრივი პასუხისმგებლობა დანაშაულის მცდელობისათვის" პრეზენტაცია-განხილვა.
დასწრება თავისუფალია!
დაიწყო მიღება სასწავლო კურსზე “ოჯახში და ქალთა მიმართ ძალადობის” თემაზე.
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკა 1 ნოემბრიდან 10 ნოემბრის ჩათვლით იწყებს საბუთების მიღებას სასწავლო კურსზე „ ოჯახში და ქალთა მიმართ ძალადობა“
კურსში მონაწილეობის მიღების უფლება აქვთ საქართველოს ტექნიკური უნივერსიტეტის სამართლისა და საერთაშორისო ურთიერთობების საბაკალავრო პროგრამის მე-3 და მე-4 აგრეთვე სამაგისტრო პროგრამის მე-2 კურსის სტუდენტებს.
ოჯახში ძალადობის თემაზე სასწავლო კურსისა და იმიტირებული სასამართლო პროცესის მიზანია:
ოჯახში ძალადობის წინააღმდეგ ბრძოლის შესახებ საერთაშორისო სტანდარტებისა და პრაქტიკის გარშემო აკადემიური დებატის წახალისება საქართველოში;
სტუდენტების ცნობიერების ამაღლება ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების შესახებ;
სასამართლო პროცესებში წარმომადგენლობის უნარ-ჩვევების განვითარება;
სტუდენტებს შორის თანამშრომლობის ხელშეწყობა.
დარეგისტრირებული სტუდენტების შერჩევა მოხდება გასაუბრების საფუძველზე.
გასაუბრების შედეგად შერჩეული სტუდენტები გაივლიან მოსამზადებელ ტრეინინგს. სწავლების პროცესში მოხდება სტუდენტების ვიზიტი ოჯახში ძალადობის მსხვერპლთა თავშესაფარში/ კრიზისულ ცენტრში.
კურსის ბოლოს გაიმართება იმიტირებული სასამართლო პროცესი ოჯახში და ქალთა მიმართ ძალადობის თემატიკაზე.
ტრეინინგების შემდგომ სტუდენტები დაიყოფიან გუნდებად და გადაინაწილებენ როლებს.
იმიტირებული სასამართლო პროცესის ტურნირი შედგება 2 ეტაპისგან − წერითი და ზეპირი რაუნდები; ზეპირ რაუნდში მონაწილეობას მიიღებს წერითი რაუნდის საფუძველზე გამოვლენილი საუკეთესო მონაწილეები.
იმიტირებული სასამართლო პროცესის შემდგომ გამოვლინდება:
• საუკეთესო დაცვის მხარე;
• საუკეთესო ბრალდების მხარე;
• საუკეთესო მომხსენებელი
• საუკეთესო მონაწილე.
მონაწილეებსა და გამარჯვებულებს გადაეცემათ სერტიფიკატები და ფასიანი საჩუქრები.
კურსში მონაწილეობის მსურველმა სტუდენტებმა ელექტრონულად შევსებული განაცხადის ფორმა უნდა გამოაგზავნონ შემდეგ ელექტრონული ფოსტის მისამართზე: iuridiuliganatleba@yahoo.com
დამატებითი კითხვებისა და ინფორმაციის შემთხვევაში შეგიძლიათ დაგვიკავშირდეთ.
საკონტაქტო პირები: მაკა აბულაძე -595961900; თინათინ ბარაქაძე- 577375441
სამართლის კლინიკის უფასო იურიდიული კონსულტაცია აცხადებს საბუთების მიღებას პრაქტიკის გასავლელად
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკის უფასო იურიდიული კონსულტაცია აცხადებს საბუთების მიღებას პრაქტკის გასავლელად. საბუთების მიღება იწარმოებს 1 ნოემბრიდან 10 ნოემბრის ჩათვლით.
კონკურსში მონაწილეობის უფლება აქვთ სამართლის საბაკალავრო პროგრამის მე-3 და მე-4 აგრეთვე სამაგისტრო პროგრამის მე-2 კურსის სტუდენტებს.
დარეგისტრირებული სტუდენტების შერჩევა მოხდება გასაუბრების საფუძველზე.
კონკურსის გზით შერჩეული სტუდენტები გაივლიან სამ თვიან პრაქტიკას სამართლის კლინიკაში.
პრაქტიკის წარმატებით გავლის შემთხვევაში სტუდენტებს გადაეცემათ სერტიფიკატები.
პრაქტიკის გავლის მსურველმა სტუდენტებმა ელექტრონულად შევსებული განაცხადის ფორმა უნდა გამოაგზავნონ შემდეგ ელექტრონული ფოსტის მისამართზე: iuridiuliganatleba@yahoo.com
დამატებითი კითხვებისა და ინფორმაციის შემთხვევაში შეგიძლიათ დაგვიკავშირდეთ.
საკონტაქტო პირები: მაკა აბულაძე -595961900; თინათინ ბარაქაძე- 577375441