სამართლის კლინიკა

ლაბორატორია

ბიბლიოთეკა

გალერეა

დეკანატი

ცხრილები

ბმულები

განცხადებები

ბაკალავრიატის სტუდენტთა საყურადღებოდ !

სტუ-ს სამართლისა და საერთაშორისო ურთიერთობების ფაკულტეტის საბაკალავრო პროგრამაზე მყოფი სტუდენტთა საყურადღებოდ!

 სწავლება არის სემესტრული; სასწავლო წელი მოიცავს ორ სემესტრს. ერთი სემესტრის განმავლობაში  არის 15  სასწავლო კვირა.  სემესტრი არის დროის პერიოდი, რომელიც მოიცავს სასწავლო კვირათა ერთობლიობას,  სასწავლო კვირა არის დროის ის პერიოდი, რომელზეც ნაწილდება  სტუდენტის სასწავლო დატვირთვა.

აუცილებელია იცოდეთ, რომ შეფასების თითოეულ ფორმაში განსაზღვრულია  მინიმალური კომპეტენციის ზღვარი.   მიმდინარე აქტივობის  მაქსიმალური ქულაა 30, მინიმალური კომპეტენციის ჯამური დადებითი შეფასება არის- 15 ქულა. რაც იმას ნიშნავს, რომ ბაკალავრიატის სტუდენტს  სემესტრის ბოლოს ფინალურ გამოცდაზე გასასვლელად აქტივობის მინიმალური კომპეტენცია ანუ 15 ქულა უნდა ჰქონდეს.    რაც, შეეხება შუალედურ გამოცდას, მაქსიმალური შეფასება არის 30 ქულა, ხოლო მინიმალური კომპეტენციის ზღვარი არის 7,5 ქულა.

დასკვნითი შეფასების მაქსიმალური დადებითი ქულა არის 40 ქულა, ხოლო მინიმალური კომპეტენციის ზღვარს ბაკალავრიატში წარმოადგენს 10 ქულა.

მინიმალური კომპეტენციები:

სემესტრულ (სემინარები) აქტივობაში: 15 ქულა- 30ქულიდან

შუალედურ გამოცდაზე: 7, 5ქულა-30ქულიდან

ფინალურ გამოცდაზე: 10 ქულა-40 ქულიდან

იმისთვის, რომ სტუდენტი გავიდეს დასკვნით გამოცდაზე უნდა ჰქონდეს სემესტრულ აქტივობაში 15 ქულა და შუალედური წერაში 7,5 ქულა. რომელიმეს  მინიმალური კომპეტენციის არ ქონის შემთხვევაში სტუდენტი  დასკვნით გამოცდაზე არ დაიშვება.

იმისთვის, რომ სტუდენტს საგანი ჩაბარებულად ჩაეთვალოს მაქსიმალური შეფასებიდან 100 ქულიდან უნდა დააგროვოს 51 ქულა.

სტუდენტი ვალდებულია გავიდეს ფინალურ გამოცდაზე და აიღოს 10 ქულა, მიუხედავად იმისა, უკვე აქვს თუ არა 51 ქულა დაგროვებული.

თუ სტუდენტს ყველა კომპონენტის მინიმალური ბარიერის გადალახვის შემთხვევაში დასკვნითი გამოცდის ჩათვლით დაუგროვდება 41-50 ქულა  დამატებით გამოცდაზე ერთხელ გასვლის უფლება ეძლევა. დამატებით გამოცდაზე მიღებული შეფასება არის დასკვნითი შეფასება და აისახება საგანმანათლებლო პროგრამის კომპონენტის საბოლოო შეფასებაში. 40 ქულაზე ნაკლების შემთხვევაში კი გადაბარების უფლებას კარგავს.

ბაკალავრიატის სტუდენტს, რომელსაც აქვს გრაფიკი ექნება შესაძლებლობა აღადგინოს როგორც სასემინარო აქტივობა ასევე შუალედური გამოცდა.

დამატებითი შეკითხვების შემთხვევაში მიმართეთ კონსულტაციის ოთახს 910ა.

ირაკლი შოთაძეს საჯარო ლექცია

 

2019 წლის 1 თებერვალს 15:00 საათზე სტუ-ს სამართლისა და საერთაშორისო ურთიერთობების ფაკულტეტის ორგანიზებით სტუ-ს ცენტრალურ ბიბლიოთეკაში  ასოცირებული პროფესორი ირაკლი შოთაძე  ჩაატარებს საჯარო ლექციას თემაზე: „პროკურატურის ადგილი და  როლი სახელმწიფო ორგანოების სისტემაში“

მაგისტრატურის სტუდენტთა საყურადღებოდ!

