ანონსი
დავალიანების მქონე სტუდენტების საყურადღებოდ!
დავალიანების მქონე სტუდენტების საყურადღებოდ!
სტუდენტებს, რომლებსაც აქვთ დავალიანება 500-იდან 1000-ლარამდე თუ გადაიხდიან თანხას 18.02-იდან 23-02.მდე, მიეცემათ შესაძლებლობა აღიდგინონ აქტივობის შეფასებები. გთხოვთ, გაითვალისწინოთ აღნიშნული
კრიმინალისტიკური ტექნიკა თეორიასა და პრაქტიკაში
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტზე არსებული სასწავლო კრიმინალისტიკის ლაბორატორიისა და ლევან სამხარაულის სახელობის სასამართლო ექსპერტიზის ეროვნული ბიუროს ერთობლივი შეთანხმებით იწყება პროექტი ,,კრიმინალისტიკური ტექნიკა თეორიასა და პრაქტიკაში“.
აღსანიშნავია, რომ საქართველოს საგანმანათლებლო სივრცეში დღემდე არ არსებობს პროექტი, რომლის საფუძველზე ნაჩვენები იქნება, თუ როგორ რეალიზდება და ინტეგრირდება თანამედროვე პირობებში კრიმინალისტიკური ტექნიკის თეორული საკითხები და პრაქტიკული ასპექტები.
აღნიშნული პროექტი წარიმართება ორი მიმართულებით − აკადემიური (საგანმანათლებო) და პრაქტიკული, რაც გულისხმობს კომპლექსურ მუშაობას და განხორციელდება ორ ეტაპად.
პირველი ეტაპი − აკადემიური (საგანმანათლებო) კურსი მოიცავს: სამართლისა და საერთაშორისო ურთიერთობების ფაკულტეტზე არსებულ სასწავლო კრიმინალისტიკის ლაბორატორიაში ლევან სამხარაულის სახელობის სასამართლო ექსპერტიზის ეროვნული ბიუროს კვალიფიციური პრაქტიკოს ექსპერტ-კრიმინალისტების მიერ კრიმინალისტიკური ტექნიკის ისეთი მნიშვნელოვანი დარგების თეორიული საკითხების შესწავლას, როგორებიცაა: დაქტილოსკოპია, ტრასოლოგია, ბალისტიკა, დოკუმენტებისა და ხელწერის კრიმინალისტიკური გამოკვლევა, ჰაბიტოსკოპია, ფონოსკოპია, ბიოლოგიორი, ნარკოლოგიური და სამედიცინო ექპერტიზები.
მეორე ეტაპი განხორციელდება თეორიული კურსის დასრულების შემდგომ და მოიცავს პრაქტიკოს ექსპერტ-კრიმინალსიტების მიერ პირველი ეტაპისათვის განსაზღვრული თეორიული საკითხების ლევან სამხარაულის სახელობის სასამართლო ექსპერტიზის ეროვნული ბიუროში არსებულ ლაბორატორიებში პრაქტიკული კომპონენტების ადეკვატურად შესწავლასა და ანალიზს.
პროექტის ბოლო ეტაპზე ჩატარდება დასკვნითი გამოცდა, რომელიც ითვალისწინებს პირველი და მეორე ეტაპების მიხედვით შესწავლილი კრიმინალისტიკური ტექნიკის თეორიულ თუ პრაქტიკულ საკითხების ცოდნას. გამოვლინდება პროექტის გამარჯვებული მონაწილე, რომელსაც სამართლისა და საერთაშორისო ურთიერთობების ფაკულტეტი დააჯილდოებს წამახალისებელი პრიზებით. ასევე, გაიმართება კონკურსი სხვადასხვა სახის ნომინაციაში და გამოვლინდებიან გამარჯვებულები.
პროექტში მონაწილეობის შესაძლებლობა ექნებათ სამართლისა და საერთაშორისო ურთიერთობების ფაკულტეტის ბაკალავრიატისა და მაგისტრატურის საგანმანათლებლო საფეხურების ნებისმიერ სტუდენტს.
