ანონსი

პროექტი “კრიმინალისტიკური ტექნიკა თეორიასა და პრაქტიკაში”

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტზე არსებული სასწავლო კრიმინალისტიკის ლაბორატორიისა და ლევან სამხარაულის სახელობის სასამართლო ექსპერტიზის ეროვნული ბიუროს ერთობლივი შეთანხმებით იწყება პროექტი ,,კრიმინალისტიკური ტექნიკა თეორიასა და პრაქტიკაში“ .
აღსანიშნავია, რომ საქართველოს საგანმანათლებლო სივრცეში დღემდე არ არსებობს პროექტი, რომლის საფუძველზე ნაჩვენები იქნება, თუ როგორ რეალიზდება და ინტეგრირდება თანამედროვე პირობებში კრიმინალისტიკური ტექნიკის თეორული საკითხები და პრაქტიკული ასპექტები.
აღნიშნული პროექტი წარიმართება ორი მიმართულებით − აკადემიური (საგანმანათლებო) და პრაქტიკული, რაც გულისხმობს კომპლექსურ მუშაობას და განხორციელდება ორ ეტაპად.
პირველი ეტაპი − აკადემიური (საგანმანათლებო) კურსი მოიცავს: სამართლისა და საერთაშორისო ურთიერთობების ფაკულტეტზე არსებულ სასწავლო კრიმინალისტიკის ლაბორატორიაში ლევან სამხარაულის სახელობის სასამართლო ექსპერტიზის ეროვნული ბიუროს კვალიფიციური პრაქტიკოს ექსპერტ-კრიმინალისტების მიერ კრიმინალისტიკური ტექნიკის ისეთი მნიშვნელოვანი დარგების თეორიული საკითხების შესწავლას, როგორებიცაა: დაქტილოსკოპია, ტრასოლოგია, ბალისტიკა, დოკუმენტებისა და ხელწერის კრიმინალისტიკური გამოკვლევა, ჰაბიტოსკოპია, ფონოსკოპია, ბიოლოგიორი, ნარკოლოგიური და სამედიცინო ექპერტიზები.
მეორე ეტაპი განხორციელდება თეორიული კურსის დასრულების შემდგომ და მოიცავს პრაქტიკოს ექსპერტ-კრიმინალსიტების მიერ პირველი ეტაპისათვის განსაზღვრული თეორიული საკითხების ლევან სამხარაულის სახელობის სასამართლო ექსპერტიზის ეროვნული ბიუროში არსებულ ლაბორატორიებში პრაქტიკული კომპონენტების ადეკვატურად შესწავლასა და ანალიზს.
პროექტის ბოლო ეტაპზე ჩატარდება დასკვნითი გამოცდა, რომელიც ითვალისწინებს პირველი და მეორე ეტაპების მიხედვით შესწავლილი კრიმინალისტიკური ტექნიკის თეორიულ თუ პრაქტიკულ საკითხების ცოდნას. გამოვლინდება პროექტის გამარჯვებული მონაწილე, რომელსაც სამართლისა და საერთაშორისო ურთიერთობების ფაკულტეტი დააჯილდოებს წამახალისებელი პრიზებით. ასევე, გაიმართება კონკურსი სხვადასხვა სახის ნომინაციაში და გამოვლინდებიან გამარჯვებულები.
პროექტში მონაწილეობის შესაძლებლობა ექნებათ სამართლისა და საერთაშორისო ურთიერთობების ფაკულტეტის ბაკალავრიატისა და მაგისტრატურის საგანმანათლებლო საფეხურების ნებისმიერ სტუდენტს.  ასევე, პროექტში გასაუბრების შედეგად შეირჩევა საქართველოში აკრედიტირებული ნებისმიერი სხვა უმაღლესი დაწესებულებიდან სამართლის სპეციალობის 5 მონაწილე…

https://docs.google.com/forms/d/e/1FAIpQLSdD4rNYki25xVxPsAkgU7QClQEVIr4urbxeIyLyWfaq7_UCKg/viewform
დაინტერესებულმა პირებმა გთხოვთ რეგისტრაცია გაიაროთ 2020 წლის 28 იანვრიდან 25 თებერვლამდე . გასაუბრება გაიმართება 28 თებერვალს 12:00-იდან 16:00მდე (კრიმინალისტიკის ლაბორატორია).

 

სტატუსის აღდგენა/სემესტრის დამატება

დაიწყო სტატუსის აღდგენისა და სემესტრის დამატებაზე განაცხადების მიღება, წარმოადგინეთ სათანადო დოკუმენტაცია (911ა) 2020 წლის 21  თებერვლამდე

სწავლის საფასურთან დაკავშირებით

სტუდენტებმა მეორე სემესტრის სწავლის საფასურის ნახევარი 565 ლარი უნდა გადაიხადოთ 2020 წლის 17 თებერვლამდე, წინააღდმეგ შემთხვევაში ვერ მოხდება თქვენი დაფიქსირება სწავლების ბაზაში.

ზურაბ ხამაშურიძეს საჯარო ლექცია

2020 წლის  05 თებერვალს 15:00 საათზე  ევროკავშირში საქართველოს წარმომადგენლობის ხელმძღვანელის მოადგილე, ბელგიის სამეფოსა და ლუქსემბურგის დიდ საჰერცოგოში საქართველოს საელჩოს საგანგებო და სრულუფლებიანი დესპანი ზურაბ ხამაშურიძე  დიპლომატიურ ლაბორატორიაში  საჯარო ლექციას წაიკითხავს თემაზე: ” დიპლომატიური სამსახურის გამოცდილება, საქართველო- ევროკავშირის ურთიერზთობების პრაქტიკული ასპექტები”

საგამოცდო ცხრილები

მეორე კურსის მაგისტრანტების საყურადღებოდ!

მეორე კურსის მაგისტრატურის სტუდენტებისათვის კოლოქვიუმის დაცვა ჩატარდება შემდეგი განრიგით:

  1. სისხლის სამართლის მიმართულებით- 26 თებერვალი 14:00საათი
  2. სამოქალაქო სამართლის მიმართულებით-26-27 თებერვალი 14:00 საათი
  3. საჯარო სამართლის მიმართულებით- 27 თებერვალი 14:00 საათი

სტუდენტები, რომლებიც  არ წარმოადგენენ პირადობის დამადასტურებელ მოწმობას არ დაიშვებიან გამოცდაზე

სტუდენტთა საყურადღებოდ!

 

სტუდენტები, რომლებიც  არ წარმოადგენენ პირადობის დამადასტურებელ მოწმობას არ დაიშვებიან გამოცდაზე

 

ნებისმიერი შეკითხვის შემთხვევაში მოგვწერეთ: law@gtu.ge