სტუ-ს სამართლისა და საერთაშორისო ურთიერთობების ფაკულტეტის სამაგისტრო პროგრამაზე მყოფ  სტუდენტთა საყურადღებოდ!

სწავლება არის სემესტრული; სასწავლო წელი მოიცავს ორ სემესტრს. ერთი სემესტრის განმავლობაში  არის 15  სასწავლო კვირა. სემესტრი არის დროის პერიოდი, რომელიც მოიცავს სასწავლო კვირათა ერთობლიობას,  სასწავლო კვირა არის დროის ის პერიოდი, რომელზეც ნაწილდება  სტუდენტის სასწავლო დატვირთვა.

აუცილებელია იცოდეთ, რომ შეფასების თითოეულ ფორმაში განსაზღვრული  მინიმალური კომპეტენციის ზღვარი. მიმდინარე აქტივობის ანუ სემესტრის მანძილზე სემინარების მაქსიმალური ქულაა 30, მინიმალური ჯამური  კომპეტენციის

დადებითი შეფასება არის- 15 ქულა. რაც იმას ნიშნავს, რომ მაგისტრატურის სტუდენტს  სემესტრის ბოლოს ფინალურ გამოცდაზე გასასვლელად აქტივობის მინიმალური კომპეტენცია  15 ქულა უნდა ჰქონდეს.  რაც შეეხება შუალედურ გამოცდას, მაქსიმალური შეფასება არის 30 ქულა, ხოლო მინიმალური კომპეტენციის ზღვარი არის 15  ქულა. დასკვნითი შეფასების მაქსიმალური დადებითი ქულა არის 40 ქულა, ხოლო მინიმალური კომპეტენციის ზღვარს მაგისტრატურაში წარმოადგენს 20 ქულა.

მინიმალური კომპეტენციები:

სემესტრულ (სემინარები) აქტივობაში: 15 ქულა- 30ქულიდან

შუალედურ გამოცდაზე: 15 ქულა-30ქულიდან

ფინალურ გამოცდაზე: 20 ქულა-40 ქულიდან

იმისთვის, რომ სტუდენტი გავიდეს დასკვნით გამოცდაზე უნდა ჰქონდეს სემესტრულ აქტივობაში 15 ქულა და შუალედურ წერაში  15  ქულა. რომელიმეს მინიმალური კომპეტენციის არ ქონის შემთხვევაში სტუდენტი  დასკვნით გამოცდაზე არ დაიშვება.

იმისთვის, რომ სტუდენტს საგანი ჩაბარებულად ჩაეთვალოს მაქსიმალური შეფასებიდან 100 ქულიდან უნდა დააგროვოს 51 ქულა.

სტუდენტი ვალდებულია გავიდეს ფინალურ გამოცდაზე და აიღოს 20 ქულა, მიუხედავად იმისა, უკვე აქვს თუ არა 51 ქულა დაგროვებული.

თუ სტუდენტს ყველა კომპონენტის მინიმალური ბარიერის გადალახვის შემთხვევაში დასკვნითი გამოცდის ჩათვლით დაუგროვდება 41-50 ქულა  დამატებით გამოცდაზე ერთხელ გასვლის უფლება ეძლევა. დამატებით გამოცდაზე მიღებული შეფასება არის დასკვნითი შეფასება და აისახება საგანმანათლებლო პროგრამის კომპონენტის საბოლოო შეფასებაში. 40 ქულაზე ნაკლების შემთხვევაში კი გადაბარების უფლებას კარგავს.

დამატებითი შეკითხვების შემთხვევაში მიმართეთ კონსულტაციის ოთახს 910ა.

სტუდენტთა საყურადღებოდ !

სტუ-ს სამართლისა და საერთაშორისო ურთიერთობების ფაკულტეტის საბაკალავრო, სამაგისტრო, სადოქტორო პროგრამაზე მყოფმა სტუდენტებმა ცნობების, სასწავლო ბარათების, სარეკომენდაციო წერილების, ასევე, შემოვლის ბარათების გატანის სურვილის შემთხვევაში  შესაბამისი  სიტყვიერი განაცხადი უნდა წარადგინონ  სამართლისა და საერთაშორისო ურთიერთობების ფაკულტეტის დეკანატში 902 ა,11:00 საათიდან 17:00საათამდე.

დოკუმენტაციის გაცემა მოხდება განაცხადის გაკეთებიდან შემდეგი სამუშაო დღის 11:00საათიდან 15:00საათამდე,  დეკანატში 902ა.