დაინტერესებულმა პირებმა გთხოვთ რეგისტრაცია გაიაროთ 2019 წლის 14 თებერვლიდან 28 თებერვლის 18:00 საათამდე(903ა). გასაუბრება გაიმართება 1-2 მარტს 12:00-იდან 16:00მდე (კრიმინალისტიკის ლაბორატორია).
სტუდენტური კონკურსი თემაზე: ,,პარლამენტარიზმი დამოუკიდებელ საქართველოში“
საქართველოს პირველი პარლამენტის არჩევის 100 წლის იუბილესთან დაკავშირებით საქართველოს ტექნიკურ უნივერსიტეტში ტარდება სტუდენტური კონკურსი თემაზე: ,,პარლამენტარიზმი დამოუკიდებელ საქართველოში (1919-1921; 1992-2019 წწ.)“
თეზისი უნდა შედგებოდეს 500-დან 700 სიტყვამდე, რომლის წარმოდგენის ვადაა 18.02.2019 – დან 23.02.2019 – ის ჩათვლით.
კომისიის მიერ მოწონებული ორი ნაშრომი გადასული იქნება საქართველოს პარლამენტში კონკურსის შემდგომ ეტაპზე.
თესიზების წარმოდგენა შესაძლებელია მისამართზე: მ. კოსტავას 77, სტუ-ს მე- 6 კორპუსის მე-6 სართული, ოთახი 617, 11:00 საათიდან 17:00 სთ-მდე, ან გადმოაგზავნეთ ელ. მისამართზე : Giorgikalandadze1986@gmail.com
კონსტიტუციური სამართლის სასწავლო კურსი
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის კლინიკა 15 თებერვლიდან 8 მარტის ჩათვლით იწყებს საბუთების მიღებას კონსტიტუციური სამართლის იმიტირებული სასამართლო პროცესისათვის მოსამზადებელ სასწავლო კურსზე.
კურსის თემატიკა:
- საკონსტიტუციო სასამართლოს იურისდიქცია
- საკონსტიტუციო სარჩელის ფორმა და სარჩელის ტექნიკური მხარე
- რომელი ნორმატიული აქტი შეიძლება გასაჩივრდეს საკონსტიტუციო სასამართლოში?
- საკონსტიტუციო სასამართლოსათვის მიმართვის სუბიექტი
- ნორმატიული აქტის მიმართება საქართველოს კონსტიტუციასთან
- საკონსტიტუციო განხილვების სტადიები
- საკონსტიტუციო განხილვა სარჩელის დასაშვებობისა და არსებითი განხილვის ეტაპზე
- საკონსტიტუციო განხილვის ვადები
კურსის გავლის შემდგომ სტუდენტებს ექნებათ ცოდნა საქართველოს საკონსტიტუციო სამართალწარმოების სამართლებრივ და პრაქტიკულ ასპექტებზე.
ლექციების კურსი პროპორციულად პრაქტიკულ კომპონენტს უფრო მეტად მოიცავს, ვიდრე თეორიულს. პრაქტიკულ ნაწილში მოიაზრება კონკრეტული კაზუსების ამოხსნა ზეპირი მსჯელობითა და წერითი დავალებებით.
კურსის დასასრულს გაიმართება იმიტირებული სასამართლო პროცესი.
კურსს გაუძღვება საქართველოს ახალგაზრდა იურისტთა ასოციაციის საკონსტიტუციო სამართალწარმოების იურისტი ეკა მამრიკიშვილი.
კონსტიტუციური სამართლის იმიტირებულ სასამართლო პროცესში მონაწილეობის მიღება შეუძლია საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის საბაკალავრო საფეხურის მე-2 მე-3 და მე-4 კურსის სტუდენტებს.
მონაწილეობის მისაღებად სტუდენტებმა უნდა შეავსონ სააპლიკაციო ფორმა და გამოგზავნონ 15 თებერვლიდან 8 მარტის ჩათვლით შემდეგ ელექტრონული ფოსტის მისამართზე: iuridiuliganatleba@yahoo.com;
დარეგისტრირებული სტუდენტების შერჩევა მოხდება გასაუბრების საფუძველზე.
დამატებითი კითხვებისა და ინფორმაციის შემთხვევაში შეგიძლიათ დაგვიკავშირდეთ.
საკონტაქტო პირი: მარიამ აბულაძე – 595961900
საგამოცდო ცხრილები
გარე მობილობის სტუდენტთა საყურადღებოდ
გაცნობებთ, რომ ბრძანებაში მოხსენიებულ პირებს, რომლებმაც ისარგებლეს გარე მობილობით სასწავლო და ფინანსური ხელშეკრულება ბაკალავრებმა უნდა გააფორმონ 2018 წლის 2 ოქტომბრიდან და 5 ოქტომბრის ჩათვლით, ხოლო მაგისტრებმა 4-5 ოქტომბერს.
10:30 საათიდან 16:30-საათამდე.
909 ა ბიბლიოთეკაში
ქართულ ენაში მოსამზადებელ პროგრამაზე ჩარიცხულ სტუდენტთა რეგისტრაცია
🚩🚩🚩🚩გაცნობებთ, რომ დაიწყო ქართულ ენაში მოსამზადებელი პროგრამიდან პირველ კურსზე ჩარიცხული სტუდენტების რეგისტრაცია. რეგისტრაციის საათები 10:00- 16:00, ოთახი 916ა,
თან უნდა იქონიოთ გადახდის ქვითარი (1125 ლარი) და თქვენი პირადი საქმე🚩🚩🚩🚩
სადოქტორო პროგრამა „საერთაშორისო ურთიერთობების“ დოქტორანტების საყურადღებოდ!
2018 წლის 24 სექტემბრიდან 5 ოქტომბრის ჩათვლით სადოქტორო პროგრამა „საერთაშორისო ურთიერთობების“ დოქტორანტები გამოცხადდით საქართველოს ტექნიკური უნივერსიტეტის მე- 6 კორპუსში მე-9 სართულზე 914ა ოთახში, ყოველწლიური სასწავლო ხელშეკრულებების გასაფორმებლად.
ხელშეკრულების გაუფორმებლობის ან გამოუცხადებლობის შემთხვევაში შეგიჩერდებათ სტუდენტის სტატუსი.
პირველკურსელთა საყურადღებოდ !
⚠️ საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის საბაკალავრო პროგრამებზე ჩარიცხულთა (პირველკურსელთა) საყურადღებოდ!
სასწავლო წელი იწყება 2018 წლის 8 ოქტომბერს
📌 აბიტურიენტებმა, რომელებმაც, 2018-2019 სასწავლო წლის ერთიანი ეროვნული გამოცდების საფუძველზე მოიპოვეს სწავლის გაგრძელების უფლება, რეგისტრაცია უნდა გაიარონ 
👇
✅ 2018 წლის 5-დან 26 სექტემბრის ჩათვლით
✅ საბუთები მიიღება 10:00-დან 19:00 საათამდე, ყოველდღე, კვირის გარდა.
⚠️ რეგისტრაციისთვის საჭირო დოკუმენტაცია:
▶️ განცხადება (განცხადების ფორმა რეგისტრაციისას დაგხვდებათ)
▶️ ატესტატი (დედანი და ასლი)
▶️ პირადობის მოწმობა (დედანი და ასლი)
▶️ ვაჟებისთვის სამხედრო მიწერის მოწმობა (დედანი და ასლი)
▶️ 2 (ორი) ფერადი ფოტოსურათი, ზომით 3 X 4 და მისი ელექტრონული ვერსია (CD დისკით).
⚠️ რეგისტრაციამდე პირველკურსელებმა უნდა დაფარონ პირველი სემესტრის სწავლების საფასური, ანუ მთლიანი თანხის ნახევარი – 1125 ლარი, გადახდის ქვითარი კი უნდა წარადგინოთ რეგისტრაციისას.
▶️ სტუ-ის საბანკო რეკვიზიტებია:
http://gtu.ge/AboutStu/rekvizitebi.php
⚠️ საბუთების მიღება წარმოებს- მ.კოსტავას 77; სტუ-ის VI კორპუსი, მე-9 სართული; საკონტაქტო ტელეფონი – 598 55 60 01