კონფერენციები

ფაკულტეტის ახალგაზრდა პროფესორ-მასწავლებლების შეხვედრა დეკანთან

2018 წლის 26 ნოემბერს 14:00 საათზე საჯარო სამართლის ლაბორატორიაში  ახალგაზრდა პროფესორ-მასწავლებლებს შეხვდება ფაკულტეტის დეკანი, პროფესორი ირაკლი გაბისონია.

ბოლონიის უნივერსიტეტის პროფესორის მარკო ვალიჯის საჯარო ლექცია

2018 წლის 20 ნოემბერს საქართველოს ტექნიკური უნივერსიტეტის ცენტრალურ ბიბლიოთეკაში  12:00საათზე სამართლისა და საერთაშორისო ურთიერთობების  ფაკულტეტის ორგანიზებით საერთაშორისო ურთიერთობებისა და პოლიტიკურ მეცნიერებათა დოქტორი, ბოლონიის, ვენეციის კა-ფოსკარისა და მილანის კათოლიკური უნივერსიტეტების პროფესორი მარკო ვალიჯი ჩაატარებს საჯარო ლექციას თემაზე: “ევროკავშირი და ახალი საგარეო პოლიტიკური გამოწვევები”

 

ინგლისურენოვანი შემოდგომის სკოლა ,,XXI საუკუნე და ევროკავშირის გამოწვევები“

2018 წლის 18-21 ნოემბერს სტუ-ს სამართლისა და საერთაშორისო ურთიერთობების ფაკულტეტისა და რომის ლა-საპიენცას უნივერსიტეტის ორგანიზებით ფაკულტეტზე ჩვენი სტუდენტებისთვის ტარდება ინგლისურენოვანი შემოდგომის სკოლა ,,XXI საუკუნე და ევროკავშირის გამოწვევები“.

საშემოდგომო სკოლის ფარგლებში ლექციებს წაიკითხავენ: მარკო ვალიჯი-საერთაშორისო ურთიერთობებისა და პოლიტიკურ მეცნიერებათა დოქტორი, ბოლონიის, ვენეციის კა-ფოსკარისა და მილანის კათოლიკური უნივერსიტეტების პროფესორი;ნენო გაბელია-რომის ლა-საპიენცას უნივერსიტეტის პოლიტიკური მეცნიერებების დოქტორი, საქართველოს ახალგაზრდა ელჩი იტალიაში, სტუ-ს სამართლისა და საერთაშორისო ურთიერთობების ფაკულტეტის მოწვეული ასოცირებული პროფესორი.

შემოდგომის სკოლა ,,XXI საუკუნე და ევროკავშირის გამოწვევები“ მონაწილეობის მისაღებად აუცილებელია ინგლისური ენის ცოდნა. მსურველები უნდა დარეგისტრირდით https://docs.google.com/forms/d/e/1FAIpQLSe4pOzI8eTHDOkLTLb8yeIF361du05nRwSNlSAeVoQB1sHg6A/viewform  გაიცემა სერტიფიკატი

საქართველოს ახალგაზრდა ელჩი იტალიის რესპუბლიკაში ნენო გაბელიას საჯარო ლექცია

2018 წლის 17 ნოემბერს 12:00საათზე  საჯარო სამართლის ლაბორატორიაში სტუ-ს სამართლისა და საერთაშორისო ურთიერთობების ფაკულტეტის ორგანიზებით საქართველოს ახალგაზრდა ელჩი იტალიის რესპუბლიკაში, რომის ლა საპიენცას უნივერსიტეტის პოლიტიკური მეცნიერებების დოქტორი ნენო გაბელია ჩაატარებს საჯარო ლექციას თემაზე: „სამოქალაქო უფლებები და სიძულვილის ენა თანამედროვე ეპოქაში“

2016 წლის 25 მაისს საქართველოს ტექნიკურ უნივერსიტეტში ჩამოყალიბდა სამართლისა და საერთაშორისო ურთიერთობების ფაკულტეტი, რომლის მიზანი და ამოცანაა გააჩინოს საქართველოს საგანმანათლებლო სივრცეში კიდევ ერთი კონკურენტუნარიანი, ძლიერი სასწავლო და სამეცნიერო კერა და მისცეს სტუდენტებს სრულფასოვანი და თანამედროვე განათლება.

More Info

ნებისმიერი შეკითხვის შემთხვევაში დაგვირეკეთ 598 33 22 05 ან მოგვწერეთ: law@gtu.ge

არქივი